પ્રધાનમંત્રી નરેન્દ્ર મોદી આવતીકાલે મધ્યપ્રદેશમાં ચાર હજાર કરોડ રૂપિયાથી વધુના રેલ અને રોડ પ્રોજેક્ટનો શિલાન્યાસ કરશે

પ્રધાનમંત્રી નરેન્દ્ર મોદી આવતીકાલે મધ્યપ્રદેશની મુલાકાત લેશે. તેઓ રૂ. 4,000 કરોડથી વધુના ખર્ચના અનેક રેલ અને રોડ પ્રોજેક્ટ રાષ્ટ્રને સમર્પિત કરશે અને કેટલાકનો શિલાન્યાસ કરશે. પ્રધાનમંત્રી કોટા-બીના રેલ માર્ગના ડબલિંગ પ્રોજેક્ટનું ઉદ્ઘાટન કરશે. તેઓ રૂ. 1,580 કરોડથી વધુના ખર્ચે બાંધવામાં આવનારા બે રોડ પ્રોજેક્ટનું ઉદ્ઘાટન પણ કરશે. જેમાં મોરીકોરી-વિદિશા-હિનોતિયાને જોડતો ફોર-લેન રોડ પ્રોજેક્ટ અને હિનોતિયાથી મેહલુવા સુધીના રોડનો સમાવેશ થાય છે. પ્રધાનમંત્રી નરેન્દ્ર મોદી સંત શિરોમણી ગુરુદેવ શ્રી રવિદાસ જીના સ્મારક સ્થળનું ભૂમિપૂજન કરશે. આ સ્મારક લગભગ સાડા અગિયાર એકરમાં સો કરોડ રૂપિયાથી વધુના ખર્ચે બનાવવામાં આવશે.