સુપ્રીમ કોર્ટે ડેટા પ્રોટેક્શન એક્ટ 2025ને પડકારતી વિવિધ અરજીઓ પર વહેલી સુનાવણીની ખાતરી આપી હતી. સુનાવણી દરમિયાન, મુખ્ય ન્યાયાધીશ સૂર્યકાંતે આ મુદ્દાને અત્યંત મહત્વપૂર્ણ ગણાવતા કહ્યું કે, ડેટા સુરક્ષા આજે એક વૈશ્વિક મુદ્દો બની ગયો છે અને વિશ્વભરમાં ગંભીર ચિંતાઓ ઉભી થઈ રહી છે. સુનાવણી દરમિયાન, મુખ્ય ન્યાયાધીશે ટિપ્પણી કરી કે, ડેટા ઝડપથી નવી ચલણ બની રહ્યો છે. તેમણે કહ્યું કે, ડેટા સુરક્ષાનો મુદ્દો ફક્ત ભારત પૂરતો મર્યાદિત નથી, પરંતુ વૈશ્વિક ચિંતાનો વિષય છે.

કેન્દ્રીય પેટ્રોલિયમ અને કુદરતી ગેસ મંત્રી હરદીપસિંહ પુરીએ LPGની અછતને લઈને સ્પષ્ટતા કરી છે. મંત્રીએ સંસદમાં કહ્યું કે, રિફાઇનરીઓને આપવામાં આવેલા નિર્દેશોને પગલે છેલ્લા પાંચ દિવસમાં LPG ઉત્પાદનમાં 28 ટકાનો વધારો કરવામાં આવ્યો છે. વધુમાં, વધારાની LPG ખરીદી પણ સક્રિય રીતે હાથ ધરવામાં આવી રહી છે. આ અફવાઓ ફેલાવવાનો કે ખોટી વાતો ફેલાવવાનો સમય નથી. સરકારની ટોચની પ્રાથમિકતા એ સુનિશ્ચિત કરવાની છે કે, દેશના 330 મિલિયનથી વધુ પરિવારો, ખાસ કરીને ગરીબ અને વંચિત પરિવારોના રસોડાને ગેસની અછતનો સામનો ન કરવો પડે.

ફેબ્રુઆરીમાં ભારતમાં છૂટક ફુગાવો 3.21 ટકા થયો, જે જાન્યુઆરીમાં 2.74 ટકાથી 0.47 ટકા વધુ છે. આંકડા અને કાર્યક્રમ અમલીકરણ મંત્રાલયે જાહેર કરાયેલા આંકડા અનુસાર, ફેબ્રુઆરીમાં ગ્રામીણ વિસ્તારોમાં છૂટક ફુગાવાનો દર 3.37 ટકા હતો, જે જાન્યુઆરીમાં 2.73 ટકા હતો. તે જ સમયે, ફેબ્રુઆરીમાં શહેરી વિસ્તારોમાં છૂટક ફુગાવાનો દર 3.02 ટકા હતો, જે શહેરી વિસ્તારોમાં 2.75 ટકા હતો. ફેબ્રુઆરીમાં ખાદ્ય ફુગાવો 3.47 ટકા હતો, જેમાં ગ્રામીણ ફુગાવો 3.46 ટકા અને શહેરી ફુગાવો 3.48 ટકા હતો.

મંત્રાલયે શું કહ્યું ?

ભારતના પેટ્રોલિયમ ભંડાર અને 40 પેટ્રોલિયમ નિકાસ કરતા દેશોના પુરવઠાએ દેશને વૈશ્વિક ઉર્જા કટોકટી જેવી પરિસ્થિતિઓનો સામનો કરવા સક્ષમ બનાવવામાં મદદ કરી છે. વરિષ્ઠ સરકારી અધિકારીએ કહ્યું કે, દેશના મેક્રોઇકોનોમિક ફંડામેન્ટલ્સ મજબૂત છે. "આપણી પાસે 11-12 મહિના માટે માલ આયાત કરવા માટે વિદેશી હૂંડિયામણ ભંડાર છે. આ આગામી પાંચ વર્ષ માટે દેશના પેટ્રોલિયમ આયાત બિલ ચૂકવવા માટે પણ પૂરતું છે."

કેવી છે પરિસ્થિતિ ?

ભારતીય શેરબજારમાં દબાણનો માહોલ યથાવત રહ્યો.. કારોબારના અંતે સેન્સેક્સ અને નિફ્ટી બંને સૂચકાંકો ઘટાડા સાથે બંધ થયા હતા..  829 આંકના કડાકા સાથે સેન્સેક્સ 76 હજાર 034 આંક પર બંધ થયો.. તો નિફ્ટી 227 આંકના ઘટાડા સાથે 23 હજાર 639 આંક પર બંધ થયો... સેન્સેક્સના 30માંથી 26 તો નિફ્ટીના 50માંથી 38 શેરોમાં વેચવાલી રહી. ઑટો, રિયલ્ટી અને FMCG શેરોમાં સૌથી વધુ ધોવાણ મળ્યું હતું. તો આ તરફ કિંમતી ધાતુઓના ભાવમાં આગેકૂચ યથાવત રહી હતી. MCX પર ચાંદીનો ભાવ કિલોદીઠ 5 હજાર 400 રૂપિયા વધતા, ચાંદીનો ભાવ 2 લાખ 73 હજારને પાર પહોંચ્યો છે.

