ભારતીય મહિલા હોકી ટીમે એફઆઈએચ સિરીઝમાં જીત્યો ગોલ્ડ મેડલ

ઓલમ્પિક ક્વોલિફાયર ટુર્નામેંટની ટિકિટ કરી હાંસલ

હિરોશીમા ખાતે ડ્રેગ ફ્લિકર ગુરજિત કૌરના પેનલ્ટી કોર્નરથી બે શાનદાર ગોલના કારણે ભારતીય મહિલા ટીમે ફાઇનલમાં જાપાનને 3-1 થી હરાવીને ગત વર્ષે એશિયાઇ ગેમ્સની ફાઇનલમાં મળેલી હારનો બદલો લઈ લીધો છે અને આંતરરાષ્ટ્રીય હોકી ફેડરેશન-એફઆઈએચ સિરીઝમાં ગોલ્ડ મેડલ હાંસલ કર્યો છે. ભારતીય ટીમ તરફથી કેપ્ટન રાની રામપાલે એક અને ગુરજિત કૌરે બે ગોલ ફટકાર્યા હતા. ભારતીય મહિલા ટીમે આ ટુર્નામેંટની ફાઈનલમાં પહોંચવાની સાથે જ આ વર્ષના અંતમાં યોજાનાર ઓલમ્પિક ક્વોલિફાયર ટુર્નામેંટની ટિકિટ પણ હાંસલ કરી લીધી હતી અને ફાઇનલ મેચમાં ભારતે જાપાનને હરાવીને ચેમ્પિયન બન્યું છે. આ જીત બાદ પ્રધાનમંત્રી નરેન્દ્ર મોદીએ ભારતીય મહિલા હોકી ટીમને અભિનંદન પાઠવ્યા છે.