રાજકોટમાં ભારત અને ન્યુઝીલેન્ડ વચ્ચે આજે બીજી વન ડે મેચ રમાશે. ત્રણ મેચની સિરિઝમાં ટીમ ઈન્ડિયા 1-0થી આગળ છે. પહેલી મેચમાં ભવ્ય જીતથી ભારતીય ટીમમાં ઉત્સાહનો માહોલ છે. શહેરના નિરંજન શાહ સ્ટેડિયમમાં રમાનારી આ મેચમાં ટીમ ઈન્ડિયા વન ડે સિરિઝ જીતવાના ઈરાદા સાથે ઉતરશે, તો કિવિઝ ટીમ સિરિઝમાં બની રહેવા માટે મેદાનમાં ઉતરશે. રાજકોટમાં મેચને લઈ ક્રિકેટ રસીકોમાં અલગ આનંદ જોવા મળી રહ્યો છે. ઉત્તરાયણના આનંદ વચ્ચે આજની મેચનો આનંદ માણવા માટે ક્રિકેટ રસીકોમાં જોરદાર ક્રેઝ જોવા મળી રહ્યો છે. ભારતીય ટીમે રવિવારે વડોદરામાં ચાર વિકેટથી પહેલી મેચ જીતીને શ્રેણીમાં 1-0થી લીડ મેળવી હતી.

ઈરાનમાં સરકાર વિરોધી પ્રદર્શનોએ અત્યંત હિંસક સ્વરૂપ ધારણ કર્યું છે. સુરક્ષા દળો અને દેખાવકારો વચ્ચેની અથડામણમાં અત્યાર સુધીમાં 2 હજારથી વધુ લોકોના મોત થયા છે. સમગ્ર દેશમાં સ્થિતિ તણાવપૂર્ણ છે અને લોકોમાં ભારે રોષ જોવા મળી રહ્યો છે. આ ગંભીર પરિસ્થિતિ વચ્ચે અમેરિકી પ્રમુખ ડોનાલ્ડ ટ્રમ્પે પ્રદર્શનકારીઓને ખુલ્લું સમર્થન આપ્યું છે. તેમણે કહ્યું કે, "મદદ રસ્તામાં જ છે." ડોનાલ્ડ ટ્રમ્પે ઈરાની અધિકારીઓ સાથેની બધી બેઠકો રદ્દ કરી છે, ઈરાન સાથે સંબંધિત વ્યવસાયો પર નવા ટેરિફ લાદ્યા છે.

US પ્રમુખ ડોનાલ્ડ ટ્રમ્પે શું કહ્યું?

દેશભરમાં મકરસંક્રાંતિની ઉજવણી કરવામાં આવી રહી છે. આ પ્રસંગે, પ્રધાનમંત્રી નરેન્દ્ર મોદીએ દેશવાસીઓને મકરસંક્રાંતિની શુભેચ્છાઓ પાઠવી હતી. તેમણે સૌને માઘ બિહુ અને ઉત્તરાયણની શુભકામનાઓ પણ પાઠવી હતી.

વડાપ્રધાન નરેન્દ્ર મોદીએ શું કહ્યું?

પ્રધાનમંત્રી નરેન્દ્ર મોદીએ ફ્રાન્સના પ્રમુખ ઇમેન્યુઅલ મેક્રોનના રાજદ્વારી સલાહકાર ઇમેન્યુઅલ બોન સાથે મુલાકાત કરી. બેઠક બાદ પીએમ મોદીએ કહ્યું કે, તેઓ ઇમેન્યુઅલ બોનને મળીને ખુશ થયા અને મજબૂત-વિશ્વસનીય ભારત-ફ્રાન્સ વ્યૂહાત્મક ભાગીદારીનો પુનરોચ્ચાર કર્યો.

સોશિયલ મીડિયા પર શેર કરી બેઠકની જાણકારી

પ્રધાનમંત્રી મોદીએ સોશિયલ મીડિયા પ્લેટફોર્મ X પર ઈમેન્યુઅલ બોન સાથેની તેમની મુલાકાતના ફોટા શેર કર્યા. તેમણે લખ્યું કે, પ્રમુખ મેક્રોનના રાજદ્વારી સલાહકારને મળીને તેમને આનંદ થયો અને આ ભાગીદારી ઘણા ક્ષેત્રોમાં ગાઢ સહયોગ પર આધારિત છે.

I-PAC દરોડા મામલે EDની અરજી પર આજે કલકત્તા હાઇકોર્ટમાં સુનાવણી... અરજીમાં EDએ CM મમતા બેનરજી વિરુદ્ધ CBI તપાસની માગ કરી છે. EDએ અરજી કરી આરોપ લગાવ્યો છે કે, 8 જાન્યુઆરીએ પશ્ચિમ બંગાળના CM મમતા બેનરજી, DGP અને કોલકાતા પોલીસ કમિશનરે I-PAC પ્રમુખ પ્રતિક જૈનના કાર્યાલય અને ઘરે દરોડા દરમિયાન અવરોધ ઉભો કર્યો. પુરાવાઓ સાથે ચેડા કરવામાં આવ્યા, મહત્વપૂર્ણ દસ્તાવેજો છીનવી લેવામાં આવ્યા અને ED અધિકારીઓને ધમકાવવામાં આવ્યા હતા. EDના દરોડા બાદ રાજ્યમાં રાજકીય માહોલ ગરમાયો અને ભાજપે મમતા બેનરજીના પગલાની ટીકા કરતા આને ગુનો અને સંવિધાન પર સીધો હુમલો ગણાવ્યો.....

