અમેરિકામાં વધુ એક હિન્દુ મંદિરને નિશાન બનાવવામાં આવ્યું, BAPS હિન્દુ મંદિરમાં થઈ તોડફોડ

ભારતના પ્રધાનમંત્રીના અપશબ્દો અને સંદર્ભો ધરાવતી ગ્રેફિટી જોવા મળી

અમેરિકામાં ફરી એકવાર હિન્દુ મંદિરને નિશાન બનાવવામાં આવ્યું છે. કેલિફોર્નિયાના સેક્રામેન્ટોમાં આ વખતે અજાણ્યા લોકોએ BAPS હિન્દુ મંદિરમાં તોડફોડ કરી હતી. નજીકના મકાનમાં પાણી પુરવઠાની પાઈપોને પણ નુકસાન થયું હતું. મંદિરની દિવાલો પર 'હિંદુઓ પાછા જાઓ' ના વાક્યો લખવામાં આવ્યા હતા. આ ઘટનાથી સ્થાનિક હિન્દુ અને દક્ષિણ એશિયાઈ સમુદાય આઘાતમાં છે.

હિન્દુઓ પાછા જાઓ. અમે નફરતની સામે એકસાથે છીએ

આ ઘટનાથી ચોંકી ઉઠેલા BAPS પબ્લિક અફેર્સે X પર આ વિગતો શેર કરી. ન્યૂયોર્કમાં BAPS મંદિરમાં તોડફોડના 10 દિવસથી ઓછા સમય પછી, સેક્રામેન્ટોમાં અમારા મંદિરને ગઈકાલે રાત્રે હિંદુ વિરોધી દ્વેષ સાથે અપમાનિત કરવામાં આવ્યું હતું. દીવાલો પર લખેલું છે - હિન્દુઓ પાછા જાઓ. અમે નફરતની સામે એકસાથે છીએ. ભગવાનને શાંતિ માટે પ્રાર્થના કરીએ છીએ. સેક્રામેન્ટો કાઉન્ટી શેરિફ ઓફિસે આ ઘટના પર ટિપ્પણી કરી છે. 

ભારતના પ્રધાનમંત્રીના અપશબ્દો અને સંદર્ભો ધરાવતી ગ્રેફિટી જોવા મળી

સેક્રામેન્ટો કાઉન્ટી શેરિફ ઓફિસનું કહેવું છે કે તે બુધવારે સવારે માથેરના એક હિંદુ મંદિરમાં બનેલા સંભવિત અપ્રિય ગુનાની તપાસ કરી રહ્યા છે. આ બધુ આર્મસ્ટ્રોંગ એવન્યુ પાસે સ્થિત સ્વામિનારાયણ મંદિરમાં થયું હતું. તપાસ દરમિયાન મંદિરના પાર્કિંગની જગ્યાના પ્રવેશદ્વાર અને ચંદરવો પર ભારતના પ્રધાનમંત્રીના અપશબ્દો અને સંદર્ભો ધરાવતી ગ્રેફિટી જોવા મળી હતી. નજીકના મકાનમાં પાણી પહોંચાડતી પાઈપ પણ કાપી નાખવામાં આવી હતી. પોલીસ હાલ આ ઘટનામાં સંડોવાયેલા લોકોને શોધી રહી છે.

ઘટના બાદ હિન્દુ સમુદાયના લોકોએ પ્રાર્થના સમારોહમાં ભાગ લીધો

આ માટે BAPS પબ્લિક અફેર્સ સેક્રામેન્ટો કાઉન્ટી શેરિફ ઓફિસનો આભારી છે. સેક્રામેન્ટો કાઉન્ટી શેરિફ ઓફિસે કહ્યું કે તે દુ:ખદ છે. BAPS પબ્લિક અફેર્સે જણાવ્યું હતું કે ઘટના બાદ હિન્દુ સમુદાયના લોકોએ પ્રાર્થના સમારોહમાં ભાગ લીધો હતો. આ દરમિયાન સૌહાર્દને પ્રોત્સાહન આપવા અને અસહિષ્ણુતા સામે ઊભા રહેવાના સંકલ્પનો પુનરોચ્ચાર કરવામાં આવ્યો હતો.