કેન્દ્રીય મંત્રી અનુરાગ ઠાકુરએ દિલ્હીમાં એશિયન ગેમ્સ વિજેતાઓનું કર્યું સન્માન

મેડલ વિજેતાઓએ દેશને ગૌરવ અપાવ્યું છે અને તેમની સખત મહેનતને કારણે દેશ ઉભરતી રમત મહાસત્તા તરીકે ઉભરી આવ્યો છે: અનુરાગ ઠાકુર

કેન્દ્રીય રમતગમત મંત્રી અનુરાગ ઠાકુરે આજે નવી દિલ્હીમાં 19મી એશિયન ગેમ્સમાં ક્રિકેટ, રોઇંગ અને શૂટિંગમાં મેડલ વિજેતાઓનું સન્માન કર્યું હતું. અનુરાગ ઠાકુરે કહ્યું કે, આ ખેલાડીઓએ એશિયન ગેમ્સમાં પોતાના પ્રદર્શનથી અમીટ છાપ છોડી છે. એશિયન ગેમ્સ ક્રિકેટ સ્પર્ધામાં પ્રથમ વખત ભાગ લઈ રહેલી ભારતીય મહિલા ટીમ માટે સુવર્ણ જીતવું એ એક ઐતિહાસિક સિદ્ધિ છે. ભારતીય ખલાસીઓ અને શૂટરોએ તેમનું શ્રેષ્ઠ પ્રદર્શન કર્યું છે.

વધુમાં તેમણે જણાવ્યું કે, મેડલ વિજેતાઓએ દેશને ગૌરવ અપાવ્યું છે અને તેમની સખત મહેનતને કારણે દેશ ઉભરતી રમત મહાસત્તા તરીકે ઉભરી આવ્યો છે. અનુરાગ ઠાકુરે કહ્યું કે, ખેલાડીઓની મહેનતના કારણે ભારતને મેડલ મળ્યા છે અને 'ખેલો ઈન્ડિયા' ગેમ્સમાંથી ઘણી પ્રતિભાઓ ઉભરી આવી છે. તે ઉપરાંત જણાવતાં અનુરાગ ઠાકુરે કહ્યું કે, સરકાર ખેલાડીઓના જીવનને સરળ બનાવવા માટે પારદર્શક પ્રણાલી લઈને આવી છે જેથી તેઓ તેમની રમત પર ધ્યાન કેન્દ્રિત કરી શકે.