ગુજરાતના સૌરાષ્ટ્ર અને કચ્છ ઝોનના અનેક વિસ્તારો સહિત રાજ્યના અન્ય જિલ્લાઓમાં આવતીકાલે ભારેથી અતિભારે વરસાદની હવામાન વિભાગ દ્વારા આગાહી કરવામાં આવી છે. જ્યારે, મધ્ય ગુજરાત અને દક્ષિણ ગુજરાતના કેટલાક વિસ્તારોમાં પણ આવતીકાલે છૂટા-છવાયા સ્થળોએ ભારે વરસાદ વરસવાની હવામાન વિભાગ દ્વારા આગાહી કરવામાં આવી છે. જેને ધ્યાને લઈને રાજ્યના માછીમારોને આગામી તા.28 ઓગસ્ટ સુધી દરિયો ન ખેડવા માટે સૂચનાઓ આપવામાં આવી છે. 
   

પર્યાવરણ જતનના હેતુ સાથે ‘ઇકો ફ્રેન્ડલી ગણેશ પ્રતિમા નિર્માણ’ વિષય પર રાજ્યભરમાં GPCB  અને પર્યાવરણ મિત્રનાં ઉપક્રમે ગત તા. 8 ઓગસ્ટ 2025થી વિવિધ કોલેજો, શાળાઓ, શેરીઓ, સોસાયટીઓ અને વિવિધ ઇકો ક્લબના માધ્યમથી  જાગૃતિ કાર્યક્રમ-વર્કશોપનું આયોજન કરવામાં આવી રહ્યું છે. આગામી 10 દિવસ દરમિયાન અમદાવાદમાં વધુ વસ્તી ધરાવતા મુખ્યત્વે 50 જેટલા ગણેશ પંડાલમાં ઇકો ફ્રેન્ડલી ગણેશ મૂર્તિ અંગે શેરી નાટકનું પણ આયોજન કરવામાં આવી રહ્યું છે. જેના પરિણામે ‘મૂર્તિ નાની, શ્રદ્ધા મોટી’ના મંત્ર સાથે રાજ્યભરમાં ઇકો ફ્રેન્ડલી ગણેશ પ્રતિમા સ્થાપનનું ભક્તોમાં વિશેષ આકર્ષણ રહ્યું છે.  

કેન્દ્રીય ગૃહમંત્રી અમિત શાહે ANI સાથેના ઈન્ટરવ્યુમાં વિપક્ષ પર પ્રહાર કર્યા હતા. તેમને કહ્યું કે, "કોઈ પણ મંત્રી હોય કે મુખ્યમંત્રી જેલમાં રહીને સરકાર ન ચલાવી શકે." જયારે 130મા બંધારણ સુધારા બિલ પર અમિત શાહે સ્પષ્ટતા કરી કે, કાયદો બધા માટે એકસમાન હોય છે. કેન્દ્રીય ગૃહમંત્રીએ સંસદમાં બિલ પસાર થવા પર વ્યક્ત વિશ્વાસ કર્યો હતો. તેમણે કહ્યું, સંસદ ચર્ચા માટે છે વિરોધ માટે નહીં. વિપક્ષ જેલમાંથી સરકાર ચલાવવા માંગે છે. સાથે જ વિપક્ષ પ્રજાને ગુમરાહ કરતી હોવાનો આરોપ લગાવ્યો હતો.

17 વર્ષીય અનાહત સિંહે ઇતિહાસ રચ્યો હતો. ઓસ્ટ્રેલિયામાં રમાતી કોપર ચેમ્પિયનશિપમાં બીજા ક્રમે રહી હતી. PSA કોપર-લેવલ ફાઇનલમાં પહોંચનારી પ્રથમ ભારતીય મહિલા બની છે. પગની ઘૂંટીની ઇજા સામે ઝઝૂમવા છતાં, NSW સ્ક્વોશ બેગા ઓપન 2025માં રનર-અપ રહી.

બેગા કન્ટ્રી ક્લબ ખાતે ઉભરતી ભારતીય સ્ટાર ખેલાડીનો શાનદાર પ્રવાસ ત્યારે સમાપ્ત થયો, જ્યારે તેણીને ઇજિપ્તની હબીબા હાની સામેની ફાઇનલમાં 10-4થી પાછળ રહીને બહાર થવાની ફરજ પડી. અનાહત સિંહે પહેલી ગેમ 11-9થી જીતી હતી, પરંતુ હાનીએ વળતો પ્રહાર કરીને આગામી બે ગેમ 11-5 અને 11-8થી જીતી લીધી, પરંતુ ઈજાના કારણે સિંહે મેચ ગુમાવવી પડી.

રાજ્યમાં ભારે વરસાદના કારણે જળાશયો છલકાયા છે. વિવિધ જિલ્લામાં ડેમો ઓવરફ્લો થયા છે અને નદીઓ બે કાંઠે થઇ છે. મહેસાણા જિલ્લાના ધરોઈ ડેમમાંથી પાણી છોડવામાં આવતા મુલાકાતીઓ માટે બંધ કરવામાં આવ્યો છે. વડાલી, સતલાસણા માર્ગ પણ બંધ કરવામાં આવ્યો છે. સાથે જ તંત્ર દ્વારા નીચણવાળા વિસ્તારોને એલર્ટ કરવામાં આવ્યા છે. અમરેલી જિલ્લામાં ભારે વરસાદના કારણે ધારીનો ખોડિયાર ડેમ 70 ટકા ભરાતાં હાઇએલર્ટ આપવામાં આવ્યું છે. ત્યારે જળાશય પૂર્ણ સપાટીએ ભરાતા ગમે તે સમયે ડેમના દરવાજા ખોલવામાં આવશે..

