આર્જેન્ટીના આઈસ લેન્ડ ટીમ સાથે મેચ ડ્રો

આર્જેન્ટીનાએ રમતની 19મી મિનિટે સરજુ યુરોએ ગોલ કર્યો, જ્યારે આઈસલેન્ડ તરફથી અલ્ફ્રેડ મુગેન્સોએ 23મી મિનિટે ગોલ કર્યો હતો.

ફિફા વર્લ્ડકપ 2018ના ત્રીજા દિવસે બીજી મેચમાં વર્ષ 2014ની ઉપવિજેતા આર્જેન્ટીનાએ પ્રથમવાર વિશ્વકપમાં ભાગ લઈ રહેલી આઈસ લેન્ડ ટીમ સાથે મેચ રમતા તે ડ્રો રહ્યો હતો. પ્રથમ હાફમાં બંને ટીમ એક-એક ગોલથી બરોબર રહી હતી. બીજા હાફમાં બંને ટીમમાંથી કોઈ ખેલાડી ગોલ કરી શક્યા નહીં. આઈસલેન્ડના ગોલકીપરે શાનદાર પ્રદર્શન કરી આર્જેન્ટીનાના આક્રમણને હાવી થવા દીધુ ન હતું અને પોતાની ટીમને વિશ્વકપમાં શાનદાર શરૂઆત અપાવી હતી. આર્જેન્ટીનાએ રમતની 19મી મિનિટે સરજુ યુરોએ ગોલ કર્યો, જ્યારે આઈસલેન્ડ તરફથી અલ્ફ્રેડ મુગેન્સોએ 23મી મિનિટે ગોલ કર્યો હતો.