પીએમ આજે નવી દિલ્હીના ભારત મંડપમ ખાતે જિલ્લા ન્યાયપાલિકાના રાષ્ટ્રીય સંમેલનનું ઉદ્ધાટન કરશે

આ સાથે જ પ્રધાનમંત્રી ભારતના સુપ્રીમ કોર્ટની સ્થાપનાના 75 વર્ષ પૂર્ણ થવાના ઉપલક્ષ્યમાં ટપાલ ટીકીટ અને સિક્કાનું પણ અનાવરણ કરશે

પ્રધાનમંત્રી નરેન્દ્ર મોદી આજે નવી દિલ્હીના ભારત મંડપમ ખાતે જિલ્લા ન્યાયપાલિકાના રાષ્ટ્રીય સંમેલનનું ઉદ્દઘાટન કરશે. આ સાથે જ પ્રધાનમંત્રી ભારતના સુપ્રીમ કોર્ટની સ્થાપનાના 75 વર્ષ પૂર્ણ થવાના ઉપલક્ષ્યમાં ટપાલ ટીકીટ અને સિક્કાનું પણ અનાવરણ કરશે. સુપ્રીમ કોર્ટ દ્વારા આયોજિત આ બે દિવસીય સંમેલનમાં 5 કાર્યસત્રોનું આયોજન કરવામાં આવશે. જેમાં જિલ્લા ન્યાયપાલિકા સાથે સંબંધિત ઈન્ફ્રાસ્ટ્રક્ચર અને માનવ સંસાધન સાથે ન્યાય પ્રણાલી, ન્યાયિક કલ્યાણ જેવા અનેક વિષયો પર ચર્ચા કરવામાં આવશે. આ ઉદ્ધાટન કાર્યક્રમમાં ભારતના મુખ્ય ન્યાયાધીશ, એટોર્ની જનરલ, કેન્દ્રિય વિધિ તેમજ ન્યાય રાજ્ય મંત્રી સાથે બાર એસોશિએશનના અધ્યક્ષ સહિત અનેક લોકો જોડાશે.