દેશના વિકાસમાં CISFનું મોટું યોગદાન : રાજનાથસિંહ, CISFનો 49મો સ્થાપના દિવસ

દેશના વિકાસમાં સીઆઇએસએફનું પણ મોટું પ્રદાન, સીઆઇએસએફ એક બહુઆયામી દળ હોવાનું કહીને ગૃહમંત્રીએ સાઈબર ક્રાઈમ પર રોક લગાવવાના ઉપાય શોધવા દળને કર્યો અનુરોધ.

ઈન્દિરા પુરમ ખાતે કેન્દ્રીય ઔદ્યોગિક સુરક્ષા દળ સીઆઇએસએફના 49 માં સ્થાપના દિવસ નિમિત્તે ઉજવણીનો સમારંભ યોજાયો હતો. ગૃહમંત્રી રાજનાથસિંહ આ પ્રસંગે ગાર્ડ ઓફ ઓનરની સલામી ઝીલીને પરેડનું નિરિક્ષણ પણ કર્યું હતું. ગૃહમંત્રી રાજનાથ સિંહે સીઆઇએસએફના જવાનો અને તેમના પરિવારજનોને સંબોધતાં જણાવ્યું હતું કે, દેશના વિકાસમાં સીઆઇએસએફનું પણ મોટું પ્રદાન છે. સાઆઇએસએફ એક બહુઆયામી દળ હોવાનું કહીને ગૃહમંત્રીએ સાઈબર ક્રાઈમ પર રોક લગાવવાના ઉપાય શોધવા દળને અનુરોધ કર્યો હતો. આ પ્રસંગે સાઆઇએસએફના ડી.જી. આલોકકુમાર પણ ઉપસ્થિત રહ્યા હતા.