ભારત અને પાકિસ્તાન વચ્ચે પરિસ્થિતિ સામાન્ય થઈ ગયા બાદ હવે આજે મંગળવારે સાંજે 6.30 વાગ્યે BSF જવાનો અને પાકિસ્તાની રેન્જર્સ વચ્ચે રિટ્રીટ સેરેમની ફરી શરૂ થશે. આ ઉપરાંત, ખેડૂતો માટે વાડના દરવાજા ખોલવામાં આવ્યા છે જેથી તેઓ વાડની પેલે પારની જમીનમાં ખેતી કરી શકે.
BSFના અધિકારીએ સેરેમની વિશે શું કહ્યું ?
'સ્વાસ્થ્ય માટે એક વિશ્વ' (One World For Health) થીમ હેઠળ સ્વિટ્ઝલેન્ડના જીનીવામાં 78મી વિશ્વ સ્વાસ્થ્ય સભા (WHA) શરૂ થઈ. ઉદ્ઘાટન સમારોહને સંબોધતા WHOના ડિરેક્ટર જનરલ ટેડ્રોસ અધાનમ ઘેબ્રેયસસે કહ્યું હતું કે, દરેક WHA મહત્ત્વપૂર્ણ છે, પરંતુ આ વર્ષની સભા ખાસ કરીને ઐતિહાસિક છે કારણ કે સભ્ય દેશો પાસેથી રોગચાળાના કરાર પર વિચારણા કરવાની અને સંભવિત રીતે અપનાવવાની અપેક્ષા છે. WHOના ડિરેક્ટર ટેડ્રોસે સભ્ય દેશોને WHOનું લાંબાગાળાનું નાણાકીય ટકાઉપણું અને સ્વતંત્રતા સુનિશ્ચિત કરવામાં મદદ કરવા માટે મૂલ્યાંકન કરાયેલ યોગદાન વધારાના આગામી રાઉન્ડને મંજૂરી આપવાનું પણ આહવાન કર્યું હતું.
ઉપરાષ્ટ્રપતિ જગદીપ ધનખર આજે મંગળવારથી ગોવાના ત્રણ દિવસના પ્રવાસે જશે. ઉપરાષ્ટ્રપતિ સચિવાલયે સોમવારે જારી કરાયેલા એક નિવેદનમાં આ માહિતી આપી હતી. નિવેદન અનુસાર, ઉપરાષ્ટ્રપતિ 21 મેના રોજ મોર્મુગાઓ બંદરની મુલાકાત લેશે.
ઉપરાષ્ટ્રપતિ નવા બંદર પ્રોજેક્ટ્સ રાષ્ટ્રને કરશે સમર્પિત
આ દરમિયાન, ઉપરાષ્ટ્રપતિ નવા બંદર પ્રોજેક્ટ્સ રાષ્ટ્રને સમર્પિત કરશે. ઉપરાષ્ટ્રપતિ જગદીપ ધનખર આ સમયગાળા દરમિયાન મોર્મુગાઓ પોર્ટ ઓથોરિટીના વરિષ્ઠ અધિકારીઓ અને કર્મચારીઓ સાથે વાતચીત કરશે.
ઉપરાષ્ટ્રપતિ ભારતીય કોસ્ટ ગાર્ડના વરિષ્ઠ અધિકારીઓ સાથે પણ કરશે વાતચીત
સુપ્રીમ કોર્ટે શ્રીલંકાના એક નાગરિકની અરજી ફગાવી દેતા સોમવારે કડક ટિપ્પણી કરી હતી. જેમાં સુપ્રીમ કોર્ટે કહ્યું હતું કે "ભારત કોઈ ધર્મશાળા નથી જ્યાં દુનિયાભરમાંથી આવતા શરણાર્થીઓને સમાવી લેવામાં આવે." આ ટિપ્પણી ત્યારે આવી જ્યારે કોર્ટ શ્રીલંકાના એક તમિલ નાગરિક દ્વારા દાખલ કરાયેલી અરજી પર સુનાવણી કરી રહી હતી, જેમાં સજા પૂર્ણ કર્યા પછી ભારતમાં નિર્વસનથી રક્ષણ મેળવવાની માંગ કરવામાં આવી હતી.
સુપ્રીમ કોર્ટની બેન્ચે આ કેસમાં શું કહ્યું ?
પ્રથમ ખેલો ઇન્ડિયા બીચ ગેમ્સની સોમવારે સાંજે દીવના ઘોઘલા બીચ પર શરૂઆત થઈ હતી. કેન્દ્રીય રમતગમત મંત્રી મનસુખ માંડવિયાએ ભવ્ય સમારોહમાં રમતોનું ઉદ્ઘાટન કર્યું હતું. આ ઉત્સવમાં વિવિધ પરંપરાગત નૃત્યો દ્વારા ભારતની વિવિધતા દર્શાવવામાં આવી હતી. આ પ્રસંગે ડોકટર મનસુખ માંડવિયાએ કહ્યું હતું કે, ભારત 2047 સુધીમાં રમતગમતમાં મહાસત્તા બનવા માટે પ્રતિબદ્ધ છે. આ રમતોમાં 30 રાજ્યો અને કેન્દ્રશાસિત પ્રદેશોના 1 હજાર 350થી વધુ ખેલાડીઓએ વિવિધ સ્પર્ધાઓમાં ભાગ લીધો છે. ખેલાડીઓ ફૂટબોલ, વોલીબોલ, કબડ્ડી, સ્વિમિંગ જેવી વિવિધ સ્પર્ધાઓ યોજાશે.