કેન્દ્રીય ગૃહમંત્રી અમિત શાહના ગુજરાત પ્રવાસનો બીજો દિવસ છે...મંત્રી અમિત શાહ અમદાવાદના જગન્નાથ મંદિરમાં પૂજા અને દર્શન કરશે...ત્યારબાદ નારણપુરામાં ગુજરાત હાઉસિંગ બોર્ડની રિડેવલોપમેન્ટ યોજના અંતર્ગત સૂર્ય એપાર્ટમેન્ટનું ભૂમિપૂજન કરશે...ત્યારબાદ નારણપુરાના અર્જુન ગ્રીન ફ્લેટ્સ પર પતંગ ચગાવવાનો આનંદ માણશે...ત્યારબાદ ગુરુદ્વારા ગોવિંદ ધામમાં દર્શન કરશે...ત્યાર બાદ નવા વાડજ વોર્ડમાં ઉત્તરાયણનો આનંદ માણશે. ગૃહમંત્રી ગાંધીનગર લોકસભા મત વિસ્તારમાં આવતી નારણપુરા વિધાનસભામાં કાર્યકર્તાઓ સાથે પતંગ ચગાવશે. 

જગન્નાથ મંદિરે દર્શન બાદ વિકાસ કાર્યનું ખાતમુહૂર્ત

વ્યૂહાત્મક સંવાદ દરમિયાન, ભારત અને ફ્રાન્સે વ્યૂહાત્મક ભાગીદારી પ્રત્યેની તેમની પ્રતિબદ્ધતાનો પુનરોચ્ચાર કર્યો. બંને દેશોએ સુરક્ષા, સંરક્ષણ, ટેકનોલોજી, અવકાશ અને નાગરિક પરમાણુ સહયોગના ક્ષેત્રોમાં ચાલી રહેલા દ્વિપક્ષીય પહેલોની ચર્ચા કરી.

મંત્રીએ તેમના સંબોધનમાં બાગાયત ક્ષેત્ર મારફતે ગુજરાતના ખેડૂતોને વૈશ્વિક બજાર સાથે જોડવાની વિશાળ સંભાવનાઓ પર પ્રકાશ પાડ્યો હતો. આ સેમિનારમાં કેરીનું મૂલ્યવર્ધન, ઉત્પાદનની આધુનિક પદ્ધતિઓ, ઉત્પાદનની ગુણવત્તા અને નિકાસ ક્ષમતા વધારવાની સંભાવનાઓ રજૂ કરવામાં આવી હતી. 

આ મુલાકાત દરમિયાન તેમણે વાઈલ્ડ લાઈફ કેર સેન્ટર દ્વારા કરવામાં આવતી વિવિધ કામગીરીનું નિરીક્ષણ કર્યું હતું અને વૉટર બર્ડ્સ સેન્ટરની પણ મુલાકાત લીધી હતી. આ પ્રસંગે અગ્ર મુખ્ય વન સંરક્ષક અને હેડ ઓફ ધ ફોરેસ્ટ ફોર્સના ડૉ એ.પી. સિંઘે કહ્યું કે મુખ્યમંત્રીશ્રીના નેતૃત્વમાં ઉત્તરાયણ પર્વમાં ઘાયલ પક્ષીઓને બચાવવાનું આ અભૂતપૂર્વ અભિયાન છે. આ અભિયાનમાં અત્યાર સુધીમાં હજારો ઘાયલ પક્ષીઓના જીવ બચાવવામાં આવ્યા છે. તા.10 થી 20 જાન્યુઆરી દરમિયાન સુધી ચાલનારા આ અભિયાનને સફળ બનાવવા પશુપાલન, વન વિભાગ, મહાનગરપાલિકાઓ અને વિવિધ સ્વૈચ્છિક સંસ્થાઓ સહભાગી બની રહી છે.

આ પ્રસંગે ઇન્ડિયન ફાર્માસ્યુટિકલ અલાયન્સ (IPA)નાં 25 વર્ષ પૂર્ણ થયાની ઉજવણી પણ કરવામાં આવી હતી. કેન્દ્રીય ગૃહ મંત્રી શ્રી અમિતભાઈ શાહ તથા મુખ્યમંત્રી  ભૂપેન્દ્ર પટેલના હસ્તે 'ધ એલ્કેમી ઑફ ક્યોર' કૉફી ટેબલ બુકનું વિમોચન કરવામાં આવ્યું હતું. આ પ્રસંગે ઇન્ડિયન ફાર્માસ્યુટિકલ એલાયન્સનાં 25 વર્ષ પૂર્ણ થવા નિમિત્તે ઇન્ડિયા ફાર્મા આર્કાઇવ્સનું પણ લોકાર્પણ કરાયું હતું.આ સમારંભમાં IPAના પ્રમુખ અને ઝાયડસના મેનેજિંગ ડિરેક્ટર ડૉ. શાર્વિલ પટેલે પ્રાસંગિક વકતવ્ય આપ્યું હતું,  જ્યારે ડૉ. રેડ્ડીના ચેરમેન સતીષ રેડ્ડીએ સ્વાગત પ્રવચન અને લુપિનના એમડી નીલેશ ગુપ્તાએ આભારવિધિ કરી હતી.