બિહાર વિધાનસભાના બીજા તબક્કાની 94 બેઠકો માટે મતદાન પૂર્ણ 

પ્રાથમિક અહેવાલ અનુસાર બિહારમાં સરેરાશ 53 ટકા મતદાન.મધ્યપ્રદેશમાં સરેરાશ 66 ટકા અને ઉત્તર પ્રદેશમાં સરેરાશ 52 ટકા મતદાન

બિહાર વિધાનસભા ચૂંટણીના બીજા ચરણમાં રાઘોપુર, પારુ, મીનાપુર અને અલૌલી સહિત 8 નક્સલ પ્રભાવિત ક્ષેત્રો સહિત 17 જિલ્લાના 94 ચૂંટણી ક્ષેત્રોમાં મતદાન થયું હતું. સાંજે 6 વાગ્યા સુધી લગભગ 53 ટકા મતદાન નોંધાયું હતું.

આ ચરણમાં કુલ 1 હજાર 463 ઉમેદવારો મેદાનમાં છે, જેમાંથી 146 મહિલા ઉમેદવાર અને એક ટ્રાન્સજેન્ડર ઉમેદવાર છે. 243 ધારાસભ્યો વાળી બિહાર વિધાનસભા માટે 3 ચરણમાં ચૂંટણી યોજાઇ રહી છે. પ્રથમ ચરણની ચૂંટણી 28 ઓક્ટોબરે યોજાઇ હતી. જ્યારે ત્રીજા અને અંતિમ ચરણની ચૂંટણી 7 નવેમ્બરે યોજાશે.  આજના મતદાનમાં લોજપાના પ્રમુખ ચિરાગ પાસવાને પણ મતદાન કર્યું હતું.