સુષમા સ્વરાજ બ્રિક્સના વિદેશમંત્રીઓની બેઠકમાં ભાગ લેશે

દક્ષિણ આફ્રિકાના પ્રવાસે ગયેલા સુષમા સ્વરાજ આજે બ્રિક્સ વિદેશમંત્રીઓની બેઠકમાં ભાગ લેશે

દક્ષિણ આફ્રિકાના પ્રવાસે ગયેલા સુષમા સ્વરાજ આજે બ્રિક્સ વિદેશમંત્રીઓની બેઠકમાં ભાગ લેશે, અને ભારત બ્રાઝિલ તેમજ દક્ષિણ આફ્રિકાના વિદેશમંત્રીઓની બેઠકની અધ્યક્ષતા સંભાળશે. પ્રિટોરિયા પહોંચતા સુષ્મા સ્વરાજે દક્ષિણ આફ્રિકાના રાષ્ટ્ર પ્રમુખ સિરિલ રામાફોસાની મુલાકાત લીધી હતી. સુષમા સ્વરાજ સાતમી જૂન સુધી દક્ષિણ આફ્રિકાના પ્રવાસે છે. જે દરમિયાન તેઓ ત્યાંના ટોચના નેતાઓને મળશે. તેઓ દક્ષિણ આફ્રિકાના વિદેશમંત્રીને પણ મળ્યા અને દ્વિપક્ષીય મુદ્દે ચર્ચા કરી હતી. પ્રિટોરિયા પહોંચતા અગાઉ ગઈકાલે સુષમા સ્વરાજ થોડીવાર માટે મોરેશિયસમાં રોકાયા હતા. જ્યાં તેમણે મોરેશિયસના પ્રધાનમંત્રી પ્રવિંદકુમાર જુગનાથની મુલાકાત લીધી હતી. બંને નેતાઓ વચ્ચે મોરેશિયસમાં યોજાનારા વિશ્વ હિન્દી સંમેલન 2018ની તૈયારી સહિતના મહત્વના મુદ્દે વાતચીત થઈ હતી.