દિલ્હી: રાષ્ટ્રપતિ દ્રૌપદી મુર્મૂ આજે પંચાયત પુરસ્કાર સપ્તાહ ઉજવણીનું ઉદ્ઘાટન કરશે

પંચાયતી રાજ મંત્રાલય તરફથી આજે પંચાયત પુરસ્કાર સપ્તાહ ઉજવવામાં આવશે.

પંચાયતી રાજ મંત્રાલય તરફથી આજે પંચાયત પુરસ્કાર સપ્તાહ ઉજવવામાં આવશે. 21મી એપ્રિલ સુધી અનેક સમારોહ યોજાશે. આ પ્રસંગે રાષ્ટ્રપતિ દ્રૌપદી મુર્મૂ દિલ્હીના વિજ્ઞાનભવનમાં રાષ્ટ્રીય પંચાયત પુરસ્કાર સપ્તાહનું ઉદ્દઘાટન કરશે. અને પંચાયતોના પ્રોત્સાહન માટે રાષ્ટ્રીય સંમેલનમાં ઉત્કૃષ્ઠ કાર્ય કરવાવાળી પંચાયતોને પુરસ્કાર પ્રદાન કરશે. આ અવસરે રાષ્ટ્રપતિ દેશભરમાંથી 1500થી વધુ પ્રતિનિધિમંડળોને સંબોધિત પણ કરશે. 24મી એપ્રિલના રોજ રાષ્ટ્રીય પંચાયતી રાજ દિવસ પહેલા આઝાદીના અમૃત મહોત્સવના બીજા તબક્કાના અંતર્ગત આ કાર્યક્રમનું આયોજન કરવામાં આવી રહ્યું છે. મંત્રાલયમાં "પંચાયતોના સંકલ્પોની સિદ્ધિનો ઉત્સવ"ની થીમના આધારે અનેક સંમેલનોની શ્રેણીની પરિકલ્પના કરી છે. મંત્રાલયે કહ્યું છે કે આ સપ્તાહ દરમિયાન શ્રેણીમાં પંચાયતી રાજ સંસ્થાનોના માધ્યમથી સતત વિકાસલક્ષ્યોના સ્થાનિયકરણ અંતર્ગત નવ મુખ્ય વિષયો પર પાંચ સંમેલન કરવામાં આવશે.