સિંહણે કર્યો હરણના બચ્ચાને પ્રેમ, માનવ કરતા પ્રાણીઓ વધુ પ્રેમાળ

બિલકુલ ના ડરીશ, હું તો થોડી માણસ છું, સિંહણે હરણના બચ્ચા પર વરસાવ્યું હેત

નામ્બિયાઃ 
માણસ હિંસા કરવાનું બંધ ક્યારે કરશે તે તો ખ્યાલ નથી પરંતુ હાલમાં જ સાઉથ આફ્રિકાના ઈત્શો નેશનલ પાર્કમાં એક એવી ઘટના બની જેનાથી ફરીવાર માનવ કરતાં પ્રાણીઓ વધુ પ્રેમાળ હોય છે, તે વાત સાબિત થઈ હતી. ફોટોગ્રાફરના કેમેરામાં આ સુંદર ક્ષણો રેકોર્ડ થઈ હતી.

સિંહણે કર્યો હરણના બચ્ચાને પ્રેમઃ

ફોટોગ્રાફરે  આ અસાધારણ તસવીરોને બે કલાક સુધી કેમેરામાં રેકોર્ડ કરી હતી. એક સિંહણ હરણના બચ્ચાને મારવાને બદલે પ્રેમ કરતી તથા તેનું રક્ષણ કરતી જોવા મળી હતી.

સિંહણે હરણના બચ્ચાને બચાવ્યું:

ન્યૂયોર્કના આ ફોટોગ્રાફરે દાવો કર્યો હતો કે તેને સિંહો પ્રત્યે ગજબનું આકર્ષણ છે. જ્યારે તેણે જોયું કે એક સિંહણે હરણના બચ્ચાને પકડ્યું છે, તો તેને એમ જ હતું કે હવે સિંહણ શિકાર જ કરશે. જોકે, શિકાર કરવાને બદલે સિંહણે જીભથી હરણના બચ્ચા પર પ્રેમ વર્તાવ્યો હતો. આટલું જ નહીં અન્યે બે પ્રેગ્નન્ટ સિંહણો જ્યારે આ હરણના બચ્ચાનો શિકાર કરવા આવી તો તેની સામે રક્ષણ પણ કર્યું હતું. ફોટોગ્રાફરે આગળ કહ્યુ હતુ કે કુદરતમાં કંઈ પણ શક્ય બની જાય છે.