ગાંધીનગરમાં 11 જાન્યુઆરીએ વિજ્ઞાન અને ટેકનોલોજી વિભાગ દ્વારા 3 સેમિનારનું આયોજન

ગુજરાતને સેમિકન્ડક્ટર મેન્યુફેક્ચરિંગના હબ તરીકે વિકસાવવા સેમિનારનું આયોજન કરવામાં આવશે.

ગાંધીનગરમાં મહાત્મા મંદિર ખાતે 11 જાન્યુઆરી 2024ના રોજ વિજ્ઞાન અને ટેકનોલોજી વિભાગ દ્વારા ત્રણ સેમિનાર યોજાશે. વિજ્ઞાન અને ટેકનોલોજી વિભાગના અગ્ર સચિવ મોના ખંધારે જણાવ્યું કે, સવારે 10:00 વાગ્યાથી 01:00 વાગ્યા સુધી 'સેમિકન્ડક્ટર એન્ડ ઈલેક્ટ્રોનિક્સ' વિષય પર વિશેષ સેમિનાર યોજાશે. બપોરે 2:00 વાગ્યાથી 6:15 વાગ્યા સુધી 'ટેકએડ: હેરાલ્ડિંગ ઈન્ડિયાઝ ઈન્ડિયાઝ ટેકનોલોજી ડિકેડ' પર સેમિનાર વિષય પર વિશેષ સેમિનાર યોજાશે. બપોરે 02:30 વાગ્યે 'ન્યુ સ્પેસ એરા: કનેક્ટિંગ સાયન્સ, નેશન્સ એન્ડ સોસાયટી' વિષય પર સેમિનાર યોજાશે.

ગુજરાતને સેમિકન્ડક્ટર મેન્યુફેક્ચરિંગના હબ તરીકે વિકસાવવા રાજ્ય સરકારના વ્યૂહાત્મક ફોકસને ઉજાગર કરીને આગામી વાઈબ્રન્ટ ગુજરાત સમિટમાં સેમિકન્ડક્ટર અને ઈલેક્ટ્રોનિક્સ પર વિશેષ સેમિનારનું આયોજન કરવામાં આવશે. જેમાં ત્રણ સત્રો હશે. ઉદઘાટન સત્રમાં કૌશલ્ય વિકાસ અને ઉદ્યોગસાહસિકતા અને ઈલેક્ટ્રોનિક્સ અને આઈટી વિભાગના મંત્રી રાજીવ ચંદ્રશેખર, ભારત સરકારના કેન્દ્રીય રેલ્વે, સંચાર અને ઈલેક્ટ્રોનિક્સ અને આઈટી વિભાગના મંત્રી અશ્વિની વૈષ્ણવ અને ગુજરાતના મુખ્યમંત્રી ભૂપેન્દ્ર પટેલ ઉપસ્થિત રહેશે. ગેસ્ટ ઓફ ઓનર તરીકે જાપાન સરકારના તાનાકા કાઝુશીગે સત્રમાં હાજરી આપશે. માઇક્રોન ટેક્નોલોજીસ ઇન્ક.ના પ્રમુખ અને સીઇઓ સંજય મેહરોત્રા મુખ્ય વક્તવ્ય આપશે. આ પ્રસંગે સેમી ગ્લોબલના પ્રમુખ અને સીઈઓ અજીત મનોચા વક્તા તરીકે હાજર રહેશે.

ઈલેક્ટ્રોનિક્સ, ઈન્ફોર્મેશન એન્ડ ટેક્નોલોજી મંત્રાલયના સચિવ એસ. કૃષ્ણન વિશેષ સંબોધન કરશે. પેનલ ડિસ્કશનમાં સેમિકન્ડક્ટર અને ઈલેક્ટ્રોનિક્સના અગ્રણીઓ જેમ કે NVIDIAના એન્ટરપ્રાઈઝ બિઝનેસના સિનિયર વાઇસ પ્રેસિડેન્ટ શંકર ત્રિવેદી, સિમ્ટેકના સીઈઓ મિસ્ટર જેફરી ચુન અને ડિક્સન ટેક્નોલોજીસના વાઈસ ચેરમેન અતુલ લાલ, SVP-સપ્લાય ચેઇન, રોકવેલ ઓટોમેશનના એમડી રોબર્ટ બટરમોર અને સહસ્ત્ર ઇલેક્ટ્રોનિક્સના એમડી અમૃત મનવાણી હાજર રહેશે.

VGGS 2024: સેમિનાર 'ટેકએડ: હેરાલ્ડિંગ ઈન્ડિયાઝ ઈન્ડિયાઝ ટેકનોલોજી ડિકેડ'

આ સેમિનાર ગુજરાત રાજ્ય માટે ફિનટેક, ડીપટેક અને સાયબર સિક્યોરિટી જેવા મહત્ત્વના ક્ષેત્રોમાં વ્યૂહાત્મક આંતરદૃષ્ટિ અને દૂરંદેશી માર્ગદર્શન પ્રદાન કરીને, તકનીકી દિશાઓને પ્રદર્શિત કરવા માટે તૈયાર છે. સેમિનાર રાજ્યને તકનીકી નવીનતા અને ટકાઉ વૃદ્ધિ તરફ માર્ગદર્શન આપશે. વધુમાં આ સેમિનાર ગુજરાતને વૈશ્વિક IT રોકાણ સ્થળ તરીકે સ્થાન આપવા માટે અને નવીનતાને પ્રોત્સાહન આપવા માટે રાજ્યની પ્રતિબદ્ધતા દર્શાવીને ટેક ઉદ્યોગમાં મુખ્ય ખેલાડીઓ અને રોકાણકારોનું ધ્યાન આકર્ષિત કરે છે. વૈશ્વિક IT નકશા પર ગુજરાતની સ્થિતિને ઉન્નત કરવામાં નિર્ણાયક ભૂમિકા ભજવશે.

