કેન્દ્રશાસિત પ્રદેશ દીવમાં ક્લાસિકલ થિયેટર ફેસ્ટિવલ અંતર્ગત શાસ્ત્રિય નાટ્ય મહોત્સવનું આયોજન

મહોત્સવમાં મણિપુર રાજ્ય પર આધારિત 'ઉરૂ મંગલમ ' નાટકનું મંચન કરવામાં આવ્યું હતુ અને નાટક મંચન દરમિયાન કલાકારોએ તેમની અભિનયકલાથી સૌને કર્યા મંત્રમુગ્ધ

કેન્દ્રશાસિત પ્રદેશ દીવમાં રાષ્ટ્રિય નાટ્ય વિદ્યાલય નવી દિલ્લી દ્રારા સંયુક્ત રીતે 21 થી 25 ઓક્ટોબર સુધી ક્લાસિકલ થિયેટર ફેસ્ટિવલ અંતર્ગત શાસ્ત્રિય નાટ્ય મહોત્સવનું આયોજન કરવામાં આવ્યું છે. આ મહોત્સવમાં મણિપુર રાજ્ય પર આધારિત 'ઉરૂ મંગલમ ' નાટકનું મંચન કરવામાં આવ્યું હતુ. નાટક મંચન દરમિયાન કલાકારોએ તેમની અભિનય કલાથી  સૌને મંત્રમુગ્ધ કરી દીધા હતા. આ કાર્યક્રમનો શુભારંભ કલેક્ટર હેમંત કુમાર તેમજ અતિથિ વિશેષ મહાનુભાવોએ દીપ પ્રજજવલનથી કરાવ્યો હતો. આ કાર્યક્રમમાં, ટીવી કલાકાર મનોજ જોષી ઉપસ્થિતિ રહ્યાં હતા. જેમણે સંસ્કૃત ભાષાનું મહત્વ સમજાવતા સંસ્કૃતને જીવંત રાખવા લોકોને અનુરોધ કર્યો હતો. આ કાર્યક્રમનું આયોજન એન.એસ. ડી. સમિતિના કાર્યકારી અધ્યક્ષ ડો અર્જુનના નેતૃત્વ હેઠળ થઈ રહ્યું છે.  દિવમાં પ્રવાસીઓને આકર્ષવા હેતુ પ્રથમ વખત જ શાસ્ત્રીય નાટ્ય મહોત્સવનું આયોજન કરવામાં આવ્યું છે.