આ પહેલ અંતર્ગત ‘વેસ્ટ ટુ આર્ટ’ના નવતર પ્રયોગ રૂપે પતંગની દોરીના વેસ્ટમાંથી ‘કોમનેવેલ્થ ગેમ્સ-2030’ની થીમ પર આધારિત લોગો તૈયાર કરવામાં આવ્યો છે. એકત્ર કરાયેલ આ દોરીના વેસ્ટને પર્યાવરણ સંરક્ષણ અભિગમ સાથે અપસ્કેલિંગ (Upscaling) કરવાની નવીનતમ દિશા અપનાવવામાં આવી છે. આ અંતર્ગત અમદાવાદમાં યોજાનાર ‘કોમનેવેલ્થ ગેમ્સ-2030’ અંગે નાગરિકોમાં જાગૃતિ લાવવા માટે આ વેસ્ટ દોરીનો ઉપયોગ કરીને ‘કોમનેવેલ્થ ગેમ્સ-2030’ નો ‘વેસ્ટ ટુ આર્ટ’ લોગો તૈયાર કરવામાં આવ્યો છે. પતંગની દોરી જેવા જોખમી કચરાને કલાત્મક સ્વરૂપ આપીને કોમનેવેલ્થ ગેમ્સના પ્રતિકરૂપે હાઇલાઇટ કરવામાં આવી છે.

સોમવારે નવી દિલ્હીમાં  પ્રધાનમંત્રી નરેન્દ્ર મોદી સાથે સંયુક્ત પત્રકાર પરિષદને સંબોધતા, હર્મિનીએ કહ્યું, "આર્થિક જોડાણ અને વિકાસ માટે સાથે મળીને આગળ વધવાની પ્રતિબદ્ધતા અમારી વાટાઘાટોનો આધારસ્તંભ હતો. અમે પ્રોજેક્ટ-આધારિત સહયોગ અને ક્રેડિટ લાઇન સહિત યોગ્ય વિકાસ સહયોગ સાધનો પર ચર્ચા કરી. હિંદ મહાસાગરમાં બે મુખ્ય રાષ્ટ્રો તરીકે, દરિયાઈ સુરક્ષા અને પ્રાદેશિક સ્થિરતા અમારા સંબંધો માટે મહત્વપૂર્ણ છે. પર્યટન એ સેશેલ્સના અર્થતંત્રનો મુખ્ય આધારસ્તંભ છે, અને ભારત એક વિકસતું બજાર છે, જેને સુધારેલ હવાઈ જોડાણ દ્વારા સમર્થન આપવામાં આવે છે."

મુખ્યમંત્રી ભૂપેન્દ્ર પટેલના નેતૃત્વમાં રાજ્ય સરકારે આ હેતુસર એલન મસ્કની સ્પેસેક્સની સબસિડિયરી સ્ટારલિંક સેટેલાઈટ કોમ્યુનિકેશન્સ પ્રાઇવેટ લિમિટેડ સાથે પરસ્પર સહયોગના લેટર ઓફ ઇન્ટેન્ટ (LoI) કર્યા છે.આ LoIને પરિણામે રાજ્યમાં ડિજિટલ કનેક્ટિવિટી મિશન તથા સ્ટ્રેટેજિક ઈનિશિએટિવ્ઝથી અંતરિયાળ, છેવાડાના અને ઓછી ટેલિકોમ સુવિધા અને નેટવર્કની સમસ્યા ધરાવતા વિસ્તારોમાં હાઇ-સ્પીડ સેટેલાઇટ આધારિત ઇન્ટરનેટ કનેક્ટિવિટી ઉપલબ્ધ કરાવવામાં આવશે. 