ઇન્ડિયન પ્રીમિયર લીગની 62મી મેચમાં આજે ચેન્નાઈ સુપર કિંગ્સ અને રાજસ્થાન રોયલ્સની ટીમો એકબીજા સામે ટકરાશે. બંને ટીમો વચ્ચેની આ મેચ દિલ્હીના અરુણ જેટલી સ્ટેડિયમ ખાતે સાંજે 7:30 વાગ્યે રમાશે. બંને ટીમો પહેલાથી જ IPL 2025 પ્લેઓફની રેસમાંથી બહાર થઈ ગઈ છે. આવી સ્થિતિમાં, બંને ટીમો આજની મેચ જીતીને પોતાના ચાહકોને ખુશ થવાની તક આપવા માટે મેદાનમાં ઉતરશે.
સિઝનમાં રાજસ્થાનનું પ્રદર્શન રહ્યું ખરાબ
અમદાવાદના ચંડોળા તળાવમાં બીજી તબક્કાના ડિમોલિશનની કામગીરી શરુ કરવામાં આવી છે. બીજા તબક્કામાં 2.5 લાખ ચોરસ મીટર જમીન પર થયેલાં દબાણો દૂર કરવામાં આવી રહ્યા છે. અમદાવાદ મ્યુનિસિપલ કોર્પોરેશનની ટીમોએ ત્રણ શિફ્ટમાં કામગીરી કરીને અભિયાન પાર પાડશે. આ દબાણ દુર કરવાની કામગીરી લગભગ 3થી 4 દિવસ સુધી ચાલશે. જેમાં 8 હજારથી ગેરકાયદે બાંધકામ પર બુલડોઝર ફેરવી દેવામાં આવશે. અન્ય કોઈ અનિચ્છનીય બનાવ ન બને તે માટે 3 હજાર પોલીસ અને 25 SRP કંપની તૈનાત કરવામાં આવી છે...
પોલીસે અગાઉથી આપી દીધી ચેતવણી
ઇન્ડિયન પ્રીમિયર લીગની 61મી મેચ સનરાઇઝર્સ હૈદરાબાદ અને લખનઉ સુપર જાઈન્ટ્સ વચ્ચે રમાઈ હતી. હૈદરાબાદે આ મેચ 6 વિકેટે જીતી લીધી હતી. લખનઉની આ હાર બાદ પ્લેઓફમાં પહોંચવાની તેની આશા પણ ચકનાચૂર થઈ ગઈ છે. આ મેચમાં ટોસ જીત્યા બાદ હૈદરાબાદે પહેલા બોલિંગ કરવાનો નિર્ણય લીધો હતો. પ્રથમ બેટિંગ કરતા લખનઉએ માર્શ અને માર્કરામની અર્ધી સદીના આધારે હૈદરાબાદને 206 રનનો લક્ષ્યાંક આપ્યો હતો. જેના જવાબમાં, હૈદરાબાદ 19મી ઓવરમાં મેચ જીતી ગયું હતું.
કેવી રહી હૈદરાબાદની બેટિંગ ?
ખેલો ઇન્ડિયા પહેલ અંતર્ગત આજથી ભારતના સમુદ્ર તટો પર પ્રથમ ખેલો ઇન્ડિયા "બીચ ગેમ્સ"ની શરૂઆત થશે. જેમાં દેશભરમાંથી એક હજારથી વધુ એથ્લીટસ ભાગ લેશે. આ ગેમ્સની શરૂઆત કેન્દ્રિય મંત્રી મનસુખ માંડવીયા કરાવશે. ખેલો ઇન્ડિયા બીચ ગેમ્સની પ્રથમ આવૃત્તિ તારીખ 19થી 25 મે 2025 દરમિયાન કેન્દ્રશાષિત પ્રદેશ દીવમાં યોજાશે. દેશભરમાં પાયાના સ્તરે રમતગમત અને રમતવીરોના વિકાસને મજબૂત બનાવવાના એક મહત્ત્વપૂર્ણ પગલામાં ભારત સરકારના યુવા બાબતો અને રમતગમત મંત્રાલયએ ખેલો ઇન્ડિયા પહેલ હેઠળ એક વ્યાપક વાર્ષિક કેલેન્ડર શરૂ કર્યું છે.
અમદાવાદ બાદ હવે રાજકોટ પોલીસે મેગા ડીમોલેશન શરુ કર્યું છે. જેમાં 38 આરોપીઓના ગેરકાયદે બાંધકામના ડીમોલેશનની કામગીરી હાથ ધરવામાં આવી છે... જેમાં મર્ડર, ચોરી, લૂંટ, ચિલ ઝડપ સહિતના ગુન્હાઓમાં સંડોવાયેલા આરોપીઓના ગેરકાયદેસર બાંધકામો તોડી પાડવાની અને કુલ 2 હજાર 610 ક્ષેત્રફળ ચોરસમીટર જગ્યાનું ડીમોલેશન કરવાની કામગીરી શરૂ કરવામાં આવી છે, કામગીરી હેઠળ 6 કરોડ 52 લાખ 50 હજારની કિંમતની જગ્યા ખુલ્લી કરવામાં આવશે. તો આ મુદ્દે રાજ્ય ગૃહમંત્રી હર્ષ સંઘવીએ પણ પ્રતિક્રિયા આપી હતી.
મેગા ડીમોલેશન મુદ્દે ગૃહ રાજ્યમંત્રી હર્ષ સંઘવીએ શું કહ્યું ?
