કચ્છના નાના રણમાં વિદેશી પક્ષીઓનું આગમન

કચ્છના નાના રણમાં વિદેશી પક્ષીઓનું આગમન

હાલ શિયાળાની ઋતુ શરૂ થઈ ગઈ છે. આ ઠંડીની સિઝનમાં કચ્છના નાના રણની અંદર હજારો કિલોમીટર કાપીને વિદેશી પક્ષીઓ મોટી સંખ્યામાં આ રણમાં આવતા હોય છે. ત્યારે ખાસ કરીને ફ્લેમિંગો, સ્પૂન બિલ, કુંજ, ટિલોર, પેરિગ્રીન, ફાલકન,રણ ચકલી, નાઈટ જાર, ડેમોલિન જેવા અલગ અલગ જાતના પક્ષીઓ આ રણમાં આવે છે. આ કચ્છના નાના રણનો વિસ્તાર 4953 ચોરસ કિલોમીટર એરિયામાં ફેલાયેલ છે. આ રણમાં ઠંડીની સિઝનમાં વિદેશી પક્ષીઓ મોટી સંખ્યામાં આવે છે. અને આ રણમાં તેઓ મહેમાન ગતી માણતા હોય છે. 

આ પક્ષીઓને જોવા માટે મોટી સંખ્યામાં લોકો આવે છે. હાલ યુરોપ જેવા દેશોમાં બરફ વધુ હોવાથી આ પક્ષીઓ આ રણ વિસ્તારમાં આવતા હોય છે. જે લગભગ ચાર મહિના જેવું આ વિસ્તારમાં રહેતા હોય છે. જેનું મુખ્ય કારણ તેમને આ જગ્યાએ પૂરતો ખોરાક, સલામતી અને વાતાવરણ પણ અનુકૂળ હોવાથી અહીં આવે છે. આ પક્ષીઓને કોઈ જાતની તકલીફ ન પડે એમ એ તેમને કોઈ ડિસ્ટબ ન કરે તે માટે અભયારણ્ય દ્વારા પણ કાળજી લેવામાં આવે છે. આ સમયમાં આ રણ ની અંદર હજારો પ્રવાસીઓ રણની મુલાકાત લેતા હોય છે. આ વર્ષે મોટી સંખ્યામાં પ્રવાસીઓ આ સ્થળે આવી રહ્યા છે.