સેમિનારનો ઉદ્દેશ વ્યૂહાત્મક ભાગીદારી સ્થાપિત કરવાનો છે, જે ટેક્નોલોજીકલ ઇનોવેશન અને એડવાન્સમેન્ટને વેગ આપશે. ગુજરાતમાં ખાસ કરીને ટેક્નોલોજી ક્ષેત્રે રોકાણ વધારશે અને નીતિગત નિર્ણયો પર અસર કરશે. રાજ્ય સરકાર વૃદ્ધિને વધુ ટેકો આપવા અને વિચારો અને જ્ઞાનના મજબૂત આદાનપ્રદાનની સુવિધા આપવા તેમજ વૈશ્વિક ટેકનોલોજીકલ લેન્ડસ્કેપમાં ગુજરાતના સતત નેતૃત્વની બાંયધરી આપતા સતત શીખવા અને ટેક્નોલોજીકલ એડવાન્સિસ માટે અનુકૂલનનું વાતાવરણ ઉભું કરવા માટે તેની વ્યૂહરચનાઓ બનાવશે. વાઇબ્રન્ટ ગુજરાત 2024 એક્ઝિબિશનમાં ગાંધીનગરમાં હેલિપેડ ગ્રાઉન્ડ ખાતે ડોમ 12A માં 2200 ચોરસ મીટર વિસ્તારમાં સૌથી મહત્વપૂર્ણ સ્પેસનું આયોજન કરવા માટે તૈયાર છે.

આ નોંધપાત્ર ફાળવણી સેમિકન્ડક્ટર્સ અને ઇલેક્ટ્રોનિક્સ, IT અને ITeS, બાયોટેકનોલોજી અને સ્પેસ ટેકના વિવિધ તકનીકી ક્ષેત્રોમાં પ્રગતિ દર્શાવવા અને પ્રોત્સાહન આપવા માટે સરકારના સમર્પણને પ્રતિબિંબિત કરે છે. આ એક્ઝિબિશન સ્પેસમાં આર્ટિફિશિયલ રિયાલિટી, વર્ચ્યુઅલ રિયાલિટી, રોબોટિક્સ, ડ્રોન અને વિવિધ સેક્ટરમાં AI ની એપ્લિકેશન્સ સહિત નવીનતમ ટેક્નોલોજીઓનું પ્રદર્શન કરતા સ્ટોલ, કિઓસ્ક અને હેન્ડ-ઓન એક્સપિરિયન્સ ઝોન દર્શાવવામાં આવશે. નોંધપાત્ર સહભાગીઓમાં માઇક્રોન, ઇસરો, જીનસ, સોનાની, EROS અને આઇટી અને બાયોટેક્નોલોજીના સ્ટાર્ટઅપ્સનો સમાવેશ થાય છે. આવા અગ્રણી પ્લેટફોર્મ પ્રદાન કરીને, સરકારનો ઉદ્દેશ્ય સહયોગને સરળ બનાવવાનો, પ્રગતિને પ્રકાશિત કરવાનો અને ટેક્નોલોજી ક્ષેત્રની અંદર વૃદ્ધિને ઉત્તેજન આપવાનો છે, જે દેશની પ્રગતિમાં તેની મુખ્ય ભૂમિકાને મજબૂત બનાવે છે.

‘ન્યુ સ્પેસ એરા: કનેક્ટિંગ સાયન્સ, નેશન્સ એન્ડ સોસાયટીઝ’ પર આંતરરાષ્ટ્રીય સ્પેસ કોન્ક્લેવ

આ સત્રનો ઉદ્દેશ્ય વૈશ્વિક નેતાઓ, નીતિ નિર્માતાઓ અને ઉદ્યોગ નિષ્ણાતોને અવકાશ સંશોધનની ક્ષિતિજોને એક્સપ્લોર કરવા અને સામાન્ય માનવીના જીવનને આકાર આપવામાં સ્પેસ ઇકોનોમીની ભૂમિકા પર વિચારણા કરવા માટે એક પ્લેટફોર્મ પૂરું પાડવાનો તેમજ વિકાસ અને નવીનતાના આ યુગમાં સ્પેસ સેક્ટરને વેગ આપવા માટે સહયોગ અને ચર્ચાઓને પ્રોત્સાહન આપવાનો છે. કોન્ફરન્સમાં ત્રણ થીમેટિક સત્રોનો સમાવેશ કરવામાં આવશે, જેમ કે રાષ્ટ્રની અર્થવ્યવસ્થા અને વિકાસમાં સ્પેસનું યોગદાન, જે રાષ્ટ્રીય વિકાસમાં સ્પેસ ઇકોનોમીના યોગદાન પર અને કેવી રીતે સ્પેસ ટેક્નોલોજી ઘણીવાર નવીન ઉત્પાદનો, નવી સેવાઓ અને વિવિધ ઉદ્યોગોમાં પ્રગતિ તરફ દોરી જાય છે, જે આડકતરી રીતે આર્થિક વૃદ્ધિ, રોજગાર સર્જન અને તકનીકી પ્રગતિમાં ફાળો આપે છે, તેના પર ચર્ચા કરશે. વધુ વિગતો માટે અને રજિસ્ટ્રેશન અધિકૃત વેબસાઈટ  https://www.vibrantgujarat.com/ ની મુલાકાત લેવી.