લખનૌમાં સંરક્ષણ પ્રદર્શનનું સમાપન, આગામી વર્ષોમાં ભારત વૈશ્વિક સંરક્ષણ ઉત્પાદનમાં એક મહત્વપૂર્ણ કેન્દ્ર બનશે

ત્રણ હજાર વિદેશી પ્રતિનિધિઓ અને 12 લાખથી વધુ દર્શકો સહિત 13,000 પ્રતિનિધિઓની હાજરીએ ઉત્તર પ્રદેશમાં સંરક્ષણ ઉત્પાદન ક્ષેત્રે એક મજબૂત પાયો નાખ્યો છે - યોગી આદિત્યનાથ

સંરક્ષણ પ્રધાન રાજનાથસિંહે કહ્યું છે કે આગામી વર્ષોમાં ભારત વૈશ્વિક સંરક્ષણ ઉત્પાદન ક્ષેત્રમાં એક મહત્વપૂર્ણ સંરક્ષણ ઉત્પાદન કેન્દ્ર બનશે. લખનૌમાં આજે આંતરરાષ્ટ્રીય સંરક્ષણ પ્રદર્શન - ડેફ એક્સ્પો 2020 ના સમાપન સમારોહને સંબોધન કરતાં તેમણે કહ્યું કે આ પ્રદર્શન દેશને વિશ્વમાં સંરક્ષણ ઉત્પાદન અને નિકાસ ક્ષેત્રે મહત્વપૂર્ણ સ્થાન આપવામાં સફળ રહેશે.સંરક્ષણ પ્રધાને કહ્યું કે આ પ્રદર્શનથી ઉત્તરપ્રદેશને સંરક્ષણ ક્ષેત્રે નવી ઓળખ મળી છે અને તેમાં નવા રોકાણ સંબંધિત 23 કરારો પર હસ્તાક્ષર થયા છે.ઉત્તર પ્રદેશના લખનૌ ખાતે , ડિજીટલ ટ્રાન્સફોર્મેશન ઓફ ડિફેન્સની થીમ પર આયોજીત , ડિફેન્સ એક્પોનું , વિધીવત રીતે સમાપન કરવામાં આવ્યું. સમાપન કાર્યક્રમાં સંરક્ષણ સચિવ ડો. અજય કુમારે , આ ડિફેન્સ એક્પોને , આગળના 10 એક્પો કરતા વધુ સફળ એક્પો ગણાવ્યો હતો. કારણે કે આ વખતે 1,000થી વધુ એકઝીબીટરોએ ભાગ લીધો હતો. દેશ અને દુનિયાના લોકો , ભારતના શૌર્ય અને શક્તિથી રૂબરૂ થયાં હતા. વધુમાં તેમણે જણાવ્યું કે, આ એક્સોમાં 133 જેટલા એમઓયુ સાઈન થયાં છે. આ પ્રસંગે સંરક્ષણ મંત્રી રાજનાથ સિંહે જણાવ્યું , કે સંરક્ષણના મુદ્દે નવું ભારત, સમૃદ્ધ અને સમર્થ છે. વિશ્વના અન્ય શક્તિશાળી દેશો સાથે , તાલથી તાલ મેળવવાની ક્ષમતા રાખે છે. તો બીજી બાજુ ઉત્તર પ્રદેશના મુખ્યમંત્રી યોગી આદિત્યનાથે જણાવ્યું , કે આ એક્પોમાં , 23 એમઓયુ એવા થયા છે , જેમાં ઉત્તર પ્રદેશને પચાસ હજાર કરોડના રોકાણના પ્રસ્તાવ મળ્યાં છે. જેના કારણે સ્થાનિક 2 થી 3 લાખ યુવાનો માટે , રોજગારના અવસર ખુલશે. આવતીકાલથી સામાન્ય લોકો પણ , આ એક્પોની મુલાકાત લઈ , દેશના શોર્ય અને શક્તિથી રૂબરૂ થઈ શકશે.