કેન્દ્રીય ગૃહમંત્રી અમિત શાહ ત્રિદિવસીય જમ્મુ-કાશ્મિરના પ્રવાસે

કેન્દ્રીય ગૃહમંત્રી અમિત શાહ ત્રણ દિવસની જમ્મુ કાશ્મિરની મુલાકાતે. શાહની જમ્મુ અને કાશ્મીર મુલાકાત પહેલા કુલગામ જિલ્લામાં સુરક્ષા વ્યવસ્થા વધારી દેવામાં આવી છે, જેથી શાંતિપૂર્ણ અને ઘટનામુક્ત કાર્યક્રમ સુનિશ્ચિત થાય. કુલગામ પોલીસે સંવેદનશીલ વિસ્તારો પર ખાસ ધ્યાન કેન્દ્રિત કરીને સમગ્ર જિલ્લામાં ચેકિંગ અને સર્ચ ઓપરેશન વધુ તીવ્ર બનાવ્યું છે. સાવચેતીના પગલા તરીકે, અનેક સુરક્ષા ચોકીઓ સ્થાપિત કરવામાં આવી છે અને ઓચિંતી તપાસ ઝુંબેશ હાથ ધરવામાં આવી રહી છે.

શાહની મુલાકાતને લઈને લખનપુરથી શ્રીનગર સુધી હાઇ એલર્ટ જારી કરવામાં આવ્યું છે. આંતરરાષ્ટ્રીય સરહદ અને LoC પર સુરક્ષા વધારી દેવામાં આવી છે. દેવસરમાં, કુલગામના એસએસપીના નિર્દેશ પર, સ્ટેશન હાઉસ ઓફિસર (એસએચઓ) દેવસર દ્વારા વિવિધ સ્થળોએ શોધ અને તપાસ કામગીરી હાથ ધરવામાં આવી હતી. પોલીસ કર્મચારીઓ કડક દેખરેખ રાખવા માટે વાહનોની તપાસ કરતા જોવા મળ્યા.