આર્જેન્ટિનાની રાજધાની બ્યુનોસ એરેસમાં પ્રધાનમંત્રી નરેન્દ્ર મોદીને શનિવારે (સ્થાનિક સમય મુજબ) એક ખાસ સન્માનથી સન્માનિત કરવામાં આવ્યા હતા. તેમને 'કી ટુ ધ સિટી'  નામનું વિશેષ સન્માન એનાયત કરવામાં આવ્યું હતું, જે ભારત અને આર્જેન્ટિના વચ્ચેની ગાઢ મિત્રતા અને વિશ્વાસનું પ્રતીક છે. આ સન્માન તેમને બ્યુનોસ એરેસ શહેર સરકારના વડા જોર્જ મેક્રી દ્વારા સોંપવામાં આવ્યું હતું. આ સન્માન વિશ્વની એવી પ્રતિષ્ઠિત હસ્તીઓને આપવામાં આવે છે, જેઓ કોઈ શહેર સાથે ખાસ સંબંધ સ્થાપિત કરે છે અથવા તે શહેરમાં સાંસ્કૃતિક, રાજકીય અથવા આર્થિક સંબંધો વધારે છે.

પ્રધાનમંત્રી નરેન્દ્ર મોદી તેમના પાંચ દેશોના પ્રવાસના ચોથા તબક્કામાં શનિવારે (સ્થાનિક સમય) બ્રાઝિલ પહોંચ્યા હતા, જ્યાં તેઓ 17મા બ્રિક્સ સમિટમાં હાજરી આપશે. આ સમિટ રિયો ડી જાનેરોમાં યોજાઈ રહી છે અને તેમાં બ્રાઝિલ, રશિયા, ભારત, ચીન અને દક્ષિણ આફ્રિકા સહિત બ્રિક્સ સભ્ય દેશોના વડાઓ હાજરી આપશે. બ્રાઝિલ પહોંચ્યા પછી, પ્રધાનમંત્રી મોદીએ સોશિયલ મીડિયા પ્લેટફોર્મ 'X' પર લખ્યું કે, "હું બ્રાઝિલના રિયો ડી જાનેરો પહોંચી ગયો છું, જ્યાં હું બ્રિક્સ સમિટમાં ભાગ લઈશ. આ પછી, હું રાજધાની બ્રાઝિલિયા જઈશ, જ્યાં હું બ્રાઝિલના પ્રમુખ લુલાના આમંત્રણ પર રાજ્ય સ્તરની મુલાકાત લઈશ.

હવામાન વિભાગની આગાહી મુજબ, આજે આખો દિવસ વરસાદ ચાલુ રહેવાની શક્યતા છે.આજે સવારે 8:30 વાગ્યે દ્વારકામાં 26.6°C તાપમાન અને 97% ભેજ નોંધાયો હતો, જ્યારે પવનની ગતિ 18.5 કિમી/કલાક હતી.આજે દિવસભર ગર્જના સાથે વરસાદ થવાની શક્યતા છે.આગામી 6 દિવસ માટે પણ દ્વારકા જિલ્લામાં ગર્જના સાથે વરસાદ અથવા ગાજવીજ સાથે વરસાદની આગાહી કરવામાં આવી છે.વરસાદને કારણે જનજીવન અને ખેડૂતો પર અસર થઈ શકે છે. જો તમે દ્વારકા જિલ્લામાં હોવ તો સાવચેતી રાખવી જરૂરી છે.દ્વારકાના ભદ્રકાલી ચોકમાં આવેલી દુકાનો રેસ્ટોરન્ટોમાં પણ પાણી ઘૂસવાની શરૂઆત થઈ ગઈ છે. 

ભીંસણ આગ લાગતા બે કિલોમીટર સુધી ધુમાડાના ગોટાળા દેખાતા હતા. આ તરફ ઘટનાની જાણકારી મળતાં જ ખેડા ફાયર સહીત નડિયાદથી ફાયર ફાયટરો ઘટના સ્થળે પહોંચ્યા છે. આ સાથે આગ કાબુમાં લેવા માટે ખેડા નગરપાલિકા ટીમ સાથે નડિયાદની ટીમ પણ જોડાઈ છે.ખેડા બસ સ્ટેશન સામે રાઇસ મિલમાં આગ લાગ્યાના સમાચાર સામે આવ્યા છે. ઘટનાની જાણકારી મળતા જ ફાયર ફાઇટર સ્થળ પર પહોંચ્યા છે. આ સાથે પ્રાંત અધિકારી મામલતદાર, ખેડા ટાઉન PI અને માતર વિધાનસભાના ધારાસભ્ય સહિતના અધિકારીઓ ઘટના સ્થળ પર પહોંચ્યા હતા. 

ગ્રામીણ અર્થતંત્રમાં મહિલા નેતૃત્વને સશક્ત બનાવવા માટે તેમણે સહકારી મૉડલને પ્રાથમિકતા આપી છે. આ વિઝનને સુદ્રઢ બનાવતાં કેન્દ્રીય ગૃહ અને સહકારી મંત્રી અમિત શાહના માર્ગદર્શન અને મુખ્યમંત્રી ભૂપેન્દ્ર પટેલના નેતૃત્વ હેઠળ ગુજરાતે સહકારી ક્ષેત્રના માધ્યમથી ખરા અર્થમાં મહિલા સશક્તિકરણ કર્યું છે.આંતરરાષ્ટ્રીય સહકારી દિવસ નિમિત્તે ગુજરાત સરકારે જાહેર કરેલા આંકડા અનુસાર, છેલ્લાં 5 વર્ષમાં (2020થી 2025 સુધી) મહિલાઓની આગેવાની હેઠળની દૂધ સહકારી મંડળીઓ 21% વધીને 3,764થી 4,562 થઈ ગઈ છે. આ દર્શાવે છે કે રાજ્યમાં સહકારી સંસ્થાઓમાં મહિલાઓની ભાગીદારીમાં નોંધપાત્ર વૃદ્ધિ થઈ છે.  

