વિસનગરના કુવાસણાના ખેડૂતે સમગ્ર ગુજરાતમાં પ્રથમવાર કપાસના પાકમાં નવતર પ્રયોગ હાથ ધર્યો

વિસનગર તાલુકાના કુવાસણા ગામના પટેલ ગીરીશકુમાર નામના ખેડૂતે સમગ્ર ગુજરાતમાં પ્રથમવાર કપાસના પાકમાં નવતર પ્રયોગ કર્યો છે. જેમાં કપાસના પાકમાં દાદા લાડ કપાસ તંત્ર જ્ઞાન નામની પદ્ધતિ અપનાવી છે. આ પદ્ધતિ દ્વારા કપાસના પાકમાં દોઢથી બે ગણું ઉત્પાદન વધે છે. ચાલુ પદ્ધતિ કરતા આ પદ્ધતિથી કપાસનું વાવેતર કરવાથી કપાસના કાલાનું પણ વજન વધી જશે. ચાલુ પદ્ધતિમાં 1 વીઘામાં 20 મણ રૂનું ઉત્પાદન થતું હોય તો આ પદ્ધતિ અપનાવવાથી 40 મણ ઉત્પાદન લઈ શકાય છે. આ પદ્ધતિ દ્વારા જંતુનાશક દવાઓનો પણ ખર્ચ પણ ઘટી જાય છે. જેનાથી ખેડૂતની આર્થિક બચત પણ થાય છે. તમામ ખેડૂતોને આ પદ્ધતિનો પ્રયોગ કરવા માટે ખેડૂત ગીરીશભાઈ દ્વારા અપીલ કરાઈ છે.