ઇન્ડિયન પ્રીમિયર લીગ 2025ની 35મી મેચમાં ગુજરાત ટાઇટન્સે દિલ્હી કેપિટલ્સને 7 વિકેટથી હરાવ્યું છે. ગુજરાત ટાઈટન્સ અને દિલ્હી કેપિટલ્સ વચ્ચે રમાયેલી આ મેચ અમદાબાદના નરેન્દ્ર મોદી સ્ટેડિયમ યોજાઇ હતી. જ્યાં ગુજરાતને જીતવા માટે દિલ્હીએ 204 રનનો ટાર્ગેટ આપ્યો હતો, જે તેણે 19.2 ઓવરમાં હાંસલ કરી લીધો. ગુજરાત તરફથી જોસ બટલરે અણનમ 97 રન બનાવ્યા હતા.
ભારતે શનિવારે બાંગ્લાદેશમાં હિન્દુ સમુદાયના અગ્રણી નેતા ભાવેશચંદ્ર રોયના અપહરણ અને ક્રૂર હત્યાની નિંદા કરી છે. વિદેશ મંત્રાલયે તેને દેશની વચગાળાની સરકાર હેઠળ લઘુમતીઓના "વ્યવસ્થિત ઉત્પીડનની પેટર્ન" ના ભાગ તરીકે ગણાવ્યું છે. વિદેશ મંત્રાલયના પ્રવક્તા રણધીર જયસ્વાલે કહ્યું કે, આ ઘટના બાંગ્લાદેશમાં હિન્દુઓ અને અન્ય લઘુમતી જૂથો સામે લક્ષિત હિંસાના ખતરનાક વલણને પ્રતિબિંબિત કરે છે.
પ્રવક્તા રણધીર જયસ્વાલે શું કહ્યું ?
પ્રધાનમંત્રી નરેન્દ્ર મોદી આગામી તારીખ 22 અને 23 એપ્રિલના રોજ સાઉદી અરેબિયાની મુલાકાતે જશે. તેમને આ મુલાકાત માટે ક્રાઉન પ્રિન્સ અને વડાપ્રધાન મોહમ્મદ બિન સલમાન દ્વારા આમંત્રણ આપવામાં આવ્યું છે. 2016 અને 2019 પછી વડાપ્રધાન મોદીની સાઉદી અરેબિયાની આ ત્રીજી મુલાકાત હશે. વર્ષ 2023માં, સાઉદી અરેબિયાના ક્રાઉન પ્રિન્સ નવી દિલ્હીની મુલાકાતે આવ્યા હતા. તેમણે G20 સમિટમાં હાજરી આપી હતી અને ભારત-સાઉદી અરેબિયા વ્યૂહાત્મક ભાગીદારી પરિષદની પ્રથમ બેઠકની સહ-અધ્યક્ષતા કરી હતી.
ગુજરાત ટાઇટન્સ (GT) આજે ઇન્ડિયન પ્રીમિયર લીગ 2025ના 35મા મેચમાં અમદાવાદના નરેન્દ્ર મોદી સ્ટેડિયમમાં દિલ્હી કેપિટલ્સ (DC) સામે રમી રહી છે. આ મેચમાં દિલ્હી કેપિટલ્સે ગુજરાત ટાઇટન્સને જીતવા માટે 204 રનનો ટાર્ગેટ આપ્યો છે. દિલ્હી તરફથી અક્ષર પટેલે 39 રન બનાવ્યા. જ્યારે આશુતોષ શર્માએ 37 રનની ઇનિંગ રમી. જ્યારે ગુજરાત તરફથી પ્રસિદ્ધ કૃષ્ણાએ ચાર વિકેટ લીધી હતી. વર્તમાન IPL સિઝનમાં દિલ્હી કેપિટલ્સનું પ્રદર્શન શાનદાર રહ્યું છે. દિલ્હીએ છ મેચ રમી છે અને પાંચમાં જીત મેળવી છે. ગુજરાત ટાઇટન્સે પણ 6 મેચ રમી છે અને ચારમાં જીત મેળવી છે.
દિલ્હી કેપિટલ્સ કેવું પ્રદર્શન કર્યું ?
'વિશ્વ લીવર દિવસ' નિમિત્તે આજે અમદાવાદ સિવિલ હોસ્પિટલમાં 188મા અંગદાતા થકી લીવર, બે કિડની અને બંને આંખોનું દાન મળ્યું છે. ખેડબ્રહ્માના 17 વર્ષના યુવાન મનુભાઇ ઓડિયાને માર્ગ અકસ્માતમાં માથાના ભાગે ગંભીર ઇજા થઇ હતી. સિવિલમાં સઘન સારવારના અંતે બ્રેઇન ડેડ જાહેર થતાં સ્વજનોએ અંગદાન કર્યું હતું.