નવી દિલ્હી ખાતે આયોજિત પ્રતિષ્ઠિત રિપબ્લિક ડે કેમ્પ (RDC)2026માં રાજ્યનું સફળતાપૂર્વક પ્રતિનિધિત્વ કર્યા પછી ગુજરાત NCC રિપબ્લિક ડે કન્ટિજન્ટ 30 જાન્યુઆરીએ અમદાવાદ પરત આવી છે. આ કન્ટિજન્ટએ કેમ્પ દરમિયાન યોજાયેલી વિવિધ રાષ્ટ્રીય સ્તરની પ્રવૃત્તિઓમાં ભાગ લીધો અને શિસ્ત, તાલીમ અને કામગીરીના ઉચ્ચતમ ધોરણોને જાળવી રાખ્યા, તેનાથી ગુજરાતને ગૌરવ અને સન્માન મળ્યા છે. ભૂપેન્દ્ર પટેલે NCC છાત્રોને પ્રેરણા આપતાં જણાવ્યું હતું કે, NCC માત્ર સંસ્થા નહિ, પણ એકતા અને અનુશાસન સાથેની આદર્શ જીવનશૈલી શીખવતી પાઠશાળા છે. અનુશાસન વિના વ્યક્તિ આગળ વધી શકતી નથી અને અનુશાસન વિના રાષ્ટ્ર પણ પ્રગતિ કરી શકતું નથી. 

હવે DILR દ્વારા આધુનિક માપણી કરી આ તળાવોને સત્તાવાર દરજ્જો અપાયો છે, જેથી ભવિષ્યમાં દબાણોની સમસ્યા અટકશે.તાલુકાવાર નીમ થયેલા તળાવો:તાલુકોતળાવોની સંખ્યા તાલુકો તળાવોની સંખ્યા ભુજ 313 નખત્રાણા 163 અંજાર 132 અબડાસા 87 ભચાઉ 78 લખપત 45 માંડવી 38 મુન્દ્રા 25 રાપર 18 ગાંધીધામ 11 ભવિષ્યમાં થનારા ફાયદા જળસ્તરમાં સુધારો આસપાસના કુવા અને બોરવેલના તળ ઊંચા આવશે.સરકારી યોજનાઓનો લાભ હવે આ તળાવોમાં 'અમૃત સરોવર' અને 'સુજલામ સુફલામ' જેવી યોજનાઓ હેઠળ કામ થઈ શકશે.પર્યાવરણ રક્ષણ: વન વિભાગ દ્વારા તળાવોની પાળે વૃક્ષારોપણ કરી 'માઈક્રો-ક્લાઈમેટ' સુધારવામાં આવશે.ખારાશ પર નિયંત્રણ: જળસંગ્રહ વધવાથી જમીનની ખારાશ ઘટશે,

ગુજરાતે હંમેશા ટકાઉ વિકાસને પ્રોત્સાહન આપ્યું છે, જેના ભાગરૂપે રાજ્યના શહેરી વિસ્તારોમાં ગ્રીન કવર વધારવા પર વિશેષ ભાર મૂકવામાં આવ્યો છે. શહેરી વિકાસ વર્ષ દરમિયાન રાજ્યના વિવિધ શહેરી વિસ્તારોમાં 240 હેક્ટરથી વધુ નવા ગ્રીન સ્પેસ વિકસાવવામાં આવશે, જેમાં બાગ-બગીચા, વરસાદી પાણીને જમીનમાં ઉતારવા અને ભૂગર્ભજળ રિચાર્જ કરવા માટે સ્પન્જ પાર્ક્સ અને અર્બન ફોરેસ્ટ વગેરેનો સમાવેશ થાય છે. હાલ આ માટેના વિવિધ પ્રોજેક્ટ્સ અમલીકરણના વિવિધ તબક્કાઓ હેઠળ છે. શહેરી વિકાસ વર્ષ દરમિયાન રાજ્ય સરકાર દ્વારા કુલ 340થી વધુ પ્રોજેક્ટ પૂર્ણ કરવાનો લક્ષ્યાંક છે, જેમાંથી 146 પ્રોજેક્ટ્સ પૂર્ણ થઈ ચૂક્યા છે.

