એન્ફોર્સમેન્ટ ડિરેક્ટોરેટે(ED) કોંગ્રેસ સાંસદ પ્રિયંકા ગાંધીના પતિ રોબર્ટ વાડ્રાને બીજીવાર સમન્સ પાઠવ્યું છે. હરિયાણાના શિકોહાબાદ જમીન ગોટાળા સાથે જોડાયેલા કેસમાં પૂછપરછ કરવા માટે રોબર્ટ વાડ્રાને બોલાવવામાં આવ્યા છે. આ પહેલા EDએ તેમને 8 એપ્રિલના રોજ સમન્સ પાઠવ્યું હતું , પરંતુ તેઓ ED સમક્ષ હાજર રહ્યા નહતા. રોબર્ટ વાડ્રાને આજે ફરી એકવાર ED સમક્ષ હાજર થવાનું ફરમાન જાહેર કરવામાં આવ્યું છે.

વિદેશમંત્રી ડોકટર એસ.જયશંકર બે દિવસ નર્મદા જિલ્લાની મુલાકાતે હતા. 14મી એપ્રિલે તેમણે વ્યાધાર,આમદલા, અગર,જેતપુર ગામોમાં વિકાસ કાર્યો સહિત સ્માર્ટ કલાસ અને વેલનેસ સેન્ટરની મુલાકાત લીધી હતી. જયારે બીજા દિવસે 15 એપ્રિલના રોજ રાજપીપળા ખાતે છોટુભાઇ પુરાણી વ્યાયામ શાળાનું લોકાર્પણ કર્યું હતું તેમજ વ્યાાયમ ભવન અને જીમનાસ્ટિકના સાધનોનું લોકાર્પણ કર્યું હતું અને બાળકોની રમતનું પણ નિરિક્ષણ કર્યું હતું. ત્યાર બાદ પાસપોર્ટ ઓફિસની મુલાકાત કરી પાસપોર્ટ બનાવવા આવેલા લોકો સાથે વાતચીત પણ કરી હતી. જયશંકર જ્યારે વિદેશમંત્રી બન્યા હતા,  ત્યારે રાજપીપલાની પાસપોર્ટ ઓફિસનું ઉદ્ઘાટન કર્યું હતું.

રાજ્યમાં આજથી ફરી ગરમીમાં વધારો થવાની હવામાન વિભાગે આગાહી કરી છે. બે ત્રણ દિવસ દરમિયાન ગરમીમાં આંશિક મળેલી રાહત બાદ હવે ફરીથી હીટવેવની આગાહી કરવામાં આવી છે. આગામી ત્રણ દિવસ માટે રાજકોટ, કચ્છ, સાબરકાંઠા અને બનાસકાંઠામાં હીટવેવની આગાહી સાથે યલો એલર્ટ જાહેર કરવામાં આવ્યું છે. આ જિલ્લામાં તાપમાનનો પારો 43 થી 44 ડિગ્રીએ પહોંચવાની શક્યતા છે.

રાજ્યના મહત્તમ તાપમાનમાં પણ વધારો થવાની શક્યતાઓ

જમ્મુ અને કાશ્મીરના પૂંછ જિલ્લાના લસાના વિસ્તારમાં રાત્રે શંકાસ્પદ આતંકવાદીઓએ સેનાની ટુકડી પર ગોળીબાર કર્યો હતો. આ હુમલો ત્યારે થયો જ્યારે સેનાની પેટ્રોલિંગ ટીમ આ વિસ્તારમાં નિયમિત દેખરેખ રાખી રહી હતી. ગોળીબારની આ ઘટના બાદ, સુરક્ષા દળોએ તાત્કાલિક કાર્યવાહી શરૂ કરી દીધી હતી અને પૂંછ-જમ્મુ રાષ્ટ્રીય ધોરીમાર્ગ પર મોટા પાયે સર્ચ ઓપરેશન હાથ ધરવામાં આવી રહ્યું છે.

અઠવાડિયાના પહેલા ટ્રેડિંગ દિવસે એટલે કે આજે 15 એપ્રિલે શેરબજારની શરૂઆત તેજી સાથે થઈ છે. 14 એપ્રિલ અને સોમવારના રોજ આંબેડકર જયંતિને કારણે શેરબજારમાં ટ્રેડિંગ બંધ રહ્યું હતું. શરૂઆતથી જ બજારમાં જબરદસ્ત ઉછાળો જોવા મળ્યો હતો. સેન્સેક્સ 1600 પોઈન્ટથી વધુ ઊંચકાયો હતો, જ્યારે નિફ્ટીમાં 500 પોઈન્ટનો ઉછાળો જોવા મળ્યો હતો. BSE સેન્સેક્સ 76000ને પાર કરી ગયો હતો, જ્યારે નિફ્ટીમાં ખરીદીનો માહોલ છે. NSE નિફ્ટી લગભગ 500 પોઈન્ટ વધીને 23,300 પર ટ્રેડ થઈ રહ્યો હતો.

