MI VS PBKS: બંને ટીમો આજની મેચ જીતીને ટોપ-2માં સ્થાન મેળવવા માંગશે

IPLમાં લીગ સ્ટેજની માત્ર 2 મેચ બાકી છે. જેનાથી નક્કી થશે કે, કઈ ટીમો પોઈન્ટ ટેબલમાં ટોપ-2 સ્થાન પર રહેશે. આજની મેચની વિજેતા ટીમ માત્ર નંબર-1 પર જ નહીં પરંતુ ટોપ-2નું સ્થાન પણ નિશ્ચિત કરશે.

ઇન્ડિયન પ્રેમિયર લીગ 2025ની 69મી મેચમાં મુંબઈ ઈન્ડિયન્સ અને પંજાબ કિંગ્સ સામ સામે ટકરાશે. આ મેચ જયપુરના સવાઈ માનસિંહ સ્ટેડિયમ ખાતે સાંજે 7:30 વાગ્યે શરૂ થશે. બંને ટીમો સિઝનમાં પહેલી વાર એકબીજાનો સામનો કરશે. મુંબઈ હાલમાં 13 મેચમાં 16 પોઈન્ટ સાથે પોઈન્ટ ટેબલ પર ચોથા ક્રમે છે. જ્યારે પંજાબ 13 મેચમાં 17 પોઈન્ટ સાથે બીજા સ્થાને છે. MI અને PBKS વચ્ચેની આ મેચ ખૂબ જ રોમાંચક બનવાની છે, કારણ કે ટોપ-2માં  સ્થાન મેળવવા માટે તે ખૂબ જ મહત્ત્વપૂર્ણ છે.

હેન્ડ ટુ હેડમાં મુંબઈ આગળ, સૂર્યકુમાર શાનદાર ફોર્મમાં

IPLમાં મુંબઈ અને પંજાબ વચ્ચે અત્યાર સુધીમાં કુલ 32 મેચ રમાઈ છે. જેમાંથી પંજાબ કિંગ્સ 15 મેચમાં અને મુંબઈ ઈન્ડિયન્સ 17 મેચમા જીત્યું છે. તે જ સમયે, બંને ટીમો જયપુરના સવાઈ માનસિંહ સ્ટેડિયમ ખાતે પહેલીવાર એકબીજાનો સામનો કરશે. આ સિઝનમાં સૂર્યકુમાર યાદવ શાનદાર ફોર્મમાં છે. તેની બેટિંગ એવરેજ 63.75 અને સ્ટ્રાઇક રેટ 170.57 છે. સૂર્યા મુંબઈનો ટોપ સ્કોરર છે. તેણે 13 મેચમાં 583 રન બનાવ્યા છે. આ સમયગાળા દરમિયાન તેણે 4 અડધી સદી ફટકારી. બોલિંગમાં ફાસ્ટ બોલર ટ્રેન્ટ બોલ્ટ ટોચ પર છે. બોલ્ટે MI માટે 13 મેચોમાં 19 વિકેટ લીધી છે.

પંજાબ તરફથી શ્રેયસે સૌથી વધુ રન બનાવ્યા

પંજાબ તરફથી શ્રેયસ ઐયરે સૌથી વધુ રન બનાવ્યા છે. ઐયરે છેલ્લી મેચમાં દિલ્હી સામે 53 રનની શાનદાર ઇનિંગ રમી હતી. પ્રભસિમરન સિંહ બીજા સ્થાને છે. તેણે 13 મેચમાં 486 રન બનાવ્યા છે. ઝડપી બોલર અર્શદીપ સિંહે 13 મેચમાં 16 વિકેટ લીધી છે.

પિચ રિપોર્ટ: જયપુરના સવાઈ માનસિંહ સ્ટેડિયમની પિચ શરૂઆતમાં ઝડપી બોલરોને મદદ કરે છે. જોકે, જેમ જેમ મેચ આગળ વધે છે તેમ તેમ બેટ્સમેનોને રમવાનું સરળ બનતું જાય છે. આ મેદાન સામાન્ય રીતે ઉચ્ચ સ્કોરિંગ મેચો માટે જાણીતું છે. અત્યાર સુધીમાં અહીં 63 IPL મેચ રમાઈ ચૂકી છે. 23 મેચોમાં, પ્રથમ બેટિંગ કરનારી ટીમ જીતી અને 40 મેચોમાં પીછો કરનારી ટીમ જીતી. અહીંનો સૌથી વધુ ટીમ સ્કોર 219/5 છે, જે પંજાબ કિંગ્સે આ સિઝનમાં રાજસ્થાન રોયલ્સ સામે બનાવ્યો હતો.