આઝમગઢ ખાતે યોજાયેલા દીક્ષાંત સમારોહમાં ઉત્તર પ્રદેશના રાજ્યપાલ આનંદીબેન પટેલના હસ્તે તેમને આ સન્માન મળ્યું હતું.પંકજનો પરિવાર ત્રણ પેઢીથી વણાટના વ્યવસાય સાથે જોડાયેલો છે. પરંપરાગત પટોળા વણાટની જટિલ પ્રક્રિયાને સરળ અને વ્યવહારુ બનાવવામાં તેમણે મહત્વપૂર્ણ યોગદાન આપ્યું છે. તેમની વિકસાવેલી પદ્ધતિથી વણાટકામ ઝડપી બન્યું અને મહિલાઓ પણ ઘરઆંગણે આ કામગીરી સાથે જોડાઈ શકી, જેના કારણે સ્થાનિક સ્તરે સ્વરોજગારી અને આવકની નવી તકો ઊભી થઈ.

નિરાધાર, અનાથ અને મુશ્કેલ પરિસ્થિતિમાં રહેલા બાળકોને શિક્ષણ, આરોગ્ય, પોષણ, આશ્રય તથા આર્થિક સહાય પૂરી પાડી તેમને સમાજની મુખ્ય ધારામાં લાવવાના પ્રયાસો કરવામાં આવી રહ્યા છે.પાલક માતા-પિતા યોજના હેઠળ જિલ્લામાં 437 અનાથ બાળકોને માસિક રૂ. 3,000ની સહાય આપવામાં આવે છે. કોરોના મહામારી દરમિયાન માતા કે પિતા પૈકી કોઈ એકને ગુમાવનાર 433 બાળકોને માસિક રૂ. 2,000ની સહાય અભ્યાસ માટે 18 વર્ષની ઉંમર સુધી આપવામાં આવી રહી છે.

સવારે બસનું સ્ટિયરિંગ સંભાળતા સમીરભાઈ બપોરે ફરજ પૂર્ણ થયા બાદ પેડલ રિક્ષા લઈને ગામડાં, શાળાઓ, કોલેજો અને જાહેર સ્થળોએ પહોંચી લોકોને પર્યાવરણ સંરક્ષણનો સંદેશ આપે છે.વર્ષ 2013માં ઉત્તરાખંડમાં થયેલી ભૂસ્ખલનની ઘટનાઓથી પ્રેરાઈ તેમણે પર્યાવરણ માટે કંઈક કરવાની પ્રતિજ્ઞા લીધી હતી. ત્યારથી તેઓ પોતાની નોકરી ચાલુ રાખીને પોતાના સમય અને ખર્ચે પર્યાવરણ જાગૃતિનું કાર્ય કરી રહ્યા છે.‘ક્લાયમેટ રથ’ દ્વારા તેઓ વૃક્ષોનું મહત્વ, પાણી અને કુદરતી સંસાધનોનો બચાવ, કચરાના યોગ્ય નિકાલ તેમજ આબોહવા પરિવર્તન અંગે લોકોને જાગૃત કરે છે.

આ પ્રસંગે રાજ્યપાલએ જણાવ્યું હતું કે, ગામડાંની શુદ્ધ હવા, પરસ્પરનો પ્રેમ અને સામાજિક સમરસતા ભારતીય સંસ્કૃતિનો આત્મા છે. તેઓ પોતે ખેડૂતપુત્ર હોવાનું અને ગુરુકુળમાં શિક્ષક તરીકે કાર્ય કર્યું હોવાનું જણાવી ગ્રામજનો વચ્ચે રહેવાનો આનંદ વ્યક્ત કર્યો હતો.તેમણે બાળકોમાં સારા સંસ્કારો કેળવવા, માતા-પિતાએ બાળકો સાથે ગુણવત્તાસભર સમય વિતાવવા અને યુવાનોને વ્યસનથી દૂર રાખવા અપીલ કરી હતી. જીવનમાં ભૌતિક સંપત્તિ કરતાં સત્કર્મ, સેવા અને માનવતાને સાચી મૂડી ગણાવી હતી.

પાર નદી, ડુંગરાળ વિસ્તાર અને ગાઢ જંગલોથી ઘેરાયેલું અરણાઈ દક્ષિણ ગુજરાતના પ્રાકૃતિક સૌંદર્યથી ભરપૂર સ્થળોમાંનું એક છે. સ્થાનિક તળપદી બોલીમાં અરણાઈને ‘અઢણાઈ’ તરીકે પણ ઓળખવામાં આવે છે.જમીનની અંદરની ભૂ-તાપીય પ્રક્રિયાને કારણે ભૂગર્ભ જળ ગરમ થઈ સપાટી પર આવતું હોવાનું માનવામાં આવે છે. સ્થાનિક લોકોમાં આ ગરમ પાણીના કુંડ અંગે અનેક લોકવાયકાઓ પ્રચલિત છે. ગામના વડીલોના જણાવ્યા મુજબ, એક માન્યતા ભગવાન શ્રીરામના વનવાસ સાથે જોડાયેલી છે. લોકવાયકા અનુસાર, સીતાજીને સ્નાન કરવાની ઈચ્છા થતાં ભગવાન શ્રીરામે બાણ મારી જમીનમાંથી ગરમ પાણીનો ઝરો પ્રગટ કર્યો હતો.

