રામેશ્વરમમાં નવા પંબન પુલનું પ્રધાનમંત્રી નરેન્દ્ર મોદીએ કર્યું ઉદ્ઘાટન

પ્રધાનમંત્રી નરેન્દ્ર મોદીએ રવિવારે તમિલનાડુના રામેશ્વરમ્ ખાતે એશિયાના પ્રથમ વર્ટિકલ લિફ્ટ સ્પાન રેલવે બ્રિજનું ઉદ્ઘાટન કર્યું. તેનું નામ પંબન બ્રિજ છે. આ પુલ 2.08 કિમી લાંબો છે. તેનો પાયો નવેમ્બર 2019 માં પ્રધાનમંત્રી  નરેન્દ્ર મોદીએ નાખ્યો હતો.

આ પુલ ભારતના તમિલનાડુના મુખ્ય ભૂમિમાં આવેલા રામેશ્વરમ્ (પંબન ટાપુ) ને મંડપમ સાથે જોડે છે. નવેમ્બર, 2019 માં પ્રધાનમંત્રી નરેન્દ્ર  મોદીએ પોતે તેનો શિલાન્યાસ કર્યો હતો. ભવિષ્યને ધ્યાનમાં રાખીને, તેને ડબલ ટ્રેક અને હાઇ-સ્પીડ ટ્રેનો માટે ડિઝાઇન કરવામાં આવ્યું છે. સ્ટીલથી બનેલા નવા પુલ પર પોલિસિલોક્સેનનું કોટેડ કરવામાં આવ્યું છે, જે તેને કાટ અને દરિયાઈ ખારા પાણીથી બચાવશે. જૂનો પુલ 2022 માં કાટ લાગવાને કારણે બંધ કરવામાં આવ્યો હતો. આ પછી, રામેશ્વરમ્ અને મંડપમ્ વચ્ચેનો રેલ સંપર્ક તૂટી ગયો.

રામાયણ અનુસાર, રામસેતુનું નિર્માણ રામેશ્વરમ્ નજીક ધનુષકોડીથી શરૂ થયું હતું. આ કારણોસર તે શ્રદ્ધાના દૃષ્ટિકોણથી પણ મહત્વપૂર્ણ છે. આ ઉપરાંત, પ્રધાનમંત્રીએ તમિલનાડુમાં 8300 કરોડ રૂપિયાથી વધુના વિવિધ રેલ અને રોડ પ્રોજેક્ટ્સનો શિલાન્યાસ અને ઉદ્ઘાટન કર્યું.