ગોવામાં ભારે વરસાદ ચાલુ છે. આને ધ્યાનમાં રાખીને, ઘણી ફ્લાઇટ્સ તેમના નિર્ધારિત સમય કરતાં મોડી ચાલી રહી છે, જ્યારે કેટલીક ફ્લાઇટ્સને ડાયવર્ટ પણ કરવામાં આવી છે. એરલાઈને તેની સલાહકારમાં કહ્યું છે કે અમારી ટીમ મુસાફરોને શક્ય તમામ સહાય પૂરી પાડવા માટે પ્રતિબદ્ધ છે. અમે ખાતરી કરી રહ્યા છીએ કે કોઈ પણ મુસાફરને કોઈ સમસ્યા ન થાય.+અમારી ટીમ મુસાફરો સાથે સતત સંપર્કમાં છે અને તેમને દરેક ક્ષણે માહિતી આપી રહી છે.

બધા મુસાફરોએ સમયાંતરે તેમની ફ્લાઇટ્સ વિશે માહિતી મેળવતા રહેવું જોઈએ.

અમૃત ભારત સ્ટેશન યોજના હેઠળ રાજકોટ ડિવિઝનના 6 સ્ટેશનોનું પ્રધાનમંત્રી નરેન્દ્ર મોદીના હસ્તે લોકાર્પણ થવા જઈ રહ્યું છે. અમૃત ભારત સ્ટેશન યોજના હેઠળ રાજકોટ રેલવે ડિવિઝનના કુલ 17 સ્ટેશનોનું પુનર્વિકાસ થઈ રહ્યું છે. જેમાં કુલ 6 સ્ટેશનોના પુનર્વિકાસની કામગીરી પૂર્ણ થઈ ગઈ છે. જેમાં ઓખા, મીઠાપુર, કાનાલુસ, જામવંથળી, હાપા અને મોરબીનો સમાવેશ થાય છે. આ તમામ સ્ટેશનોનું લોકાર્પણ વીડિયો કોન્ફરન્સના માધ્યમથી વડાપ્રધાન મોદીના હસ્તે કરવામાં આવશે.

6 સ્ટેશનોનું વડાપ્રધાન નરેન્દ્ર મોદીના હસ્તે થશે ઈ-લોકાર્પણ 

ચેન્નાઈ સ્થિત પ્રાદેશિક હવામાન કેન્દ્ર (RMC)એ આગામી થોડા દિવસો માટે તમિલનાડુના ઘણા જિલ્લાઓમાં ભારે વરસાદની ચેતવણી જારી કરી છે. હવામાન કેન્દ્રના તાજેતરના બુલેટિન મુજબ, 22 મે સુધી નીલગિરિ, કોઈમ્બતુર, તિરુપુર, થેની, ડિંડીગુલ, ઇરોડ, કૃષ્ણગિરિ અને ધર્મપુરી જિલ્લાઓમાં અલગ અલગ સ્થળોએ ભારે વરસાદની સંભાવના છે.

RMCએ આગાહી વિશે શું કહ્યું ?

ભારત અને પાકિસ્તાન વચ્ચે પરિસ્થિતિ સામાન્ય થઈ ગયા બાદ હવે આજે મંગળવારે સાંજે 6.30 વાગ્યે BSF જવાનો અને પાકિસ્તાની રેન્જર્સ વચ્ચે રિટ્રીટ સેરેમની ફરી શરૂ થશે. આ ઉપરાંત, ખેડૂતો માટે વાડના દરવાજા ખોલવામાં આવ્યા છે જેથી તેઓ વાડની પેલે પારની જમીનમાં ખેતી કરી શકે. 

BSFના અધિકારીએ સેરેમની વિશે શું કહ્યું ?

'સ્વાસ્થ્ય માટે એક વિશ્વ' (One World For Health) થીમ હેઠળ સ્વિટ્ઝલેન્ડના જીનીવામાં 78મી વિશ્વ સ્વાસ્થ્ય સભા (WHA) શરૂ થઈ. ઉદ્ઘાટન સમારોહને સંબોધતા WHOના ડિરેક્ટર જનરલ ટેડ્રોસ અધાનમ ઘેબ્રેયસસે કહ્યું હતું કે, દરેક WHA મહત્ત્વપૂર્ણ છે, પરંતુ આ વર્ષની સભા ખાસ કરીને ઐતિહાસિક છે કારણ કે સભ્ય દેશો પાસેથી રોગચાળાના કરાર પર વિચારણા કરવાની અને સંભવિત રીતે અપનાવવાની અપેક્ષા છે. WHOના ડિરેક્ટર ટેડ્રોસે સભ્ય દેશોને WHOનું લાંબાગાળાનું નાણાકીય ટકાઉપણું અને સ્વતંત્રતા સુનિશ્ચિત કરવામાં મદદ કરવા માટે મૂલ્યાંકન કરાયેલ યોગદાન વધારાના આગામી રાઉન્ડને મંજૂરી આપવાનું પણ આહવાન કર્યું હતું. 

ઉપરાષ્ટ્રપતિ જગદીપ ધનખર આજે મંગળવારથી ગોવાના ત્રણ દિવસના પ્રવાસે જશે. ઉપરાષ્ટ્રપતિ સચિવાલયે સોમવારે જારી કરાયેલા એક નિવેદનમાં આ માહિતી આપી હતી. નિવેદન અનુસાર, ઉપરાષ્ટ્રપતિ 21 મેના રોજ મોર્મુગાઓ બંદરની મુલાકાત લેશે. 

