ભારતીય વાયુસેના અનુસાર, આ કવાયત બંને વાયુસેના વચ્ચે ઓપરેશનલ કોઓર્ડિનેશન અને ઇન્ટરઓપરેબિલિટીને મજબૂત બનાવવા તરફ એક મહત્વપૂર્ણ પગલું છે. ભારતીય વાયુસેના તરફથી સુખોઈ-30MKI ફાઇટર જેટ, એરબોર્ન વોર્નિંગ એન્ડ કંટ્રોલ સિસ્ટમ (AWACS) અને IL-78 રિફ્યુઅલિંગ એરક્રાફ્ટ આ કવાયતમાં ભાગ લઈ રહ્યા છે.
જે અંતર્ગત શુષ્ક વાતાવરણ માટે જાણીતા આ વિસ્તારમાં પાણીનો સંગ્રહ કરી, જમીનનું ધોવાણ અટકાવી તેમજ વન્યપ્રાણીઓ-પક્ષીઓ માટે આવાસની ગુણવત્તા સુધારવા માટે મહત્વપૂર્ણ કામગીરી હાથ ધરવામાં આવી રહી છે, તેમ વન અને પર્યાવરણ મંત્રી અર્જુન મોઢવાડીયાએ જણાવ્યું હતું.
આ મહત્વપૂર્ણ બેઠક અંગે વિદેશ મંત્રાલય (MEA)ના પ્રવક્તા રણધીર જાયસ્વાલે એક્સ પોસ્ટ પર જણાવ્યું હતું કે સચિવ (આર્થિક સંબંધો) અને ભારતના બ્રિક્સ શેરપા,સુધાકર દલેલા આ બેઠકમાં જોડાયા છે. આ ચર્ચામાં ચીનના ઉપવિદેશપ્રધાન મા ઝાઓક્સુ અને ભારતમાં બેલારુસના રાજદૂત એમ. કાસ્કો પણ હાજર રહ્યા હતા. તેમના સંબોધનમાં, રાજદૂત કાસ્કોએ બેલારુસને આમંત્રણ આપવા બદલ ભારતનો આભાર વ્યક્ત કર્યો હતો કારણ કે આ પ્રથમ વખત છે જ્યારે BRICS ભાગીદાર દેશોના પ્રતિનિધિઓએ આવી બેઠકોમાં સામેલ થઇ રહ્યા છે.
જેમાં મુખ્યત્વે રાજ્યની 09 APMCમાં ચૂંટણી યોજવા માટેની સૂચનાઓ જારી કરવામાં આવી છે. જ્યારે, વહીવટી કારણોસર અન્ય 15 APMCની મુદત લંબાવવામાં આવી છે. આ સંદર્ભે વિગતવાર માહિતી આપતા કૃષિ અને સહકાર મંત્રી જીતુ વાઘાણીએ જણાવ્યું હતું કે, કૃષિ વિભાગ દ્વારા રાજ્યમાં જે બજાર સમિતિઓની મુદત પૂર્ણ થઈ છે, ત્યાં ચૂંટણી કાર્યક્રમ જાહેર કરવાની નિયમોનુસારની કાર્યવાહી તાત્કાલિક ધોરણે હાથ ધરવા 'ખેત બજાર અને ગ્રામ્ય અર્થતંત્ર' નિયામકશ્રીને જાણ કરવામાં આવી છે. આ નિર્ણયથી સ્થાનિક સ્તરે ખેડૂત પ્રતિનિધિઓની પસંદગીનો માર્ગ વધુ મોકળો થયો છે.
આ નવા નિયમો 20 ફેબ્રુઆરી, 2026 થી અમલમાં આવશે. આ ફેરફારો સોશિયલ મીડિયા કંપનીઓ અને ડિજિટલ પ્લેટફોર્મની જવાબદારીમાં નોંધપાત્ર વધારો કરશે.સરકારી સૂચના અનુસાર, "કૃત્રિમ રીતે જનરેટ કરેલી માહિતી" ની સ્પષ્ટ વ્યાખ્યા હવે સ્થાપિત કરવામાં આવી છે. આમાં ઑડિઓ, વિડિઓ, ફોટા અથવા અન્ય દ્રશ્ય સામગ્રી શામેલ છે જે કૃત્રિમ રીતે અથવા અલ્ગોરિધમ દ્વારા બનાવવામાં આવી છે અને વાસ્તવિક વ્યક્તિ અથવા ઘટના જેવી દેખાય છે.જોકે, સરકારે સ્પષ્ટતા કરી છે કે સરળ સંપાદન, રંગ સુધારણા, તકનીકી સુધારણા, અનુવાદ અથવા દસ્તાવેજ તૈયારી જેવી ક્રિયાઓને કૃત્રિમ સામગ્રી ગણવામાં આવશે નહીં, જો કે તે ભ્રામક અથવા ખોટા રેકોર્ડ બનાવશે નહીં.
પીયૂષ ગોયલે આ નિવેદન સાંસદ પ્રવીણ ખંડેલવાલના નેતૃત્વમાં કન્ફેડરેશન ઓફ ઓલ ઈન્ડિયા ટ્રેડર્સ (CAIT) ના પ્રતિનિધિમંડળ સાથે વાતચીત કરતી વખતે આપ્યું હતું, જે વાણિજ્ય ભવનમાં તેમને મળ્યા હતા. મંત્રીએ કહ્યું કે આજે ભારતીય વેપારીઓ ફક્ત ઘરેલુ બજાર પૂરતા મર્યાદિત નથી પરંતુ આંતરરાષ્ટ્રીય મંચ પર પણ મજબૂત હાજરી બનાવી રહ્યા છે.
