IND vs BAN : ઈન્દોરમાં ભારતે ઇનિંગ અને 130 રનથી મેળવી જીત, મોહમ્મદ શમીએ ઝડપી ચાર વિકેટ

ત્રીજા દિવસે ભારતે મેદાનમાં ઉતર્યા વગર દાવ ડિકલેર કરતા બાંગ્લાદેશ બીજા દાવમાં બેટિંગ માટે ઉતર્યું હતું. શદમાન ઇસ્લામ અને ઇમરુલ કાયેસ 6-6 રન બનાવી આઉટ થતા બંને ઓપનર 16 રનના સ્કોરે આઉટ થયા હતા. મોમિનુક હક (7) અને મિથુન (18) સસ્તામાં આઉટ થતા બાંગ્લાદેશે 44 રનમાં 4 વિકેટ ગુમાવી દીધી હતી. મહમદુલ્લાહ (15) અને લિટ્ટન દાસ (35) પણ મોટો સ્કોર બનાવી શક્યા ન હતા. એકમાત્ર મુશ્ફિકુર રહીમે બાજી સંભાળતા અડધી સદી ફટકારી હતી. ભારત તરફથી મોહમ્મદ શમીએ 4 વિકેટ, જ્યારે ઉમેશ યાદવ અને અશ્વિને 2-2 વિકેટ ઝડપી હતી. ઇશાંત શર્માને 1 વિકેટ મળી હતી.શ્રેણીની એક મેચ હજી બાકી છે. બીજી અને છેલ્લી ટેસ્ટ મેચ 22 નવેમ્બરથી કોલકાતાના ઈડન ગાર્ડન્સ ખાતે રમાશે. આ ટેસ્ટ મેચ ડે-નાઇટ ફોર્મેટમાં રમાશે. આ ઐતિહાસિક ટેસ્ટ મેચ ભારતીય ભૂમિ પર બપોરે 1 વાગ્યે શરૂ થશે.