આજે રાષ્ટ્રપતિ દ્રોપદી મુર્મૂના સર્બિયા પ્રવાસનો અંતિમ દિવસ

ગુરુવારે બેલગ્રેડમાં રાષ્ટ્રપતિ મુર્મૂ અને સર્બિયાના રાષ્ટ્રપતિ એલેકસાન્ડર વ્યુસિક વચ્ચે પ્રતિનિધિમંડળ સ્તરની વાતચીત થઈ

ભારતના રાષ્ટ્રપતિ દ્રૌપદી મુર્મૂની સર્બિયા યાત્રાનો આજે અંતિમ દિવસ છે. ગુરુવારે બેલગ્રેડમાં રાષ્ટ્રપતિ મુર્મૂ અને સર્બિયાના રાષ્ટ્રપતિ એલેકસાન્ડર વ્યુસિક વચ્ચે પ્રતિનિધિમંડળ સ્તરની વાતચીત થઈ. રાષ્ટ્રપતિ મુર્મુએ કહ્યું કે બંને દેશો વચ્ચેના સંબંધો મહત્વપૂર્ણ પરસ્પર હિતના મુદ્દાઓ પર વિશ્વાસ અને સમજણ પર આધારિત છે. ભારત અને સર્બિયા વચ્ચેના સંબંધોના ભવિષ્યના સંદર્ભમાં રાષ્ટ્રપતિ મુર્મુએ બંને દેશો વચ્ચે વેપાર અને રોકાણ, વિજ્ઞાન અને ટેક્નોલોજી, ડિજિટલ ટેક્નોલોજીના આદાન-પ્રદાનના ક્ષેત્રમાં સંભવિત સહયોગનો ઉલ્લેખ કર્યો હતો.

સર્બિયાના રાષ્ટ્રપતિ વ્યુસીકે ખાતરી આપી હતી કે ભારતીયોને વિઝા આપવાની પદ્ધતિને સરળ બનાવવામાં આવશે. તેમણે બંને દેશો વચ્ચે સીધી ફ્લાઈટ શરૂ થવાની શક્યતા પણ વ્યક્ત કરી હતી. તેમણે કહ્યું કે આનાથી માત્ર પર્યટનને જ નહીં પરંતુ બંને દેશો વચ્ચેના વેપાર સંબંધોમાં પણ વધારો થશે. બંને નેતાઓએ તેમની વાતચીત વિશે મીડિયાને સંક્ષિપ્ત કર્યા પછી બંને દેશોના ઉચ્ચ સ્તરીય વેપારી પ્રતિનિધિમંડળને પણ સંબોધિત કર્યા.

રાષ્ટ્રપતિએ મસર્બિયન વેપારી સમુદાયને બંને દેશો વચ્ચે મોટા પાયે વેપાર અને રોકાણનો લાભ લેવા જણાવ્યું હતું. અગાઉના દિવસે, રાષ્ટ્રપતિનું સર્બિયન પેલેસમાં ઔપચારિક સ્વાગત કરવામાં આવ્યું હતું જ્યાં રાષ્ટ્રપતિ એલેકસાન્ડર વ્યુસિક દ્વારા તેમનું સ્વાગત કરવામાં આવ્યું હતું.