યુએસ ઓપન ટેનિસમાં, ઇગા સ્વાઇટેક, ઇ રાયબેકિના અને કેસ્પર રુડ બીજા રાઉન્ડમાં આગળ વધ્યા

ટેનિસ, સિઝનનો ચોથો અને અંતિમ ગ્રાન્ડ સ્લેમ, યુએસ ઓપન ગઈકાલે રાત્રે ન્યુયોર્કમાં શરૂ થયો. અમેરિકાની સ્ટાર ખેલાડી કોકો ગોફે આજે જર્મનીની લૌરા સિગેમન્ડને 3-6, 6-2, 6-4થી હરાવીને મહિલા સિંગલ્સના બીજા રાઉન્ડમાં પ્રવેશ કર્યો હતો.

અગાઉ, ડિફેન્ડિંગ ચેમ્પિયન પોલેન્ડની ઇગા સ્વાઇટેક, ચેક રિપબ્લિકની કેરોલિના મુચોવા, સ્વિસ ખેલાડી બેલિન્ડા બેન્સિક, બેલારુસિયન ખેલાડી વિક્ટોરિયા અઝારેન્કા અને ઓસ્ટ્રેલિયાની ડારિયા સેવિલે પણ મહિલા સિંગલ્સના બીજા રાઉન્ડમાં પ્રવેશ કર્યો હતો. જોકે, ગ્રીસની મારિયા સક્કારીએ સ્પેનની રેબેકા માસારોવા સામે હારીને પ્રથમ રાઉન્ડમાંથી બહાર થઈ ગઈ હતી.

મેન્સ સિંગલ્સમાં ગ્રીક ખેલાડી સ્ટેફાનોસ સિત્સિપાસે કેનેડાના મિલોસ રાઓનિકને 6-2, 6-3, 6-4થી હરાવીને આગલા રાઉન્ડમાં પ્રવેશ કર્યો હતો. ચોથો ક્રમાંકિત ડેનિશ ખેલાડી હોલ્ગર રુન યુએસ ઓપનમાંથી ચાર સેટમાં સ્પેનના રોબર્ટો કાર્બાલેસ બાએના સામે 3-6, 6-4, 3-6, 2-6થી હારી ગયો હતો. નોર્વેનો પાંચમો ક્રમાંકિત કેસ્પર રૂડ બીજા રાઉન્ડમાં પહોંચી ગયો છે.