છત્તીસગઢમાં સુરક્ષા દળોને મોટી સફળતા મળી છે.. સુકમા જીલ્લાના કેરલાપાલ ક્ષેત્રમાં સુરક્ષાદળો અને નક્સલીઓ વચ્ચે અથડામણ થઇ હતી.. જેમાં 16 નક્સલીઓને મારવામાં આવ્યા હતા.. કેરલાપાલ ક્ષેત્રમાં નક્સલીઓની ઉપસ્થિતિની સુચના મળતા સુકમા DRG અને CRPFની સંક્યુત ટીમ નક્સલ વિરોધ સર્ચ અભિયાન માટે રવાના થઇ હતી.. સુરક્ષાદળો અને નક્સલીઓ વચ્ચેની અથડામણ હાલ પણ ચાલુ છે.. અથડામણવાળા સ્થળ પરથી AK-47 રાઈફલ, SLR અને INSAS રાઈફલ સહિત મોટી માત્રામાં હથિયાર અને દારૂગોળો મળી આવ્યો હતો.. તેમના કબજામાંથી 303 રાઈફલ્સ, રોકેટ લોન્ચર, BGL લોન્ચર અને અન્ય ગુનાહિત સામગ્રી મળી આવી છે.. અથડામણમાં DRGના બે જવાન ઘાયલ થયા હતા..

પ્રધાનમંત્રી કાર્યાલય અનુસાર, સોશિયલ મીડિયા હેન્ડલ X પર એક પોસ્ટમાં વડાપ્રધાન મોદીએ કહ્યું કે, "મ્યાનમારના વરિષ્ઠ જનરલ મહામહિમ મીન આંગ હ્લેઇંગ સાથે વાત કરી. વિનાશક ભૂકંપમાં થયેલા મૃત્યુ પર મારી ઊંડી સંવેદના વ્યક્ત કરી. એક નજીકના મિત્ર અને પાડોશી તરીકે, ભારત આ મુશ્કેલ સમયમાં મ્યાનમારના લોકો સાથે ઉભું છે. ઓપરેશન બ્રહ્મા હેઠળ આપત્તિ રાહત સામગ્રી, માનવતાવાદી સહાય, શોધ અને બચાવ ટીમો ઝડપથી અસરગ્રસ્ત વિસ્તારોમાં મોકલવામાં આવી રહી છે."

શુક્રવારે મ્યાનમાર અને થાઇલેન્ડમાં આવેલા ભૂકંપે ભારે વિનાશ સર્જ્યો છે. આવી મુશ્કેલ પરિસ્થિતિમાં, વિશ્વએ મદદનો હાથ લંબાવ્યો છે. આ દરમિયાન, Xના માલિક ઇલોન મસ્કે પણ એક ઓફર કરી છે. તેમના મતે, આ આપત્તિના સમયે કોમ્યુનિકેશનમાં મદદ કરશે.

મસ્કે X પર શું લખ્યું ?

ઇલોન મસ્કે સોશિયલ મીડિયા પ્લેટફોર્મ X પર એક પોસ્ટ દ્વારા પોતાના વિચારો વ્યક્ત કર્યા. તેમણે કહ્યું કે, થાઈલેન્ડ અને મ્યાનમારમાં ભૂકંપથી થયેલા નુકસાન વિશે સાંભળીને ખૂબ જ દુઃખ થયું. સ્પેસએક્સ ટીમ સંદેશાવ્યવહારની જરૂરિયાતો અને રાહત પ્રયાસોમાં મદદ કરવા માટે સ્ટારલિંક કિટ્સ પ્રદાન કરવા તૈયાર છે.

ભૂકંપગ્રસ્ત મ્યાનમારને ભારતે મદદનો હાથ લંબાવ્યો છે. શુક્રવારે મ્યાનમાર અને થાઇલેન્ડમાં ભૂકંપના આંચકાએ ભારે તબાહી મચાવી દીધી હતી. આ દુર્ઘટનામાં ઘણું જાનમાલનું નુકસાન થયું છે. ભારતે શનિવારે મ્યાનમારને 15 ટનથી વધુ રાહત સામગ્રી મોકલી છે. ત્યાં આવેલા અનેક શક્તિશાળી ભૂકંપોમાં 144થી વધુ લોકો માર્યા ગયા છે અને 700થી વધુ લોકો ઘાયલ થયા છે.

ભારતના વિદેશ મંત્રી ડૉ. એસ.જયશંકરે તેમના સોશિયલ મીડિયા હેન્ડલ X પર લખ્યું છે કે,  "ઓપરેશન બ્રહ્મા શરૂ થઈ ગયું છે. ભારત તરફથી માનવતાવાદી સહાયનો પહેલો જથ્થો મ્યાનમારના યાંગોન એરપોર્ટ પર પહોંચી ગયો છે."

મહેસાણામાં ખાનગી કંપનીના મેનેજર અને મિત્રને હનીટ્રેપમાં ફસાવી 8 લાખ પડાવનારી ગેંગને પોલીસે ઝડપી લીધી છે.