મુખ્યમંત્રી ભૂપેન્દ્ર પટેલના માર્ગદર્શનમાં અને સહકાર મંત્રી જગદીશ વિશ્વકર્માના નેતૃત્વમાં રાજ્ય સરકાર દ્વારા ચાલુ વર્ષે ઉત્તર ઝોનના 6 જિલ્લા, મધ્ય ઝોનના 10, દક્ષિણ ઝોનના 5 તેમજ સૌરાષ્ટ્ર અને કચ્છ ઝોનના 12 જિલ્લામાં eNAM અને AGMARK જેવા વિષયો પર સમીક્ષા-પ્રશિક્ષણ કાર્યક્રમ યોજાયા હતા. જેમાં કુલ 144 જેટલા માર્કેટિંગ કમિટીના સચિવો સહિત સહકારી ક્ષેત્રના આગેવાનો મોટી સંખ્યામાં સહભાગી થયા હતા.      

સ્ટેટ ઇમરજન્સી ઓપરેશન સેન્ટર-SEOC, ગાંધીનગરના અહેવાલ મુજબ છેલ્લાં 24 કલાક દરમિયાન રાજ્યમાં સૌથી વધુ રાજકોટના જામકંડોરણા, સાબરકાંઠાના ઇડર અને બનાસકાંઠાના ધાનેરા તાલુકામાં ૫-૫ ઇંચ કરતાં વધુ વરસાદ વરસ્યો છે. જ્યારે રાજકોટના ધોરાજી અને જામનગરના જોડિયા તાલુકામાં 4-4 ઇંચ કરતા વધુ વરસાદ નોંધાયો છે. વધુમાં, ગત 24 કલાકમાં કચ્છના મુંદ્રા અને ગાંધીધામ, જામનગરના લાલપુર, રાજકોટના જેતપુર, સુરેન્દ્રનગરના વઢવાણ અને ચુડા તેમજ બનાસકાંઠાના વડગામ અને દાંતીવાડા તાલુકામાં 3 ઇંચ કરતાં વધુ વરસાદ નોંધાયો છે.

ત્રિપુરાના પરિવહન મંત્રી સુશાંત ચૌધરીએ બુધવારે પત્રકારો સાથે વાત કરતા સ્પષ્ટતા કરી હતી કે ત્રિપુરામાં એક અઠવાડિયાથી વધુ સમય સુધી ખોરવાઈ રહ્યા બાદ રેલ સેવા સંપૂર્ણપણે પુનઃસ્થાપિત થઈ ગઈ છે. આ સાથે, રાજ્યમાં સામાન્ય કામગીરી ફરી શરૂ થઈ ગઈ છે.

અસરગ્રસ્ત રેલ્વે ટ્રેક પર જાળવણી કાર્ય પૂર્ણ થઈ ગયું છે અને હાલમાં રાષ્ટ્રીય ધોરીમાર્ગો પર રેલ કે વાહનોની અવરજવરમાં કોઈ અવરોધ નથી.

રાષ્ટ્રીય મહિલા આયોગના અધ્યક્ષ ગુજરાતના બે દિવસના પ્રવાસે આવેલા છે તે દરમિયાન તેમણે ગુરુવારે મુખ્યમંત્રી ભૂપેન્દ્ર પટેલ સાથે આ શુભેચ્છા મુલાકાત કરી હતી.વિજયા રહાટકર તેમની ગુજરાત મુલાકાત દરમિયાન અમદાવાદમાં મહિલા જન સુનવાઇ  કાર્યક્રમ તેમજ  ગાંધીનગર અને પાલનપુર ખાતે વિવિધ બેઠકો અને  અન્ય કાર્યક્રમોમાં ઉપસ્થિત રહેવાના છે.

આ અભ્યાસો તારણ કાઢે છે કે જીવનશૈલી, પહેલાથી અસ્તિત્વમાં રહેલા રોગો, આનુવંશિક કારણો અને કોવિડ પછીની સ્વાસ્થ્ય ગૂંચવણો અચાનક મૃત્યુ પાછળ મુખ્ય ગુનેગારો છે, કોવિડ રસી નહીં.ICMR અને નેશનલ સેન્ટર ફોર ડિસીઝ કંટ્રોલ (NCDC) એ 18 થી 45 વર્ષની વયના યુવાનોમાં અસ્પષ્ટ અચાનક મૃત્યુના કારણો શોધવા માટે બે વ્યાપક અભ્યાસ હાથ ધર્યા હતા. પ્રથમ અભ્યાસ નેશનલ ઇન્સ્ટિટ્યૂટ ઓફ એપિડેમિઓલોજી (NIE-ICMR) દ્વારા મે અને ઓગસ્ટ 2023 વચ્ચે 19 રાજ્યો અને કેન્દ્રશાસિત પ્રદેશોની 47 હોસ્પિટલોમાં હાથ ધરવામાં આવ્યો હતો. તેમાં ઓક્ટોબર 2021 અને માર્ચ 2023 વચ્ચે સ્વસ્થ દેખાતા લોકોના અચાનક મૃત્યુના કેસોની તપાસ કરવામાં આવી હતી.