ધર્મશાલા-ભારત અને દ.આફ્રિકા વચ્ચે આજે ટી-20 મેચ રમાશે

આગામી 13 મહિના ભારતીય ક્રિકેટ માટે મહત્વના રહેશે

આજે ભારત અને દક્ષિણ આફ્રિકા વચ્ચે ત્રણ ટી -20 શ્રેણીની પહેલી મેચ ધર્મશાલામાં રમાશે. ભારતીય ટીમની નજર ટી 20માં સતત ચોથી જીત મેળવવા પર રહેશે. તેણે છેલ્લી ત્રણ મેચોમાં વેસ્ટ ઇન્ડીઝને હરાવ્યું હતું. આ વર્ષે ઓસ્ટ્રેલિયા સામે ટીમ ઈન્ડિયાને છેલ્લી પરાજય મળ્યો હતો. બીજી તરફ, દક્ષિણ આફ્રિકાની ટીમ પણ સતત ચોથી જીત નોંધાવવા માંગશે. તેણે છેલ્લી ત્રણ મેચોમાં શ્રીલંકાને પરાજિત કર્યું હતું. તેની છેલ્લી હાર ફેબ્રુઆરીમાં પાકિસ્તાન સામે થઈ હતી. બંને ટીમો ચાર વર્ષ બાદ ધર્મશાલાના હિમાચલ પ્રદેશ ક્રિકેટ એસોસિએશન સ્ટેડિયમમાં રમશે. છેલ્લે 2 ઓક્ટોબર 2015ના રોજ દક્ષિણ આફ્રિકાની ટીમે ભારતને 7 વિકેટે હરાવ્યું હતું. ટીમ ઈન્ડિયા તે હારનો બદલો લેવા માંગશે. આ મેદાન પર આઠ મેચ રમવામાં આવી હતી. આમાં, બે વખત ચેઝ કરનાર ટીમે જીત મેળવી હતી. ચાર મેચમાં પ્રથમ બેટિંગ કરનાર ટીમે મેળવી હતી. બે મેચમાં પરિણામ આવ્યુ ન હતું.ટીમમાં ઝડપી બોલિંગ આક્રમણમાં બુમરાહની હાજરી નિશ્ચિત છે પરંતુ દીપક ચહર પણ ક્રિકેટની સૌથી નાની ફોર્મેટમાં ઘણો ઉપયોગી બની શકે છે. આ ઉપરાંત યુવા નવદીપ સૈની તથા ખલીલ અહેમદના સ્વરૂપે વિકલ્પો પણ છે પરંતુ બંને વધારે ખર્ચાળ સાબિત થઈ રહ્યા છે. આગામી ૧૩ મહિનામાં ટીમ મેનેજમેન્ટે સ્પિનર અને પેસ બોલિંગના કોમ્બિનેશનને પણ શોધી કાઢવું પડશે.

ભારતીય ટીમ
વિરાટ કોહલી (સુકાની), રોહિત શર્મા, શિખર ધવન, લોકેશ રાહુલ, શ્રેયસ ઐયર, મનીષ પાંડે, રિષભ પંત, હાર્દિક પંડયા, રવીન્દ્ર જાડેજા, કૃણાલ પંડયા, વોશિંગ્ટન સુંદર, રાહુલ ચહર, ખલીલ અહેમદ, દીપક ચહર, નવદીપ સૈની.

સાઉથ આફ્રિકન ટીમ 
ક્વિન્ટન ડી કોક (સુકાની), રાસી વાન ડેર ડુસેન, ટેમ્બા બાવુમા, જુનિયર ડાલા, બ્યોર્ન ફોરટુઇન, બેયુરન હેન્ડ્રિક્સ, રીઝા હેન્ડ્રિક્સ, ડેવિડ મિલર, એનરિક નોર્તઝે, એન્ડિલ ફેલુકવાયો, ડ્વેન પ્રિટોરિયસ, કાગિસો રબાડા, તબરેજ શમ્સી, જ્યોર્જ લિંડે.