બાગી, લાડલા જેવી ફિલ્મો બનાવનાર નિર્માતા નીતિન મનમોહનનું 29 ડિસેમ્બરે નિધન

નિર્માતા નીતિન મનમોહન, જેમને હાર્ટ એટેકને પગલે હોસ્પિટલમાં લઈ જવામાં આવ્યા હતા, તેમનું 29 ડિસેમ્બરે નિધન થયું હતું. તેમને 24 ડિસેમ્બરે હૃદયરોગનો હુમલો આવ્યો હતો.

બોલ રાધા બોલ અને લાડલા જેવી ફિલ્મો માટે જાણીતા ફિલ્મ નિર્માતા નીતિન મનમોહનનું ગુરુવારે મુંબઈની એક હોસ્પિટલમાં અવસાન થયું હતું, એમ તેમની પુત્રી પ્રાચીએ જણાવ્યું હતું. તેઓ 62 વર્ષના હતા. ફિલ્મ નિર્માતા 3 ડિસેમ્બરે હૃદયરોગના હુમલા બાદ નવી મુંબઈની કોકિલાબેન ધીરુભાઈ અંબાણી હોસ્પિટલમાં સારવાર લઈ રહ્યા હતા. નીતિન મનમોહન સ્વાસ્થ્ય સંબંધી અનેક સમસ્યાઓ સામે ઝઝૂમી રહ્યા હતા અને સ્ટેટસ એપિલેપ્ટિકસ (અસામાન્ય મગજના સંકેતો)ને પગલે આજે સવારે 10 વાગ્યે તેમનું અવસાન થયું. તેની પુત્રીએ કહ્યું.
"તેમને 3 ડિસેમ્બરે કાર્ડિયાક અરેસ્ટ થયો હતો અને ત્યારથી તે વેન્ટિલેટર પર હતા. જ્યારે તેને હોસ્પિટલમાં લાવવામાં આવ્યા હતા. મગજ અને શરીરના અન્ય ભાગોમાં ઓક્સિજન અને લોહીનો પુરવઠો ન હોવાને કારણે થોડું નુકસાન થયું અને એપિલેપ્ટિકસની સ્થિતિ સર્જાઈ. ધીમે ધીમે, તેની સ્થિતિ બગડવા લાગી. તે આજે સવારે 10-10.20 વાગ્યે અમને છોડીને ચાલ્યા ગયા." તેવું પ્રાચીએ જણાવ્યું.

નીતિન મનમોહનનો ફિલ્મ વારસો
નીતિન મનમોહન દિવંગત અભિનેતા મનમોહનના પુત્ર છે, જેમણે બ્રહ્મચારી, ગુમનામ અને નયા જમાના જેવી ફિલ્મોમાં અભિનય કર્યો હતો. દિવંગત ફિલ્મ નિર્માતાએ બાગી, લાડલા, ઇન્સાફ, બાત બન જાયે અને અન્ય જેવી ફિલ્મોનું નિર્માણ કર્યું હતું.