રક્ષા અધિગ્રહણ પરીષદે રૂપિયા 13 હજાર 700 કરોડના પ્રસ્વાતને આપી મંજૂરી

રક્ષા અધિગ્રહણ પરીષદે ભારતીય થલ સેના, નૌકાદળ અને વાયુસેના માટે વિવિધ શસ્ત્રો, હથિયાર પ્લેટફોર્મ, ઉપકરણો અને સિસ્ટમો ખરીદવાની મૂડી સંપાદન દરખાસ્તોને મંજૂરી આપી દીધી છે. કુલ 13 હજાર 700 કરોડ રૂપિયાના દરખાસ્તોને આ કાઉન્સિલે મંજૂરી આપી હતી. આ તમામ મંજૂરીઓને હથિયારો, ઉપકરણો અને સિસ્ટમોની સર્વોચ્ચ પ્રાધાન્યતા કેટેગરી માટે મંજૂરી આપવામાં આવી છે જેમા સંરક્ષણ સંશોધન અને વિકાસ સંગઠન - ડી.આર.ડી.ઓ દ્વારા વિકસિત શસ્ત્રો, સિસ્ટમો અને પ્લેટફોર્મ શામેલ છે.

ભારત સરકારના સ્વનિર્ભર સરકારના લક્ષ્યોને સમય મર્યાદામાં પૂર્ણ કરવા અને તેને વ્યવસ્થિત અને ઝડપી બનાવવા માટે નવી સિસ્ટમ હેઠળ આ પગલાં લેવામાં આવ્યા છે. રક્ષા અધિગ્રહણ પરીષદે તમામ મૂડી સંપાદન કરાર પણ બે વર્ષમાં પૂર્ણ કરવાની મંજૂરી આપી દીધી છે. આ સંદર્ભે, સંરક્ષણ મંત્રાલય સૈન્યના ત્રણેય અંગો અને તમામ સંબંધિત લોકોની સલાહ સાથે વિગતવાર એક્શન પ્લાન તૈયાર કરશે.