કમિશનર, શાળાઓની કચેરી, ગાંધીનગર અને શિક્ષણ વિભાગના સંયુક્ત ઉપક્રમે યોજાયેલી આ સ્પર્ધાની શરૂઆત 17 ઓગસ્ટથી કરવામાં આવી હતી. સ્પર્ધા પૂર્વે ઋષિકુમારો દ્વારા કરવામાં આવેલા મંત્રોચ્ચાર સમયે રાજ્યના નાણામંત્રી કનુભાઈ દેસાઈ, આદિજાતિ વિકાસ રાજ્યમંત્રી પી.સી. બરંડા અને શ્રમ, કૌશલ્ય વિકાસ રાજ્યમંત્રી કાંતિલાલ અમૃતિયાએ ઉપસ્થિત રહી ઋષિકુમારોનો ઉત્સાહ વધાર્યો હતો.સ્પર્ધામાં શુક્લ યજુર્વેદ સસ્વર રુદ્રાષ્ટાધ્યાયી પંચમ અધ્યાય એટલે કે રુદ્રસૂક્ત તેમજ શિવ મહિમ્ન સ્તોત્ર કંઠપાઠની સ્પર્ધા યોજાઈ હતી. રાજ્યભરની માન્ય સંસ્કૃત પાઠશાળાઓ અને મહાવિદ્યાલયોના વિદ્યાર્થીઓએ ભાગ લીધો હતો.

કેન્દ્રીય નાણાં અને કોર્પોરેટ બાબતોના મંત્રી નિર્મલા સીતારમણે US બહુરાષ્ટ્રીય કંપની 3Mને ભારતમાં સંશોધન અને વિકાસ, અદ્યતન ઉત્પાદન અને સ્થાનિક સપ્લાય ચેઇન વિકાસમાં રોકાણ વધારવા આગ્રહ કર્યો. તેમણે કહ્યું કે, ભારત ઝડપથી ટેકનોલોજી, નવીનતા અને વૈશ્વિક ઉત્પાદન માટે મહત્વપૂર્ણ કેન્દ્ર તરીકે ઉભરી રહ્યું છે અને વૈશ્વિક કંપનીઓ માટે વિશાળ તકો પ્રદાન કરે છે.

ભારતીય નૌકાદળ આજે મુંબઈ સ્થિત નૌસેના ડૉકયાર્ડમાં ‘નિસ્તાર’ શ્રેણીના બીજા ડાઇવિંગ સપોર્ટ જહાજ ‘નિપુણ’ને પોતાના કાફલામાં સામેલ કર્યું.... ‘નિપુણ’ના નૌકાદળમાં સામેલ થવાથી ઊંડા દરિયામાં પાણીની અંદર જરૂરી સહાય પૂરી પાડવાની ક્ષમતામાં નોંધપાત્ર વધારો થયો.... આ વિશેષ જહાજ સબમરીન બચાવ અભિયાનોમાં પણ મહત્ત્વપૂર્ણ ભૂમિકા ભજવશે. કટોકટીની પરિસ્થિતિમાં સબમરીનમાં ફસાયેલા જવાનો અને કર્મચારીઓને સુરક્ષિત રીતે બહાર કાઢવામાં તે મદદરૂપ બનશે. ‘નિપુણ’ના સામેલ થવાથી ભારતીય નૌકાદળની અંડરવોટર રેસ્ક્યૂ અને સપોર્ટ ક્ષમતાને વધુ મજબૂતી મળશે.

પ્રધાનમંત્રી નરેન્દ્ર મોદીએ તાશ્કંદની તેમની મુલાકાતને યાદ કરી હતી... તેમણે કહ્યું કે, તે દર્શાવે છે કે ઉઝબેકિસ્તાનના લોકો ભારતની સંસ્કૃતિ, ઇતિહાસ, ભાષાઓ અને વિચારો પ્રત્યે વધુને વધુ પ્રેમી બની રહ્યા છે.

પ્રધાનમંત્રી મોદીએ પોસ્ટ શેર કરી 

અઠવાડિયાના પહેલા ટ્રેડિંગ દિવસે ભારતીય શેરબજાર લાલ રંગમાં ખૂલ્યું, કારણ કે તેલના ભાવમાં વધારો અને USમાં વ્યાજ દરમાં વધારાની આશંકાથી જોખમની ભાવના નબળી પડી હતી. દરમિયાન, સેન્સેક્સ અને નિફ્ટી 50માં 0.40 ટકા સુધીનો ઘટાડો નોંધાયો હતો. 30 શેરો ધરાવતો BSE સેન્સેક્સ 77,130.73 પર ખુલ્યો, જે તેના અગાઉના બંધ 77,264.51 થી 133.78 પોઈન્ટ (0.17 ટકા) ઘટીને 76,896.93 પર પહોંચ્યો... તેવી જ રીતે, NSE નિફ્ટી 50 24,117.55 પર ખુલ્યો, જે તેના અગાઉના બંધ 24,175.65 થી 58.10 પોઈન્ટ (0.24 ટકા) ઘટીને; શરૂઆતના વેપાર દરમિયાન એક સમયે તે 137.25 પોઈન્ટ (0.56 ટકા) ઘટીને 24,038.40 ની નીચી સપાટીએ પહોંચ્યો.