રાહુલ ગાંધી અને અમિત શાહ બંને કર્ણાટકની મુલાકાતે, કરશે ચૂંટણી પ્રચાર

કર્ણાટક વિધાનસભા ચૂંટણી નજીક આવતા વિવિધ રાજકીય પક્ષના નેતાઓ વેગવંતો પ્રચાર કરવામાં લાગી ગયા છે.

કર્ણાટક વિધાનસભા ચૂંટણી નજીક આવતા વિવિધ રાજકીય પક્ષના નેતાઓ વેગવંતો પ્રચાર કરવામાં લાગી ગયા છે. કોંગ્રેસ અધ્યક્ષ રાહુલ ગાંધી પણ કર્ણાટકમાં પ્રચાર કરવા માટે પહોંચ્યા હતા અને તેમણે જોરદાર પ્રચાર કર્યો હતો.

આ પ્રવાસ દરમિયાન કોંગ્રેસ અધ્યક્ષે રોડ શૉ પણ કર્યો હતો. આજે રાહુલ ગાંધીએ કર્ણાટક વિધાનસભા ચૂંટણી માટે પક્ષનો ચૂંટણી ઢંઢેરો જાહેર કર્યો હતો. જેમાં ખાસ ધ્યાનાકર્ષક, કૃષિ કોરિડોર, ઓર્ગેનિક ખેતી માટે અલગ વિભાગ, શિક્ષણ અને રમત ગમતને ઉત્તેજન આપવા માટે ધોરણ - 10, 11 , અને 12ના વિદ્યાર્થીઓને ઈન્ટરનેટ સાથે ફ્રી લેપટોપ અને મૈસૂરમાં સ્પોર્ટસ યુનિવર્સિટી કરવાની જાહેરાત કરી હતી.

દરમિયાન ભાજપ અધ્યક્ષ અમિત શાહ પણ પક્ષના પ્રચાર માટે બેંગ્લુરૂ પહોંચ્યા છે. અમિત શાહ આજે દેવગીર, ત્રિદુર્ગ, વિજયપુરા અને કુલ્લારની મુલાકાત લેશે. પ્રવાસ દરમિયાન અમિત શાહ ચૂંટણી સભાને પણ સંબોધશે. આ ઉપરાંત તેઓ કાર્યકર્તા સાથે બેઠક કરશે.