ન્યૂ ફરક્કા એક્સપ્રેસના નવ ડબ્બા પાટા ઉપરથી ઉતરી પડતાં છના મોત

ઉત્તર પ્રદેશના રાયબરેલી જિલ્લામાં હરચંદપુર રેલવે સ્ટેશન પાસે ન્યૂ ફરક્કા એક્સપ્રેસના નવ ડબ્બા પાટા ઉપરથી ઉતરી પડતાં છના મોત થાય છે.

આ બનાવમાં 20 વ્યક્તિઓ ઈજાગ્રસ્ત બની છે. ઘટના સ્થળે મોટા પાયે રાહત અને બચાવ કામગીરી હાથ ધરવામાં આવી છે. જે માટે NDRFની ટીમ  ઘટના સ્થળે પહોંચી છે. આ બનાવ અંગે પ્રધાનમંત્રી નરેન્દ્ર મોદીએ સંવેદના વ્યક્ત કરી હતી.

રેલ મંત્રી પિયૂષ ગોયલે મૃતકોના પરિવારજનોને 5 લાખ, જ્યારે ઈજાગ્રસ્તને એક લાખ રૂપિયાની સહાય જાહેર કરી છે.

રાજ્યના મુખ્યમંત્રી યોગી આદિત્યનાથે જિલ્લા વહિવટી વડા પાસેથી સંભવ સહાય ઉપલબ્ધ કરાવવાનો નિર્દેશ આપ્યો છે. આ સંબંધે પ્રશાસને વિવિધ શહેરોમાંથી હેલ્પ લાઈન નંબર જાહેર કર્યા છે. મુખ્યમંત્રીએ મૃતકોના પરિજનોને બે લાખ જ્યારે ઈજાગ્રસ્તોને પ0 હજાર રૂપિયા આપવાની જાહેરાત કરી છે.