ઉત્તર પ્રદેશના ગોંડામાં ટ્રેન અકસ્માત, ચંદીગઢ-ડિબ્રુગઢ એક્સપ્રેસના અનેક ડબ્બા પાટા પરથી ઉતર્યા

ઉત્તર પ્રદેશના ગોંડા જિલ્લાના ઝિલાહી રેલવે સ્ટેશન પાસે દિબ્રુગઢ એક્સપ્રેસના 5 ડબ્બા પાટા પરથી ઉતરી ગયા. આ અકસ્માતમાં કેટલાક મુસાફરો ઈજાગ્રસ્ત થયા. આ ઘટના ગોંડાથી 30 કિલોમીટર દૂર ઝિલાહી રેલવે સ્ટેશન પાસે બની હતી. રેલ્વે અધિકારીઓ અકસ્માત સ્થળે પહોંચી ગયા છે.

ઉત્તર પ્રદેશના મુખ્યમંત્રી યોગી આદિત્યનાથે ગોંડા જિલ્લામાં થયેલી ટ્રેન દુર્ઘટનાની નોંધ લીધી. તેમણે અધિકારીઓને તાત્કાલિક ઘટનાસ્થળે પહોંચી રાહત કાર્યમાં ઝડપ લાવવા અને ઘાયલોની યોગ્ય સારવાર માટે સૂચના આપી હતી.

આસામના મુખ્યમંત્રી હિમંતા બિસ્વા સરમાને ઉત્તર પ્રદેશમાં ડિબ્રુગઢ-ચંદીગઢ એક્સપ્રેસ પાટા પરથી ઉતરી જવાની ઘટના અંગે માહિતી આપવામાં આવી છે. તેઓ પરિસ્થિતિ પર નજર રાખી રહ્યા છે અને આસામ સરકાર સંબંધિત અધિકારીઓના સંપર્કમાં છે. ઉત્તર પ્રદેશના મુખ્યમંત્રી યોગી આદિત્યનાથે અધિકારીઓને તાત્કાલિક ઘટનાસ્થળે પહોંચવા અને રાહત કાર્યને ઝડપી બનાવવા સૂચના આપી છે.

ઉત્તર પૂર્વ રેલવેના લખનૌ ડિવિઝનમાં 15904 ડિબ્રુગઢ એક્સપ્રેસના પાટા પરથી ઉતરી જવાની ઘટનાના સંબંધમાં હેલ્પલાઇન નંબર જાહેર કરાયો 

1. કોમર્શિયલ કંટ્રોલ: 9957555984
2. ફર્કેટિંગ (FKG): 9957555966
3. મરિયાની (MXN): 6001882410
4.  સિમલગુરી (SLGR): 8789543798

આ અંગે નોર્થ ઈસ્ટર્ન રેલવેના સીપીઆરઓ પંકજ સિંહે મીડિયાને જણાવ્યું કે રેલવેની મેડિકલ વાન ARME સ્થળ પર પહોંચી ગઈ છે. અમે રાહત અને બચાવ કાર્ય શરૂ કરી દીધું છે. હેલ્પલાઈન નંબર પણ જારી કરવામાં આવ્યો છે. રેલવે અધિકારીઓ ઘટનાસ્થળે પહોંચી ગયા છે. આ ઘટના 14:37 વાગ્યે બની હતી. જ્યાં સુધી આપણે જાણીએ છીએ, 4 કોચ પાટા પરથી ઉતરી ગયા છે, ડોકટરો અને બચાવ ટીમ ઘટના સ્થળે પહોંચી ગઈ છે. કેટલીક ટ્રેનોને ડાયવર્ટ કરવામાં આવી રહી છે.