ઉપરાષ્ટ્રપતિ નવા બંદર પ્રોજેક્ટ્સ રાષ્ટ્રને કરશે સમર્પિત

આ દરમિયાન, ઉપરાષ્ટ્રપતિ નવા બંદર પ્રોજેક્ટ્સ રાષ્ટ્રને સમર્પિત કરશે. ઉપરાષ્ટ્રપતિ જગદીપ ધનખર આ સમયગાળા દરમિયાન મોર્મુગાઓ પોર્ટ ઓથોરિટીના વરિષ્ઠ અધિકારીઓ અને કર્મચારીઓ સાથે વાતચીત કરશે. 

ઉપરાષ્ટ્રપતિ ભારતીય કોસ્ટ ગાર્ડના વરિષ્ઠ અધિકારીઓ સાથે પણ કરશે વાતચીત

સુપ્રીમ કોર્ટે શ્રીલંકાના એક નાગરિકની અરજી ફગાવી દેતા સોમવારે કડક ટિપ્પણી કરી હતી. જેમાં સુપ્રીમ કોર્ટે કહ્યું હતું કે "ભારત કોઈ ધર્મશાળા નથી જ્યાં દુનિયાભરમાંથી આવતા શરણાર્થીઓને સમાવી લેવામાં આવે." આ ટિપ્પણી ત્યારે આવી જ્યારે કોર્ટ શ્રીલંકાના એક તમિલ નાગરિક દ્વારા દાખલ કરાયેલી અરજી પર સુનાવણી કરી રહી હતી, જેમાં સજા પૂર્ણ કર્યા પછી ભારતમાં નિર્વસનથી રક્ષણ મેળવવાની માંગ કરવામાં આવી હતી.

સુપ્રીમ કોર્ટની બેન્ચે આ કેસમાં શું કહ્યું ? 

પ્રથમ ખેલો ઇન્ડિયા બીચ ગેમ્સની સોમવારે સાંજે દીવના ઘોઘલા બીચ પર શરૂઆત થઈ હતી. કેન્દ્રીય રમતગમત મંત્રી મનસુખ માંડવિયાએ ભવ્ય સમારોહમાં રમતોનું ઉદ્ઘાટન કર્યું હતું. આ ઉત્સવમાં વિવિધ પરંપરાગત નૃત્યો દ્વારા ભારતની વિવિધતા દર્શાવવામાં આવી હતી. આ પ્રસંગે ડોકટર મનસુખ માંડવિયાએ કહ્યું હતું કે, ભારત 2047 સુધીમાં રમતગમતમાં મહાસત્તા બનવા માટે પ્રતિબદ્ધ છે. આ રમતોમાં 30 રાજ્યો અને કેન્દ્રશાસિત પ્રદેશોના 1 હજાર 350થી વધુ ખેલાડીઓએ વિવિધ સ્પર્ધાઓમાં ભાગ લીધો છે. ખેલાડીઓ ફૂટબોલ, વોલીબોલ, કબડ્ડી, સ્વિમિંગ જેવી વિવિધ સ્પર્ધાઓ યોજાશે.

ઇન્ડિયન પ્રીમિયર લીગની 62મી મેચમાં આજે ચેન્નાઈ સુપર કિંગ્સ અને રાજસ્થાન રોયલ્સની ટીમો એકબીજા સામે ટકરાશે. બંને ટીમો વચ્ચેની આ મેચ દિલ્હીના અરુણ જેટલી સ્ટેડિયમ ખાતે સાંજે 7:30 વાગ્યે રમાશે. બંને ટીમો પહેલાથી જ IPL 2025 પ્લેઓફની રેસમાંથી બહાર થઈ ગઈ છે. આવી સ્થિતિમાં, બંને ટીમો આજની મેચ જીતીને પોતાના ચાહકોને ખુશ થવાની તક આપવા માટે મેદાનમાં ઉતરશે.

સિઝનમાં રાજસ્થાનનું પ્રદર્શન રહ્યું ખરાબ 

અમદાવાદના ચંડોળા તળાવમાં બીજી તબક્કાના ડિમોલિશનની કામગીરી  શરુ કરવામાં આવી છે. બીજા તબક્કામાં 2.5 લાખ ચોરસ મીટર જમીન પર થયેલાં દબાણો દૂર કરવામાં આવી રહ્યા છે. અમદાવાદ મ્યુનિસિપલ કોર્પોરેશનની ટીમોએ ત્રણ શિફ્ટમાં કામગીરી કરીને અભિયાન પાર પાડશે. આ દબાણ દુર કરવાની કામગીરી લગભગ 3થી 4 દિવસ સુધી ચાલશે. જેમાં 8 હજારથી ગેરકાયદે બાંધકામ પર બુલડોઝર ફેરવી દેવામાં આવશે. અન્ય કોઈ અનિચ્છનીય બનાવ ન બને તે માટે 3 હજાર પોલીસ અને  25 SRP કંપની તૈનાત કરવામાં આવી છે...

પોલીસે અગાઉથી આપી દીધી ચેતવણી