કેન્દ્ર સરકારે રૂ. 24,657 કરોડના આઠ નવા રેલવે પ્રોજેક્ટને આપી મંજૂરી

કેન્દ્ર સરકારે રૂ. 24,657 કરોડના આઠ નવા રેલવે પ્રોજેક્ટને આપી મંજૂરી

કનેક્ટિવિટી અને આર્થિક વૃદ્ધિને વેગ આપવા માટે, PM મોદીની અધ્યક્ષતામાં આર્થિક બાબતોની કેબિનેટ સમિતિએ 24,657 કરોડ રૂપિયાના આઠ નવા રેલવે પ્રોજેક્ટને મંજૂરી આપી છે. સાત રાજ્યોમાં ફેલાયેલા, આ પ્રોજેક્ટ્સનો ઉદ્દેશ્ય વર્તમાન રેલ નેટવર્કને 900 કિમી સુધી વિસ્તારવાનો, 14 જિલ્લાઓ, 64 નવા સ્ટેશનો અને અંદાજે 40 લાખ લોકોને લાભ આપવાનો છે. તે 2030-31 સુધીમાં પૂર્ણ થશે.

પીએમ-ગતિ શક્તિ નેશનલ માસ્ટર પ્લાન સાથે સંલગ્ન આ પ્રોજેક્ટ લોકો, માલસામાન અને સેવાઓ માટે સીમલેસ કનેક્ટિવિટી પ્રદાન કરશે. તેઓ કૃષિ ઉત્પાદનો, કોલસો અને સ્ટીલ જેવી આવશ્યક ચીજવસ્તુઓના પરિવહનને પણ સરળ બનાવશે અને વાર્ષિક 143 મિલિયન ટનનો વધારાનો નૂર ટ્રાફિક પેદા કરવાની અપેક્ષા છે.

આ પ્રોજેક્ટ્સની મંજૂરી એ પ્રધાનમંત્રીના નવા ભારત તરફનું એક મહત્વપૂર્ણ પગલું છે, જેનો ઉદ્દેશ્ય વ્યાપક વિકાસ દ્વારા ભારતને વિવિધ ક્ષેત્રોમાં "આત્મનિર્ભર" બનાવવાનો છે. આ પ્રોજેક્ટ્સ રોજગાર અને સ્વ-રોજગારની તકો વધારશે, આર્થિક વૃદ્ધિને વેગ આપશે અને લોજિસ્ટિક્સ ખર્ચમાં ઘટાડો કરશે.

આ રેલ્વે પ્રોજેક્ટને પર્યાવરણ ઉર્જા-કાર્યક્ષમ માનવામાં આવે છે, જે આબોહવા લક્ષ્યોને પ્રાપ્ત કરવામાં, તેલની આયાત ઘટાડવામાં અને CO2 ઉત્સર્જનમાં 0.87 મિલિયન ટન જેટલો ઘટાડો કરવામાં મદદ કરશે જે લગભગ 3.5 કરોડ વૃક્ષો વાવવાની સમકક્ષ છે.

આ આઠ પ્રોજેક્ટમાં રેલવે નેટવર્કનો સમાવેશ થાય છે

1) ગુનુપુર-થેરુબલી (નવી લાઈન) 73.62 કિમી રાયગડા, ઓડિશા,

2) જૂનાગઢ-નબરંગપુર 116.21 કિમી કાલાહાંડી અને નબરંગપુર ઓડિશા

3) બદમપહાડ કંદુઝારગઢ 82.06 કિમી કિઓંઝર અને મયુરભંજ ઓડિશા

4) બાંગરીપોસી ગોરુમહિસાની 85.60 કિમી મયુરભંજ ઓડિશા

5) મલકાનગીરી પાંડુરંગપુરમ (ભદ્રાચલમ થઈને) 173.61 કિમી મલકાનગીરી, પૂર્વ ગોદાવરી અને ભદ્રાદ્રી કોઠાગુડેમ ઓડિશા, આંધ્રપ્રદેશ અને તેલંગાણા

6) બુરમારા ચકુલિયા 59.96 કિમી પૂર્વ સિંઘભુમ, ઝારગ્રામ અને મયુરભંજ (ઝારખંડ, પશ્ચિમ બંગાળ અને ઓડિશા)

7) બિક્રમશિલા કટારેહ 26.23 કિમી ભાગલપુર બિહા

8) જાલના – જલગાંવ 174 કિમી ઔરંગાબાદ મહારાષ્ટ્ર આમાં યુનેસ્કો વર્લ્ડ હેરિટેજ સાઇટ, અજંતા ગુફાઓને ભારતીય રેલ્વે નેટવર્ક સાથે જોડવાનો સમાવેશ થાય છે, જે પ્રવાસનને પણ વેગ આપશે.