NCGG અને માલદીવના સિવિલ સર્વિસ કમિશન વચ્ચે એમઓયુ કરવામાં આવ્યા

કેન્દ્ર સરકારની સ્વાયત્ત સર્વોચ્ચ સંસ્થા નેશનલ સેન્ટર ફોર ગુડ ગવર્નન્સ (એનસીજીજી)એ નવી દિલ્હી ખાતે, આજે માલદીવના 1000 સિવિલ સેવકો ને તાલીમ આપવાનો સીમાચિહ્ન સિદ્ધ કર્યું છે. વિદેશ મંત્રાલય સાથે ભાગીદારીમાં, એનસીજીજી દ્વારા આયોજિત આ સિવિલ સેવકો માટે 32માં ક્ષમતા નિર્માણ કાર્યક્રમમાં 40 શિક્ષણવિદોએ ભાગ લીધો હતો. આ કાર્યક્રમનું આયોજન 5 ફેબ્રુઆરીથી 9 ફેબ્રુઆરી દરમિયાન કરવામાં આવ્યું હતું.

શનિવારે કર્મચારી, જાહેર ફરિયાદ અને પેન્શન વિભાગ દ્વારા જારી કરાયેલા નિવેદન અનુસાર, 2019માં પ્રધાનમંત્રી નરેન્દ્ર મોદીની માલદીવની મુલાકાત દરમિયાન, એનસીજીજી અને માલદીવના સિવિલ સર્વિસ કમિશન વચ્ચે એમઓયુ પર હસ્તાક્ષર કરવામાં આવ્યા હતા. તે પાંચ વર્ષમાં માલદીવના એક હજાર સિવિલ સેવકો માટે ક્ષમતા નિર્માણ પ્રવૃત્તિઓની કલ્પના કરે છે. કોવીડ-19 રોગચાળાને કારણે વિક્ષેપ હોવા છતાં, આ સમયગાળા દરમિયાન આ સિદ્ધિ હાંસલ કરવામાં આવી હતી.

ક્ષમતા નિર્માણ કાર્યક્રમોમાં સ્થાયી સચિવો, સેક્રેટરી જનરલ, ડેપ્યુટી પરમેનન્ટ સેક્રેટરીઓ, ભ્રષ્ટાચાર વિરોધી આયોગના વરિષ્ઠ અધિકારીઓ, માલદીવના માહિતી આયોગના અધિકારીઓ ઉપરાંત વિવિધ મંત્રાલયો અને વિભાગોના વરિષ્ઠ નાગરિક કર્મચારીઓએ હાજરી આપી હતી.