સરહદી-તટીય જિલ્લાઓમાં NCCના વિસ્તારના પ્રસ્તાવને રક્ષામંત્રી રાજનાથ સિંહે આપી મંજૂરી

રક્ષામંત્રી રાજનાથ સિંહે દેશની સીમા અને તટીય જિલ્લાઓના યુવાઓની આકાંક્ષાને પૂરી કરવા માટે રાષ્ટ્રીય કેડેટ્સ Core NCCની એક મોટી વિસ્તાર યોજનાના પ્રસ્તાવને મંજૂરી આપી છે.

આ પ્રસ્તાવ મુજબ દેશના 173 તટિય અને સીમા ક્ષેત્રના જિલ્લામાંથી કુલ 1 લાખ કેડટ્સ NCCમાં જોડાશે.

જેમાં એક તૃત્યાંશ જેટલી મહિલાઓ રહેશે. જે માટે તટિય અને સીમા ક્ષેત્રના જિલ્લાની 1 હજારથી વધુ સ્કૂલો અને કોલેજોની ઓળખ કરાઈ છે, જ્યાં NCCનું શિક્ષણ પ્રદાન કરવામાં આવશે. જે માટે કુલ 83 NCC યુનિટ્સને ઉન્નત કરવામાં આવશે.

જેમાં 53 સેનાના, 20 નૌ-સેનાના, અને 10 વાયુસેનાના એકમો શામેલ છે. NCCના વિસ્તારની આ યોજના , રાજ્યો સાથે ભાગીદારીમાં લાગુ થશે. જે યુવાઓને સૈન્ય પ્રશિક્ષણ અને અનશાસન જ નહિં પણ શસ્ત્રદળમાં શામેલ થવા માટે પણ પ્રેરિત કરશે. આ યોજનાના પ્રસ્તાવની ઘોષણા પ્રધાનમંત્રી નરેન્દ્ર મોદીએ ગઈકાલે પોતાના સ્વતંત્રતા દિવસના ભાષણમાં કરી હતી.