પ્રધાનમંત્રી અમદાવાદમાં રૂ. 74 કરોડના ખર્ચે નિર્માણ પામેલા આઇકોનિક અટલ ફૂટ ઓવરબ્રિજનું લોકાર્પણ કરશે 

અમદાવાદ મ્યુનિસિપલ કોર્પોરેશન અને સાબરમતી રિવરફ્રન્ટ ડેવલપમેન્ટ કોર્પોરેશન લી. દ્વારા સાબરમતી રીવરફ્રન્ટ ખાતે બનાવેલ આઇકોનીક "અટલ બ્રિજ"નું તા.27 ઓગસ્ટ, શનિવારના રોજ સાંજે 5:30 કલાકે પ્રધાનમંત્રી નરેન્દ્રભાઇ મોદીના વરદ્હસ્તે ઇ-લોકાર્પણ કરવામાં આવશે. સાથે જ 27મી ઓગસ્ટે સાંજે 5:30 કલાકે પ્રધાનમંત્રી અમદાવાદમાં સાબરમતી રિવરફ્રન્ટ ખાતે ખાદી ઉત્સવને સંબોધિત કરશે. 

ખાદી ઉત્સવ

ખાદીને લોકપ્રિય બનાવવા, ખાદી ઉત્પાદનો વિશે જાગૃતિ લાવવા અને યુવાનોમાં ખાદીના ઉપયોગને પ્રોત્સાહન આપવાનો પ્રધાનમંત્રીનો સતત પ્રયાસ રહ્યો છે. પ્રધાનમંત્રીના પ્રયાસોના પરિણામે, 2014થી, ભારતમાં ખાદીના વેચાણમાં ચાર ગણો વધારો જોવા મળ્યો છે, જ્યારે ગુજરાતમાં, ખાદીના વેચાણમાં આઠ ગણો જંગી વધારો જોવા મળ્યો છે.

આઝાદી કા અમૃત મહોત્સવના ભાગ રૂપે આયોજિત એક કાર્યક્રમમાં, ખાદી ઉત્સવનું આયોજન આઝાદીની લડત દરમિયાન ખાદી અને તેના મહત્વને શ્રદ્ધાંજલિ આપવા માટે કરવામાં આવી રહ્યું છે. આ ઉત્સવનું આયોજન સાબરમતી રિવરફ્રન્ટ, અમદાવાદ ખાતે કરવામાં આવશે અને ગુજરાતના વિવિધ જિલ્લાઓમાંથી 7500 મહિલા ખાદી કારીગરો એક જ સમયે અને એક જ જગ્યાએ ચરખા સ્પિનિંગ લાઈવની સાક્ષી બનશે. આ કાર્યક્રમમાં 1920ના દાયકાથી ઉપયોગમાં લેવાતી વિવિધ પેઢીઓમાંથી 22 ચરખા પ્રદર્શિત કરીને "ચરખાના ઉત્ક્રાંતિ"ને દર્શાવતું પ્રદર્શન પણ દર્શાવવામાં આવશે.આ કાર્યક્રમ દરમિયાન, પ્રધાનમંત્રી ગુજરાત રાજ્ય ખાદી ગ્રામોદ્યોગ બોર્ડની નવી ઓફિસ બિલ્ડિંગ અને સાબરમતી ખાતે ફૂટ ઓવર બ્રિજનું પણ ઉદ્ઘાટન કરશે.