રાજ્યના આરોગ્ય મંત્રી ઋષિકેશ પટેલે સોમનાથ મહાદેવ સમક્ષ રાજ્યના સર્વાંગી વિકાસ અને લોકોના કુશળક્ષેમ માટે પ્રાર્થના કરી હતી. આ અવસરે સોમનાથ ટ્રસ્ટ તરફથી મંદિરના પૂજારીએ તેમને સોમનાથ મહાદેવનું સ્મૃતિચિત્ર અર્પણ કર્યું. સાથે જ તેમને પ્રસાદ આપી વિશેષ સન્માન કરવામાં આવ્યું હતું.
આરોગ્ય મંત્રી ઋષિકેશ પટેલે ટ્વિટ કરીને શું કહ્યું ?
પ્રધાનમંત્રી નરેન્દ્ર મોદી સોમવારે નવી દિલ્હીમાં લોક સેવા દિવસ પર આયોજિત કાર્યક્રમને સંબોધિત કરશે. વડાપ્રધાન નરેન્દ્ર મોદી અધિકારીઓને લોક વહીવટમાં શ્રેષ્ઠતા માટે પ્રધાનમંત્રી પુરસ્કારો એનાયત કરશે.
પ્રધાનમંત્રી કાર્યાલય (PMO) દ્વારા જારી કરવામાં આવેલા એક નિવેદન અનુસાર, વડાપ્રધાન નરેન્દ્ર મોદી 21 એપ્રિલના રોજ સવારે 11 વાગ્યે નવી દિલ્હીના વિજ્ઞાન ભવનમાં 17મા લોક સેવા દિવસ નિમિત્તે લોક સેવકોને સંબોધિત કરશે. ભારત સરકાર દર વર્ષે 21 એપ્રિલને સિવિલ સર્વિસ ડે તરીકે ઉજવે છે.
ગુજરાત ટાઇટન્સ (GT) આજે ઇન્ડિયન પ્રીમિયર લીગના 35મા મેચમા દિલ્હી કેપિટલ્સ (DC) સામે ટકરાશે. બંને ટીમો વચ્ચેની આ મેચ અમદાવાદના નરેન્દ્ર મોદી સ્ટેડિયમમાં છે. આ મેચમાં ગુજરાત ટાઇટન્સે ટોસ જીતીને પહેલા બોલિંગ કરવાનો નિર્ણય લીધો હતો.
વર્તમાન IPL સિઝનમાં દિલ્હી કેપિટલ્સનું પ્રદર્શન શાનદાર રહ્યું છે. દિલ્હીએ છ મેચ રમી છે અને પાંચમાં જીત મેળવી છે. ગુજરાત ટાઇટન્સે પણ છ મેચ રમી છે અને ચારમાં જીત મેળવી છે.
કેન્દ્ર સરકારના નાણાં મંત્રાલય દ્વારા UPI અંગે સ્પષ્ટતા કરવામાં આવી છે. નાણાં મંત્રાલયનું કહેવું છે કે, "સરકાર 2,000 રૂપિયાથી વધુના UPI વ્યવહારો પર ગુડ્સ એન્ડ સર્વિસ ટેક્સ (GST) લાદવાની કોઈપણ યોજના પર વિચાર કરી રહી નથી. આ દાવો સંપૂર્ણપણે ખોટો, ભ્રામક અને પાયાવિહોણો છે. હાલમાં, સરકાર પાસે આવો કોઈ પ્રસ્તાવ નથી."
આ વર્ષે જાન્યુઆરી-માર્ચના સમયગાળા દરમિયાન ભારતના ટોચના સાત શહેરોમાં લક્ઝરી હાઉસિંગ સેગમેન્ટમાં વેચાણમાં વાર્ષિક ધોરણે 28 ટકાનો વધારો જોવા મળ્યો છે. આ માહિતી એક અહેવાલમાં આપવામાં આવી હતી. રિયલ એસ્ટેટ કન્સલ્ટન્ટ CBRE સાઉથ એશિયાએ અહેવાલ આપ્યો છે કે, 2025ના પ્રથમ ત્રિમાસિક સમયગાળામાં લક્ઝરી સેગમેન્ટમાં 4 કરોડ રૂપિયાથી વધુની કિંમતના 1,930 યુનિટ વેચાયા હતા.
દક્ષિણ ભારતીય શહેરોમાં બેંગલુરુ આગળ