ભારત-અમેરિકા વચગાળાના વેપાર કરારનો ઉલ્લેખ કરતા
સંરક્ષણ રાજ્યમંત્રી સંજય સેઠે ભારતીય પ્રતિનિધિમંડળનું નેતૃત્વ કર્યું. તેમણે આ કાર્યક્રમમાં ભાગ લીધો અને પ્રથમ વખતના ઇન્ડિયા પેવેલિયનનું ઉદ્ઘાટન કર્યું. ભારતીય સંરક્ષણ પીએસયુ અને ખાનગી કંપનીઓએ આ પેવેલિયનમાં સ્વદેશી શસ્ત્રો, ટેકનોલોજી અને સંરક્ષણ સાધનો પ્રદર્શિત કર્યા, જેનાથી વિશ્વભરના પ્રતિનિધિઓનું ધ્યાન ખેંચાયું. મંત્રીએ સાઉદી અરેબિયામાં સાઉદી લશ્કરી ઉદ્યોગો અને સંરક્ષણ મંત્રાલયના સ્ટોલની પણ મુલાકાત લીધી, જ્યાં તેમણે તેમની સ્વદેશી સંરક્ષણ ટેકનોલોજીઓનું નજીકથી નિરીક્ષણ કર્યું.
ગ્રે હાયપોકોલિયસ (Hypocolius ampelinus) સૌથી વિશિષ્ટ અને આકર્ષક પક્ષી છે. પાતળી કાયા ધરાવતું આ પક્ષી ઈરાક, ઈરાન, અફઘાનિસ્તાન અને પાકિસ્તાનના સુકા વિસ્તારોમાં પ્રજનન કરે છે અને 1990થી કચ્છનાં છારી-ઢંઢનાં જળપ્લાવિત વિસ્તારમાં શિયાળો ગાળવા આવે છે. વિશેષજ્ઞોના જણાવ્યા અનુસાર, ગ્રે હાયપોકોલિયસ સામાન્ય રીતે સુકા ઝાડીવાળા વિસ્તારો, રણપ્રદેશ અને નજીકના ખેતી વિસ્તારોમાં જોવા મળે છે. તે મોટાભાગે નાના જૂથોમાં જોવા મળે છે અને ફળાઉ વૃક્ષો તથા ઝાડીઓનાં ફળો-બોર તેનો આહાર છે.ખાસ કરીને, પીલુડીનાં પીલું તેના અતિ પ્રિય છે.
ગત વર્ષે 2.91 લાખ મુસાફરોએ સેવાનો લાભ લીધો હતો, જેને ધ્યાને રાખી આ વર્ષે ક્ષમતામાં વધારો કરવામાં આવ્યો છે. જેમાં આ વર્ષે અંદાજે 195 જેટલી વધુ બસમાં 7800થી વધુ ટ્રીપો દ્વારા 3.70 લાખ જેટલા મુસાફરોને સુવિધા આપવાનું લક્ષ્ય રાખવામાં આવ્યું છે.મહાશિવરાત્રી મેળાને 'મિનિ કુંભ મેળા' તરીકે પણ ઓળખવામાં આવે છે. આ વર્ષનો મેળો અત્યાર સુધીનો સૌથી ભવ્ય અને ઐતિહાસિક બનવાનો છે ત્યારે લાખઓની સંખ્યામાં શ્રદ્ધાળુઓ ભવનાથના દર્શનાર્થે આવશે. શ્રદ્ધાળુઓના ધસારાને પહોંચી વળવા માટે કુલ 195 વધારાની બસો દોડાવવામાં આવશે. જૂનાગઢ બસ સ્ટેશનથી ગિરનાર તળેટી સુધી જવા માટે દૈનિક 80 વધારાની બસોનું સંચાલન કરવામાં આવશે.
આ પ્રસંગે વિધાનસભાના અધ્યક્ષ શંકર ચૌધરીએ જણાવ્યું હતું કે, ગુજરાત હરહંમેશ ટેક્નોલોજીનો સફળતા પૂર્વક ઉપયોગ કરતું રહ્યું છે. ગુજરાત વિધાનસભાનું તમામ કામકાજ ઓનલાઈન કરવામાં આવ્યું છે. જેથી આપ સૌ નવનિયુક્ત મંત્રીઓ આ એપ્લિકેશનનો ઉપયોગ વિશે વધુ માહિતગાર બનો અને વિધાનસભાની કામગીરી વધુ સરળ બનાવી શકો તે માટે આ તાલીમનું આયોજન કરવામાં આવ્યું છે. ‘વન નેશન વન એપ્લિકેશન’ની પ્રધાનમંત્રી નરેન્દ્ર મોદીની કલ્પના મુજબ ગુજરાત વિધાનસભાને પેપરલેસ બનાવવાની દિશામાં છેલ્લા ત્રણ વર્ષથી ગુજરાતે મક્કમ પગલું ભરી વિધાનસભા સત્રની સંપુર્ણ કામગીરી પેપરલેસ કરી છે.
