મહિલા અને બાળ વિકાસ મંત્રાલયે 9થી 23 માર્ચ સુધી પોષણ પખવાડા 2024નું આયોજન કર્યું

મહિલા અને બાળ વિકાસ મંત્રાલય આજથી 23મી માર્ચ સુધી પોષણ પખવાડા 2024નું આયોજન કરી રહ્યું છે. પખવાડા દરમિયાન, 'પોષણ ભી પઢાઈ ભી', સગર્ભા સ્ત્રીઓના પોષણ અને આરોગ્ય સંબંધિત જાગૃતિ પર કેન્દ્રિત આહાર પ્રથાઓ સહિતના વિષયો પર મોટા પાયે જાગૃતિ માટે સામુદાયિક પ્રવૃત્તિઓનું આયોજન કરવામાં આવશે. 

મહિલા અને બાળ વિકાસ મંત્રાલયે એક નિવેદનમાં જણાવ્યું છે કે આ વિષયવસ્તુ ઉપરાંત, રાજ્યો અને ભાગીદાર મંત્રાલયો અને વિભાગો અન્ય મહત્વપૂર્ણ ક્ષેત્રોની આસપાસ વધારાની સંવેદનાત્મક પ્રવૃત્તિઓનું પણ આયોજન કરી શકે છે. તેમાં મિશન લાઇફ દ્વારા પોષણમાં સુધારો કરવો અને આંગણવાડી કેન્દ્રોમાં બાજરી અને પોષણ વાટિકાને પ્રોત્સાહન આપીને ટકાઉ ખોરાક પ્રણાલી અપનાવવાનો સમાવેશ થાય છે. ઉપરાંત, ઝાડા વ્યવસ્થાપન; પરીક્ષણો, સારવાર, એનિમિયા; અને આંગણવાડી કેન્દ્રો પર નોંધાયેલા બાળકોના નિયમિત વિકાસ માપનને પ્રોત્સાહન આપવા માટે સ્વસ્થ બાળક સ્પાર્ધાનું પણ આયોજન પણ કરવામાં આવશે. 

માર્ચથી એપ્રિલ 2023 માં યોજાયેલા છેલ્લા પોષણ પખવાડામાં, ચાર કરોડથી વધુ સંવેદનાત્મક પ્રવૃત્તિઓ નોંધાઈ હતી.  જેમાં પોષણ સુખાકારી માટે બાજરીના પ્રચાર અને લોકપ્રિયતા, સ્વસ્થ બાળક સ્પાર્ધાની ઉજવણી અને સક્ષમ આંગણવાડીઓને લોકપ્રિય બનાવવાના વિષયવસ્તુ પર ધ્યાન કેન્દ્રિત કરવામાં આવ્યું હતું. મંત્રાલયે ઉમેર્યું હતું કે સક્ષમ આંગણવાડી અને મિશન પોષણ 2.0નો એક મુખ્ય ઉદ્દેશ્ય જન ભાગીદારી દ્વારા વ્યક્તિગત અને સામુદાયિક સ્તરે પોષણ-સંબંધિત વર્તન પરિવર્તન હાંસલ કરવાનો છે. તંદુરસ્ત આહાર અને સામૂહિક સંવેદના કેળવવા માટે, 2018 માં પોષણ અભિયાનની શરૂઆત થઈ ત્યારથી પોષણ પખવાડા અને પોષણ માહના રૂપમાં વાર્ષિક ધોરણે જન આંદોલનો ઉજવવામાં આવે છે.