સોમવારથી અમેરિકાના એશેવિલેમાં શરૂ થઈ રહેલી G20 નાણામંત્રીઓ અને સેન્ટ્રલ બેંક ગવર્નરોની બેઠકમાં ભારત ઊર્જા સુરક્ષા, વધતા વેપાર તણાવ અને ઈરાન પર આર્થિક દબાણ વધારવાના USના પ્રયાસોને પોતાની પ્રાથમિક ચિંતાઓ બનાવશે.
નાણામંત્રી અમેરિકામાં, સ્કોટ બેસન્ટ દ્વારા યોજાનારી બેઠક
ભારતીય મહિલા ક્રિકેટ ટીમે મહિલા એશિયા કપ 2026માં થાઇલેન્ડ સામે પોતાનો પહેલો મુકાબલો રમ્યો. શેફાલી વર્માની અડધી સદી, નંદિની શર્મા અને દીપ્તિ શર્માની ઉત્તમ બોલિંગના આધારે ભારતીય ટીમે 94 રનથી મેચ જીતી લીધી. આ મેચમાં થાઇલેન્ડે ટોસ જીતીને પ્રથમ બેટિંગ કરવાનો નિર્ણય લીધો હતો. પ્રથમ બેટિંગ કરતા ભારતે 20 ઓવરમાં 9 વિકેટે 159 રન બનાવ્યા હતા, જેનાથી થાઇલેન્ડને જીત માટે 160 રનનો ટાર્ગેટ આપ્યો હતો. આ લક્ષ્યનો પીછો કરતા થાઇલેન્ડ 16.1 ઓવરમાં 65 રનમાં ઓલઆઉટ થઈ ગયું હતું.
શેફાલીએ અડધી સદી ફટકારી
અમેરિકન સૈન્ય દળોએ રવિવારે હોર્મુઝ સ્ટ્રેટમાં ઈરાની રોકેટ લોન્ચર્સ પર હુમલો કર્યો... જે એક મહિનાથી વધુ સમયમાં ઈરાન સામેની પહેલી અમેરિકન લશ્કરી કાર્યવાહી હતી, જેનાથી છ મહિનાથી વધુ સમયથી ચાલી રહેલા યુદ્ધમાં એક ટૂંકી શાંતિ તૂટી ગઈ.
યુએસ સેન્ટ્રલ કમાન્ડના પ્રવક્તા ટિમ હોકિન્સના કહેવા અનુસાર, રિવોલ્યુશનરી ગાર્ડ કોર્પ્સના દળોને હોર્મુઝ સ્ટ્રેટમાં રોકેટ ફાયર કરવાની અને દરિયાઈ માઇન્સ નાખવાની તૈયારી કરતા જોવા મળ્યા હતા. US સૈન્યએ ગયા અઠવાડિયે જ સ્ટ્રેટના આંતરરાષ્ટ્રીય શિપિંગ લેનમાંથી માઇનિંગ દૂર કરવાનું પૂર્ણ કર્યું હતું.
નેપાળમાં ભારતીય રાજદૂત નવીન શ્રીવાસ્તવે રવિવારે વિનાશક પૂરના ભોગ બનેલા લોકોના મૃતદેહોની ઓળખ કરવામાં મદદ કરવા માટે આપત્તિગ્રસ્ત દેશમાં તૈનાત ભારતીય ફોરેન્સિક ટીમના સભ્યો સાથે મુલાકાત કરી. રાજદૂતે પુનરોચ્ચાર કર્યો કે, ભારત નેપાળમાં ચાલી રહેલા બચાવ અને રાહત કામગીરીને મજબૂત સમર્થન આપવાનું ચાલુ રાખશે.
ફોરેન્સિક ટીમ ચોથી ભારતીય રાહત ફ્લાઇટમાં કાઠમંડુ પહોંચી....જેમાં આવશ્યક રાહત પુરવઠો, તેમજ આપત્તિ રાહત કામગીરીમાં મદદ કરવા માટે વિશિષ્ટ તકનીકી કર્મચારીઓ અને સાધનો પણ હતા.
રક્ષા મંત્રી રાજનાથ સિંહે મહત્ત્વપૂર્ણ નિવેદન આપ્યું છે... તેમણે કહ્યું કે, ‘વિકસિત ભારત’ની યાત્રા મોટા શહેરોથી શરૂ થઈને દરેક મહોલ્લા, વસાહત અને પરિવાર સુધી પહોંચવી જોઈએ. વિકાસ માત્ર ઈમારતોમાં નહીં, પરંતુ આપણી ઓળખ અને જીવનશૈલીમાં પણ દેખાવો જોઈએ.
