ભારતે પ્રથમ T20માં આયર્લેન્ડને બે રનથી હરાવ્યું

ભારત અને આયર્લેન્ડ વચ્ચેની ત્રણ મેચની T20 શ્રેણીની પ્રથમ મેચ ડકવર્થ-લુઈસ પદ્ધતિ હેઠળ ભારતે બે રને જીતી લીધી છે. ભારતે ટોસ જીતીને પ્રથમ બોલિંગ કરવાનો નિર્ણય કર્યો હતો અને પ્રથમ બેટિંગ કરતા આયર્લેન્ડે સાત વિકેટે 139 રન બનાવ્યા હતા.ટીમ ઈન્ડિયાએ 6.5 ઓવરમાં બે વિકેટ ગુમાવીને 47 રન બનાવ્યા હતા. આ પછી વરસાદને કારણે રમત રમાઈ શકી ન હતી અને ભારત ડકવર્થ-લુઈસ પદ્ધતિ હેઠળ બે રને જીતી ગયું હતું.

આ મેચમાં શાનદાર બોલિંગ કરનાર ભારતીય ટીમના કેપ્ટન જસપ્રિત બુમરાહને પ્લેયર ઓફ ધ મેચ તરીકે પસંદ કરવામાં આવ્યો હતો. જસપ્રીત બુમરાહે 4 ઓવરમાં 24 રન આપ્યા હતા. આ સીરીઝની બીજી T20 મેચ રવિવારે રમાશે. બંને ટીમો ફરી એકવાર ડબલિનમાં આમને-સામને થશે. આ મેચ ભારતીય સમય અનુસાર સાંજે 7.30 વાગ્યે શરૂ થશે.