ભારતીય બેન્ચમાર્ક સૂચકાંકો જેવા કે સેન્સેક્સ અને નિફ્ટીએ સોમવારે સપ્તાહની શરૂઆત વધારા સાથે કરી હતી, કારણ કે અમેરિકામાં સંભવિત વ્યાજ દર ઘટાડા પછી IT શેરોમાં તેજી જોવા મળી હતી. જેના કારણે રોકાણકારોના સેન્ટિમેન્ટમાં વધારો થયો હતો. BSE સેન્સેક્સ 251.41 પોઈન્ટ અથવા 0.31 ટકા વધીને 81,558 પર પહોંચ્યો હતો. નિફ્ટી 0.29 ટકા વધીને 24,941 પર પહોંચ્યો હતો. ક્ષેત્રવાર જોઈએ તો, નિફ્ટી IT ઇન્ડેક્સમાં 1.77 ટકાનો ઉછાળો જોવા મળ્યો હતો, ત્યારબાદ નિફ્ટી મેટલ ઇન્ડેક્સમાં 0.88 ટકાનો ઉછાળો જોવા મળ્યો હતો. મોટાભાગના અન્ય સૂચકાંકોમાં મધ્યમ ઉછાળો જોવા મળ્યો હતો.

રાજ્યમાં વરસાદ અનરાધાર વરસી રહ્યો છે. આજે બનાસકાંઠા, સાબરકાંઠા, પાટણ, અને અરવલ્લીમાં છૂટાછવાયા સ્થળોએ અતિ ભારે વરસાદની વકી રહેલી છે, આ ઉપરાંત સૌરાષ્ટ્ર અને કચ્છમાં પણ ભારે વરસાદની વકી છે.  40થી 50 કિલોમીટરની ઝડપે પવન ફૂંકાશે. બંદરો પર 3 નંબરનું સિગ્લન લગાવવામાં આવ્યું છે અને માછીમારોને દરિયો ન ખેડવા સૂચના આપવામાં આવી છે.

હવામાન વિભાગની અતિ ભારે વરસાદની આગાહી

27 ઓગષ્ટથી દેશભરમાં સાર્વજનિક ગણેશ મહોત્સવનો પ્રારંભ થશે. ત્યારે મુંબઈના જગવિખ્યાત લાલબાગચા રાજાની પ્રથમ ઝલક જોવા મળી છે. હાથમાં ચક્ર, માથા પર મુગટ અને જાંબલી વસ્ત્રોમાં ગણપતિ બાપ્પાના ભવ્ય દર્શન કરી ભક્તોએ ધન્યતા અનુભવી છે. લાલબાગચા રાજાની પ્રથમ ઝલકનું વિશેષ મહત્વ રહેલું છે. ગણેશ ઉત્સવની શરૂઆત લાલબાગચા રાજાની પ્રથમ ઝલકથી થાય છે, જેને મરાઠીમાં 'શિવિરંબમ' કહેવાય છે. આ માત્ર એક ફોટોગ્રાફ નહીં, પરંતુ ભક્તોની શ્રદ્ધા, આશા અને ભક્તિનું પ્રતીક છે. આ મૂર્તિને "નવસાચા ગણપતિ" તરીકે ઓળખવામાં આવે છે, કારણ કે એવું માનવામાં આવે છે કે તે ભક્તોની મનોકામનાઓ પૂર્ણ કરે છે.

દિલ્હી મેટ્રો રેલ કોર્પોરેશન (DMRC)એ સોમવાર, 25 ઓગસ્ટથી શરૂ થતા ટિકિટ ભાડામાં સત્તાવાર રીતે સુધારો કર્યો હોવાથી રાષ્ટ્રીય રાજધાનીના મુસાફરોએ હવે તેમની મેટ્રો મુસાફરી માટે વધુ પૈસા ચૂકવવા પડશે. આઠ વર્ષમાં આ પહેલો ભાડા વધારો છે, જેમાં છેલ્લો સુધારો 2017માં ચોથી ભાડા નિર્ધારણ સમિતિની ભલામણોના આધારે કરવામાં આવ્યો હતો.

DMRCએ ભાડા વધારા પર શું કહ્યું ?

ઐશ્વર્ય પ્રતાપસિંહ તોમરે એશીયાઇ નિશાનેબાજી ચેમ્પિયન શીપમાં પુરુષોની 50 મીટર રાઈફલની પોઝીશન ઇવેન્ટમાં સુવર્ણ પદક જીત્યો છે. કઝાકિસ્તાનમાં આયોજિત એશીયાઇ ચેમ્પિયન શીપમાં શુટિંગમાં ઐશ્વર્ય તોમરે 462.5 સ્કોર કર્યો હતો. આ ઐશ્વર્યનું બીજું પદક છે, આ પહેલા તેઓએ 2023માં પણ સુવર્ણ પદક હાંસલ કર્યો હતો. ચીનના વેન્યુ ઝાઓએ 462 પોઈન્ટ સાથે સિલ્વર મેડલ જીત્યો, જ્યારે જાપાનના નાઓયા ઓકાડાએ 445.8 પોઈન્ટ સાથે બ્રોન્ઝ મેડલ જીત્યો હતો.