હેવીવેઇટ શેરોમાં ઘણી ખરીદી જોવા મળી

વડાપ્રધાન નરેન્દ્ર મોદી સોમવારે બંધારણના ઘડવૈયા બાબાસાહેબ ડૉ. ભીમરાવ આંબેડકરની જન્મજયંતિ નિમિત્તે હરિયાણાની મુલાકાતે હતા, જ્યાં તેમણે હિસાર અને યમુનાનગરમાં રેલીઓને સંબોધિત કરી હતી. આ દરમિયાન, પીએમ મોદીની હરિયાણા મુલાકાતનો એક વીડિયો સોશિયલ મીડિયા પ્લેટફોર્મ પર વાયરલ થઈ રહ્યો છે.

રામપાલ કશ્યપે 2009માં પ્રતિજ્ઞા લીધી હતી

પશ્ચિમ બંગાળમાં વકફના નવા કાયદાના વિરોધમાં હિંસાઓ ફાટી નીકળી છે. હાઈકોર્ટના નિર્દેશ બાદ કેન્દ્રિય બળો તૈનાત કરવામાં આવ્યા છે... રાજ્યના મુર્શિદાબાદ જિલ્લામાં વકફના નવા કાયદાના વિરોધમાં થઈ રહેલી હિંસાને પગલે વકિલ સશાંક શેખર ઝાએ સુપ્રિમ કોર્ટમાં એક અરજી દાખલ કરી છે...અરજીમાં રાજ્યમાં ચાલી રહેલી સાંપ્રદાયિક અને રાજકીય હિંસાઓની તપાસ માટે સુપ્રીમ કોર્ટને વિશેષ તપાસ ટીમની રચના કરવા માટે નિર્દેશ આપવાની માગ કરી છે....અરજીકર્તાએ અરજીમાં રાજ્ય સરકાર અને કેન્દ્રિય સરકારને પ્રતિવાદી બનાવ્યા છે..

 ભાજપ નેતા સુકાંત મજુમદારે રાજ્યપાલને ચિઠ્ઠી લખી

ચેન્નાઈ સુપર કિંગ્સે IPLની મેચમાં લખનઉ સુપર જાયન્ટ્સને 5 વિકેટે હરાવ્યું છે. સતત પાંચ હારનો સામનો કર્યા બાદ ચેન્નાઈએ IPL 2025માં પ્રથમ જીત મેળવી છે. લખનઉના એકાના સ્ટેડિયમ ખાતે રમાયેલી આ મેચમાં, લખનઉ સુપર જાયન્ટ્સે પ્રથમ બેટિંગ કરીને 166 રન બનાવ્યા, જેના જવાબમાં CSKની ટીમે છેલ્લી ઓવર સુધી ચાલેલી આ મેચમાં 5 વિકેટથી પોતાની જીત સુનિશ્ચિત કરી. MS ધોનીએ 11 બોલમાં 26 રનની તોફાની ઇનિંગ રમીને CSKની જીતમાં મોટો ફાળો આપ્યો હતો.

CSKની આ રીતે જીત હાંસલ કરી

ઉત્તર પ્રદેશના ઝાંસીમાં ચાલી રહેલી 15મી હોકી ઇન્ડિયા સિનિયર મેન્સ નેશનલ ચેમ્પિયનશિપ 2025ના ફાઇનલમાં મધ્યપ્રદેશ અને પંજાબે પોતપોતાની સેમિફાઇનલ મેચ જીતીને પોતાનું સ્થાન નિશ્ચિત કર્યું છે. તેઓ પ્રતિષ્ઠિત ટાઇટલ જીતવાથી હવે માત્ર એક ડગલું દૂર છે. પહેલી સેમિફાઇનલ મેચમાં, મધ્યપ્રદેશની ટીમે મણિપુરને 5-3થી હરાવીને ગ્રાન્ડ ફિનાલેમાં પોતાનું સ્થાન નક્કી કર્યું. મધ્યપ્રદેશ માટે કેપ્ટન યુસુફ અફાન અને અલી અહમદે સેમિફાઇનલમાં બે ગોલ કર્યા હતા, જ્યારે મોહમ્મદ ઝૈદ ખાને પણ ગોલ કરવામાં યોગદાન આપ્યું હતું.

તાજેતરના વર્ષોમાં ચીન સંસ્થાકીય વ્યવસ્થામાં સુધારો કરી રહ્યું છે અને RMBના સરહદ પાર ઉપયોગ માટે મૂળભૂત સુવિધાઓનું નિર્માણ કરી રહ્યું છે. ચીને નાણાકીય બજારની દ્વિ-માર્ગને વિસ્તૃત કર્યુ છે, જેનાથી સ્થાનિક અને વિદેશી સંસ્થાઓ માટે RMBનો ઉપયોગ કરવા માટે વધુ સારું નીતિગત વાતાવરણ બન્યું છે. RMBના આંતરરાષ્ટ્રીય ઉપયોગના વિવિધ સૂચકાંકો સતત સુધરી રહ્યા છે.

RMBના આંતરરાષ્ટ્રીયકરણની પ્રક્રિયામાં બહુપક્ષીય વિકાસ બેંકો અને મોટી વિદેશી મૂડી ધરાવતી સંસ્થાઓની સહાય અનિવાર્ય છે. જેમ જેમ સંબંધિત વ્યવસાય વધે છે, તેમ તેમ ઘણી આંતરરાષ્ટ્રીય નાણાકીય સંસ્થાઓ RMB ધિરાણ પસંદ કરે છે.