દમણ સમાજ કલ્યાણ વિભાગ દ્વારા અનાથ બાળકોમાં શૈક્ષણિક કીટનું વિતરણ

કેન્દ્ર શાસિત પ્રદેશ દમણમાં બાળ સંરક્ષણ સમિતિ, સમાજ કલ્યાણ વિભાગ દ્વારા મોટી દમણ સચિવાલય સભાખંડ ખાતે 'નન્હે હાથ કલમ કે સાથ' કાર્યક્રમનું આયોજન કરવામાં આવ્યું હતું.

આ કાર્યક્રમનો ઉદેશ્ય દેખરેખ અને સલામતીની જરૂરિયાતવાળા બાળકો જેવા કે અનાથ અને માતા-પિતાવિનાના એકલા બાળકોને શિક્ષણ સાથે જોડી રાખવાનો હતો. તેમને પ્રોત્સાહિત કરવા શૈક્ષણિક કિટનું વિતરણ કરવામાં આવ્યું હતું. આ અવસરે મુખ્ય અતિથિ તરીકે સંઘપ્રદેશ પ્રશાસકના સલાહકાર એ.કે.સિંહ ઉપસ્થિત રહ્યા હતા.

કાર્યક્રમ અંતર્ગત દાદર નગર હવેલી અને દમણ-દીવના કુલ 1200 જેટલા બાળકો નક્કી કરવામાં આવ્યા હતા. આ તમામ બાળકોને સંબંધિત સ્કૂલોમાં શેક્ષણિક કિટ પ્રદાન કરવામાં આવશે. જે અંતર્ગત પ્રતીક તરીકે 15 બાળકોના વાલીઓને કિટનું વિતરણ કરવામાં આવ્યું હતું.