માત્ર એક વર્ષમાં 502 સફળ કિડની ટ્રાન્સપ્લાન્ટ કરી આ સરકારી સંસ્થાએ નેશનલ રેકોર્ડ સર્જ્યો છે. મુખ્યમંત્રી ભૂપેન્દ્ર પટેલના માર્ગદર્શન અને અત્યાધુનિક ટેકનોલોજીના સથવારે, અહીં ગરીબમાં ગરીબ દર્દીને પણ વિનામૂલ્યે નવજીવન મળી રહ્યું છે. અમદાવાદ સિવિલ મેડિસીટી સ્થિત IKDRC હોસ્પિટલે વર્ષ 2025માં 502 કિડની ટ્રાન્સપ્લાન્ટ કરી દેશની સર્વશ્રેષ્ઠ સરકારી હોસ્પિટલનું બહુમાન મેળવ્યું છે. આ સિદ્ધિમાં 157 કેડેવર (અંગદાન), 90 સ્વેપ અને 49 બાળકોના ટ્રાન્સપ્લાન્ટનો સમાવેશ થાય છે. નોંધનીય છે કે, ગુજરાત બહારના 170 દર્દીઓએ પણ આ સંસ્થા પર અતૂટ વિશ્વાસ મૂકી સફળ સારવાર કરાવી છે.

‘છારી-ઢંઢ’ને મળેલા આ વૈશ્વિક ‘રામસર સાઇટ’ના દરજ્જાનું પ્રમાણપત્ર ગાંધીનગર ખાતે વન અને પર્યાવરણ મંત્રી અર્જુન મોઢવાડિયાએ વન વિભાગ તરફથી મુખ્યમંત્રી ભૂપેન્દ્ર પટેલને અર્પણ કર્યું હતું. મુખ્યમંત્રીએ ગુજરાતની આ સિદ્ધિ બદલ મંત્રી સહિત વન વિભાગની સમગ્ર ટીમને અભિનંદન પાઠવ્યા હતા.

કાર્યક્રમના પ્રથમ સત્ર ‘તમારી શૈલી, તમારી ગતિ’ દરમિયાન ગુજરાતની એક વિદ્યાર્થિનીએ પ્રધાનમંત્રીને મુંઝવતો પ્રશ્ન પૂછ્યો હતો. તેણે જણાવ્યું કે, પરીક્ષા સમયે શિક્ષકો અલગ રીતે ભણવાનું કહે છે અને વાલીઓ અલગ રીતે, જ્યારે વિદ્યાર્થીની પોતાની પદ્ધતિ કંઈક અલગ હોય છે.આ પ્રશ્નના ઉત્તરમાં પ્રધાનમંત્રી મોદીએ હળવા અંદાજમાં કહ્યું, “આ પદ્ધતિનો સંઘર્ષ જીવનભર ચાલે છે. હું પ્રધાનમંત્રી બની ગયો છું, છતાં લોકો મને અલગ-અલગ રીતે કામ કરવા માટે કહેતા રહે છે. પરંતુ દરેક વ્યક્તિની કામ કરવાની પોતાની એક આગવી રીત હોય છે.”

RBI ગવર્નરે તેની ત્રણ દિવસીય સમીક્ષા બેઠકમાં નાણાકીય નીતિ સમિતિ (MPC) ના નિર્ણયની જાહેરાત કરતા કહ્યું કે MPC એ તટસ્થ વલણ જાળવવાનો નિર્ણય લીધો છે. સંજય મલ્હોત્રાએ જણાવ્યું હતું કે રિઝર્વ બેંકની નાણાકીય નીતિ સમિતિએ સર્વાનુમતે મુખ્ય નીતિ દર, રેપો રેટ, 5.25% પર જાળવી રાખ્યો છે.

2025-26 માટે આર્થિક વિકાસ દરનો અંદાજ વધારીને 7.4% કરવામાં આવ્યો છે