EVM મામલે 21 વિપક્ષી દળોને SCનો ઝટકો, પુનઃવિચારની અરજી ફગાવી 

સુપ્રિમ કોર્ટે વિપક્ષને મોટો ઝટકો આપ્યો છે. વીવીપેટ માંથી નીકળતી 50 ટકા પરચીને EVM સાથે મેળવણી કરવાની, પુનઃવિચાર અરજીને નામંજૂર કરવામાં આવી છે. આ અરજી  ચંદ્રાબાબુ નાયડુ, ફારૂખ અબ્દુલ્લા, ડી.રાજા અને આપના સાંસદ અજય સિંહ દ્વારા દાખલ કરવામાં આવી હતી. અદાલતે કહ્યું છે  કે આ અરજી ઉપર પુનઃવિચાર કરવામાં આવશે નહીં.

સુપ્રિમ કોર્ટમાં 21 વિપક્ષી નેતા દ્વારા આ અરજી દાખલ કરવામાં આવી હતી. સુપ્રિમ કોર્ટે કહ્યું હતું કે એક વિધાનસભા માંથી  પાંચ બુથના વીવીપેટ મશીનની પરચીની EVM સાથે ચકાસણી થશે. જો કે વિપક્ષને સંતોષ ન થતાં તેમણે વિધાનસભામાં 50 ટકા બુથની ચકાસણી માટે અરજી દાખલ કરી હતી. તે અરજીની સુનાવણી કરતા અદાલતે કહ્યું કે આ અરજીમાં  પુનઃ વિચારની જરૂર નથી.