મહેસાણામાં ખાનગી કંપનીના મેનેજર અને તેના મિત્રને ઘરે ચા પીવા બોલાવીને તેમના ફોટા પાડી લઈ દુષ્કર્મના કેસમાં ફસાવી દેવાની ધમકી આપી 9 લાખ રૂપિયા પડાવી લીધા હતા. 

જમ્મુ-કાશ્મીરના કઠુઆ જિલ્લાના સુફિયાન જાખોલે ગામના વેલી હાઇટ્સમાં આતંકવાદ વિરોધી કાર્યવાહીમાં 5 આતંકવાદીઓ માર્યા ગયા. તે જ સમયે જમ્મુ-કાશ્મીર પોલીસના સ્પેશિયલ ઓપરેશન ગ્રુપ (SOG)ના 3 સૈનિકો શહીદ થયા. આ કાર્યવાહીમાં ડેપ્યુટી એસપી બોર્ડર ધીરજ કટોચ અને આર્મી પેરા કમાન્ડો સહિત 7 સુરક્ષા કર્મચારીઓ ઈજાગ્રસ્ત થયા હતા.

આજે વહેલી સવારે સુરક્ષા દળોએ આતંકવાદીઓ સામે ફરી કાર્યવાહી શરૂ કરી. રવિવારે સાન્યાલ ગામમાં જોવા મળેલા આતંકવાદીઓ સફિયાન જાખોલે ગામના વેલી હાઇટ્સમાં કઠુઆ જિલ્લાના બિલ્લાવરમાં ઘૂસણખોરી કરવાનો પ્રયાસ કરી રહ્યા હતા.

ભારતીય અંતરિક્ષ સંશોધન સંગઠન (ISRO)એ અંતરિક્ષ ડોકિંગ પ્રયોગ - SpaDEx મિશનના એક ભાગરૂપે "રોલિંગ" પ્રયોગ સફળતાપૂર્વક પૂર્ણ કર્યો છે.

ISROના અધ્યક્ષ વી. નારાયણનના જણાવ્યા અનુસાર ભવિષ્યમાં વિવિધ પરિસ્થિતિઓમાં અંતરિક્ષ ડોકિંગની જરૂર પડશે અને હાલના મિશન અંતર્ગત કેટલાક પ્રયોગો કરવામાં આવી રહ્યા છે.

આજે શરૂઆતના કારોબાર દરમિયાન સ્થાનિક શેરબજારમાં દબાણ જોવા મળી રહ્યું છે. બજાર ખુલ્યા પછી, ખરીદીના ટેકાને કારણે થોડો ઉપરનો ટ્રેન્ડ જોવા મળ્યો, પરંતુ ટ્રેડિંગના પ્રથમ 10 મિનિટ પછી, બજારમાં વેચવાલી શરૂ થઈ, જેના કારણે સેન્સેક્સ અને નિફ્ટી બંને સૂચકાંકો લાલ નિશાનમાં ડૂબી ગયા. સવારે 10 વાગ્યા સુધી ટ્રેડિંગ કર્યા પછી, સેન્સેક્સ અને નિફ્ટી 0.16 ટકાની નબળાઈ સાથે ટ્રેડ કરી રહ્યા છે.

અમદાવાદમાં ફરી એકવાર ગમખ્વાર અકસ્માત સર્જાયો. ઓવરસ્પીડમાં જઈ રહેલી SUV કાર AMTS બસ સાથે ભટકાઈ હતી. જ્યાં એકનું એક વ્યક્તિનું મૃત્યુ નિપજ્યું છે તો અન્ય એક વ્યક્તિ ગંભીર રીતે ઈજાગ્રસ્ત બની છે. મૃતકના મૃતદેહને પોલીસે પીએમ માટે મોકલી આપ્યો છે. પોલીસે આસપાસના સીસીટીવી પણ તપાસ માટે લીધા છે.

કારચાલક સ્પીડમાં કાર ચલાવતો હતો અને સ્ટિયરીંગ પર કાબુ ના રહેતા કાર લક્ઝરી બસ અને AMTS બસ વચ્ચે ફસાઇ ગઈ હતી. 

કારચાલક ગંભીર રીતે ઈજાગ્રસ્ત થયો છે. કારચાલકે ચાંદખેડા BRTS બસ સ્ટેન્ડ પાસે એક બાઇકને પણ ટક્કર મારી હતી. 

અમેરિકાના રાષ્ટ્રપતિ ડોનાલ્ડ ટ્રમ્પ દ્વારા આયાતી કાર અને તેના ભાગો પર 25 ટકા ટેરિફ લાદવાની જાહેરાતથી વૈશ્વિક કાર ઉદ્યોગમાં ખળભળાટ મચી ગયો છે. ગઈકાલે એશિયા, યુરોપ અને અમેરિકાના બજારોમાં મંદી જોવા મળી હતી. અનેક ઑટોમેકર્સના શેર્સના ભાવમાં ઘટાડો થયો.