પ્રધાનમંત્રી નરેન્દ્ર મોદીએ તાશ્કંદમાં યોગ ફેડરેશન ઓફ ઉઝબેકિસ્તાન દ્વારા આયોજિત યોગ સત્રમાં ભાગ લીધો હતો. યોગ સત્ર દરમિયાન તેમણે ઉપસ્થિત સહભાગીઓ સાથે વાતચીત પણ કરી હતી... પ્રધાનમંત્રી મોદી બે દિવસની ઉઝબેકિસ્તાન મુલાકાતે તાશ્કંદમાં છે. એરપોર્ટ પર મળેલા ઉષ્માભર્યા સ્વાગત બદલ તેમણે ઉઝબેકિસ્તાનના રાષ્ટ્રપતિ શૌકત મિર્ઝિયોયેવનો આભાર માન્યો હતો.
"મન કી બાત" ના 137મા એપિસોડમાં, પ્રધાનમંત્રી નરેન્દ્ર મોદીએ સમાજની ભાગીદારીથી વિકસિત ભારત બનાવવાનો સંદેશ આપ્યો, જેમાં દેશના વિવિધ ભાગોમાં પોતાના નાના પ્રયાસો દ્વારા પરિવર્તન લાવી રહેલા યુવાનો, મહિલાઓ, ખેડૂતો, સફાઈ કામદારો અને અન્ય લોકોનો ઉલ્લેખ કર્યો. તેમણે ડ્રગ-મુક્ત ભારત અભિયાનને જન આંદોલન બનાવવા, સ્વચ્છતાને વર્તનનો ભાગ બનાવવા, મહિલાઓને આર્થિક રીતે સશક્ત બનાવવા, સ્થાનિક ઉત્પાદનોને પ્રોત્સાહન આપવા અને યુવાનોને સંશોધન અને નવીનતા સાથે જોડવા પર ભાર મૂક્યો.
ઇતિહાસને રસપ્રદ બનાવવાની પહેલની પ્રશંસા
પ્રધાનમંત્રી નરેન્દ્ર મોદીએ ઉઝબેકિસ્તાનની મુલાકાતે છે.... પ્રધાનમંત્રી નરેન્દ્ર મોદીએ કહ્યું છે કે, ઉઝબેકિસ્તાનમાં રહેતા ભારતીય સમુદાય ભારત અને ઉઝબેકિસ્તાન વચ્ચે એક જીવંત સેતુ તરીકે કામ કરે છે. બે દિવસની રાજ્ય મુલાકાત દરમિયાન તાશ્કંદ પહોંચેલા પ્રધાનમંત્રીનું ભારતીય સમુદાય તરફથી ઉષ્માભર્યું સ્વાગત કરવામાં આવ્યું. સાંસ્કૃતિક કાર્યક્રમોમાં ભારતીય અને ઉઝબેક પરંપરાઓનું સુંદર મિશ્રણ દર્શાવવામાં આવ્યું. પીએમ મોદીએ કહ્યું કે, બંને દેશોના લોકો વચ્ચેના મજબૂત સાંસ્કૃતિક સંબંધો દ્વિપક્ષીય મિત્રતાને વધુ ગાઢ બનાવી રહ્યા છે.
ભારતીય સમુદાયના પ્રેમથી અભિભૂત થયા PM મોદી
પ્રધાનમંત્રી નરેન્દ્ર મોદીની ઉઝબેકિસ્તાનની મુલાકાતે છે... ભારત અને ઉઝબેકિસ્તાનના સહિયારા સાંસ્કૃતિક વારસા અને બંને દેશો વચ્ચેની મિત્રતાનું પ્રદર્શન કર્યું. પ્રધાનમંત્રી સમક્ષ પ્રદર્શન કરનારા સ્થાનિક કલાકારો અને ભારતીય સમુદાયના સભ્યોએ આ ખાસ પ્રસંગ અંગે ઉત્સાહ અને ગર્વ વ્યક્ત કર્યો. કલાકારોએ પીએમ મોદી સમક્ષ પ્રદર્શનને સન્માન અને વિશેષાધિકાર ગણાવ્યો, જ્યારે ભારતીય સમુદાયના સભ્યએ પ્રધાનમંત્રીને મળવાને જીવનભરના સ્વપ્નની પરિપૂર્ણતા ગણાવી.
પીએમ મોદી સમક્ષ રજૂઆતને સન્માન કહેવામાં આવ્યું
મુખ્યમંત્રી ભૂપેન્દ્ર પટેલના નેતૃત્વ હેઠળની રાજ્ય સરકારે ખેડૂતોના હિતમાં મહત્વપૂર્ણ અને ખેડૂતલક્ષી નિર્ણય લીધો છે. કૃષિ મંત્રી જીતુ વાઘાણીએ કહ્યું કે, વર્ષ 2026-27 માટે 'મુખ્યમંત્રી યાંત્રીકરણ યોજના' હેઠળ કૃષિ ઓજારો અને ટ્રેક્ટર સંચાલિત સાધનોની ખરીદી કરવા માટે પાત્રતા ધરાવતા ખેડૂતોની ખરીદીની સમયમર્યાદામાં વધારાના 15 દિવસની મુદત લંબાવી આપવામાં આવી છે