ભારત અને ઈરાન વચ્ચે તાજેતરમાં કૂટનીતિક સ્તરે મહત્ત્વપૂર્ણ ચર્ચાઓ થઈ છે. વિદેશ મંત્રાલયના પ્રવક્તા રણધીર જયસ્વાલે માહિતી આપતાં કહ્યું કે, ભારતના વિદેશ મંત્રી ડૉ. એસ. જયશંકર અને ઈરાનના વિદેશ મંત્રી વચ્ચે છેલ્લા કેટલાક દિવસોમાં ત્રણ વખત વિવિધ મુદ્દે ટેલિફોનિક વાતચીત થઈ છે.  આ ચર્ચાઓ દરમિયાન મુખ્યત્વે શિપિંગ સુરક્ષા અને ભારતની એનર્જી સિક્યોરિટી જેવા મહત્વપૂર્ણ મુદ્દાઓ પર ચર્ચા કરવામાં આવી હતી. રણધીર જયસ્વાલે વધુમાં કહ્યું કે, પશ્ચિમ એશિયામાં હાલની પરિસ્થિતિને ધ્યાનમાં રાખીને ભારત પોતાના રાષ્ટ્રીય હિતોને જાળવવા તમામ હિલચાલ પર સતત નજર રાખી રહ્યું છે.

લોકસભા સ્પીકર ઓમ બિરલા વિરુદ્ધ વિપક્ષ દ્વારા લાવવામાં આવેલા અવિશ્વાસ પ્રસ્તાવને નીચલા ગૃહમા ફગાવી દેવામાં આવ્યા બાદ આજે ઓમ બિરલાએ ફરીથી લોકસભાની કાર્યવાહીનું સંચાલન સંભાળ્યું હતું. આ દરમિયાન તેમણે અવિશ્વાસ પ્રસ્તાવની ચર્ચા દરમિયાન વિપક્ષી સાંસદોએ લગાવેલા આરોપોનો સ્પષ્ટ અને નિયમબદ્ધ જવાબ આપ્યો હતો. જેમાં અધ્યક્ષ ઓમ બિરલાએ કહ્યું હતું કે, આ પદ કોઈ એક વ્યક્તિનું નથી. તમામ સભ્યો માટે એક સમાન નિયમ લાગુ કરાયા છે. તેમણે વધુમાં કહ્યું, સંસદીય લોકતંત્રની વ્યવસ્થામાં પૂર્ણ વિશ્વાસ છે, સદનમાં લાખો નાગરિકોનો જનાદેશ રજૂ થાય છે અને તમામ સભ્યોને સમાન તક આપવાનો પ્રયત્ન કરવામાં આવે છે.

પ્રધાનમંત્રી મોદીએ સોશિયલ મીડિયા પ્લેટફોર્મ X પર પોસ્ટ કર્યું, "જન ઔષધિ દિવસ 2026 નિમિત્તે, પ્રધાનમંત્રી ભારતીય જન ઔષધિ પરિયોજનાના લાભાર્થીઓને મારી હાર્દિક શુભેચ્છાઓ. આ પહેલ પોષણક્ષમ ભાવે ગુણવત્તાયુક્ત દવાઓ પૂરી પાડવાની અમારી પ્રતિબદ્ધતા દર્શાવે છે. જન ઔષધિ કેન્દ્રો દ્વારા, અસંખ્ય પરિવારો આરોગ્ય સંભાળ ખર્ચમાં બચત કરી રહ્યા છે અને યોગ્ય સારવાર મેળવી રહ્યા છે."

મુખ્યમંત્રી ભૂપેન્દ્ર પટેલના માર્ગદર્શન અને જળ સંપત્તિ - પાણી પુરવઠા મંત્રી  ઈશ્વરસિંહ પટેલના નેતૃત્વમાં પાણી સંચય અંગેના સુચારૂ વ્યવસ્થાપન થકી રાજ્યમાં દિન-પ્રતિદિન પીવાના અને સિંચાઈ માટેના પાણીની ઉપલબ્ધતા વધી રહી છે.રાજ્યમાં ચાલુ વર્ષે ચોમાસામાં સરેરાશ 128 ટકાથી વધુ વરસાદ નોંધાયો છે. જેના પરિણામ સ્વરૂપે તા. 5 માર્ચ 2026 ની સ્થિતિએ રાજ્યના મુખ્ય જળાશયોમાં સંગ્રહાયેલ કુલ પાણીનો જથ્થો 6.46 લાખ મિલિયન ક્યુબિક ફીટ-MCFT એટલે કે, કુલ પાણીનો જથ્થો 72 ટકાથી વધુ છે.

સ્થાનિક સમય મુજબ શુક્રવારે બપોરે રાજ્યના ઉત્તરપૂર્વીય કિનારા પર ધીમી ગતિએ ચાલતા ઉષ્ણકટિબંધીય વાવાઝોડાને કારણે ક્વીન્સલેન્ડના મોટાભાગના વિસ્તારોમાં પૂરની ચેતવણી જારી કરવામાં આવી છે. હવામાન બ્યુરો (BOM) અનુસાર, ઉષ્ણકટિબંધીય વાવાઝોડું મધ્ય ક્વીન્સલેન્ડ થઈને પશ્ચિમ તરફ આગળ વધી રહ્યું છે અને ભારે વરસાદ અને અચાનક પૂર લાવવાની ધારણા છે.