હવામાન વિભાગના અધિકારીઓના જણાવ્યા અનુસાર, શ્રીનગર શહેરમાં લઘુત્તમ તાપમાન 0.2 ડિગ્રી સેલ્સિયસ, ગુલમર્ગમાં માઈનસ 4.5 અને પહેલગામમાં માઈનસ 1.6 ડિગ્રી નોંધાયું હતું.જમ્મુ વિભાગની વાત કરીએ તો, જમ્મુ શહેરમાં લઘુત્તમ તાપમાન 10 ડિગ્રી સેલ્સિયસ, કટરામાં 9.5, બટોટેમાં 6.1, બનિહાલમાં 3.8 અને ભદ્રવાહમાં 2.6 ડિગ્રી નોંધાયું છે.ગુરુવારે શ્રીનગરમાં મહત્તમ તાપમાન 13 ડિગ્રી સેલ્સિયસ, ગુલમર્ગમાં 4 અને પહેલગામમાં 9 ડિગ્રી સેલ્સિયસ હતું. મહત્તમ અને લઘુત્તમ તાપમાન વચ્ચેનો આ ઘટતો તફાવત 40 દિવસ લાંબા 'ચિલ્લઈ કલાં' દરમિયાન સામાન્ય ગણાય છે.

 પ્રધાન નરેન્દ્ર મોદીએ કહ્યું છે કે, જીવનમાં દરેક ક્ષેત્રે વિકાસ થવો જોઈએ અને તેમાં ખેલકૂદનું પણ મહત્વ છે. મુખ્યમંત્રીએ આ સંદર્ભમાં કહ્યુ કે, પ્રધાનમંત્રીએ આવા ઉદાત ભાવ સાથે ગુજરાતમાં રમત-ગમત સંસ્કૃતિ વિકસાવવા 2010થી ખેલ મહાકુંભ શરૂ કરાવ્યો છે. ખેલ મહાકુંભના પરિણામે રાજ્યના ગ્રામીણ વિસ્તારો સુધી સ્પોર્ટ્સ પ્રત્યેની ઉત્સુકતા વધી છે અને ખેલ મહાકુંભમાં ભાગ લેનારાઓની સંખ્યા ઉત્તરોત્તર વધી રહિ છે.

આ પ્રસંગે કૃષિ અને ખેડૂત કલ્યાણ, સહકાર, પશુપાલન, ગૌસંવર્ધન, મત્સ્ય ઉદ્યોગ અને પ્રોટોકોલ મંત્રી જીતુ વાઘાણીએ જણાવ્યું હતું કે, ગુજરાતના તત્કાલીન મુખ્યમંત્રી અને હાલના પ્રધાનમંત્રી નરેન્દ્ર મોદીએ અશ્વનું સંવર્ધન થાય અને તેમની સંખ્યા વધે તે માટેના પ્રયાસો કર્યા તે અંતર્ગતનું આ અનન્ય આયોજન છે. રાજ્ય સરકાર અનેકવિધ આયોજનો અને યોજનાઓ સાથે પશુ સંવર્ધન ક્ષેત્રે આગળ વધી રહી છે. આપણી નવી પેઢી આપણા સાંસ્કૃતિક ધરોહર સમાન અશ્વ વિશે જાણે, સમજે અને શીખે તે માટે આ પ્રકારના આયોજન ખરેખર પ્રેરણાદાયી છે.

ગ્રામ્ય જીવનની સાદગીને અનુરૂપ લુણીવાવ પ્રાથમિક શાળાના એક સામાન્ય ઓરડામાં તેઓ રાત રોકાયા હતા. ઉલ્લેખનીય છે કે રાજ્યપાલ ગામડાઓની તેમની મુલાકાત દરમિયાન સાદગીપૂર્ણ જીવનશૈલી પર ભાર આપી તદૃન પ્રાથમિક સુવિધાઓ ધરાવતા સરકારી શાળા કે પંચાયત ભવન પ્રકારના સરકારી આવાસોમાં રોકાણ કરે છે. 

અમદાવાદના પૂર્વ વિસ્તાર વસ્ત્રાલમાં રહેતી માહી ભટ્ટે અમેરિકાની સ્પેસ એજન્સી 'નાસા' (NASA) ની અત્યંત કઠિન ગણાતી 'જુનિયર સાયન્ટિસ્ટ'ની પરીક્ષા પાસ કરી છે. આ પરીક્ષા પાસ કરીને એક નવો ઈતિહાસ રચ્યો છે.

માહીની સિદ્ધિનું કદ કેટલું મોટું છે તે આ આંકડા પરથી જાણી શકાય છે. નાસા દ્વારા આયોજિત આ પરીક્ષામાં વિશ્વભરમાંથી કુલ ૬ લાખ જેટલા વિદ્યાર્થીઓએ ભાગ લીધો હતો. આટલી મોટી સંખ્યામાંથી, ભારતમાંથી પસંદગી પામનારી માહી ભટ્ટ એકમાત્ર વિદ્યાર્થિની બની છે. લાખોની ભીડમાં પોતાની આગવી ઓળખ ઊભી કરીને તેણે સાબિત કર્યું છે કે ગુજરાતની દીકરીઓ વિશ્વના ફલક પર પણ શ્રેષ્ઠ છે.

પ્રધાનમંત્રી નરેન્દ્ર મોદીએ શરૂ કરેલી "પીએમ સૂર્ય ઘર: મફ્ત વીજળી યોજના" હેઠળ પ્રાપ્ત થયેલી આ સિદ્ધિ, રૂફટોપ સોલાર અપનાવવામાં ગુજરાતના નેતૃત્વને સ્પષ્ટ રીતે દર્શાવે છે. રાજકોટમાં આયોજિત થનાર આવનારી વાઇબ્રન્ટ ગુજરાત રીજનલ કોન્ફરન્સ (VGRC) કચ્છ-સૌરાષ્ટ્ર દરમિયાન આ સફળતાની ગાથા મુખ્ય આકર્ષણ બનશે.વધુમાં, ગુજરાતે અત્યાર સુધીમાં વિવિધ યોજનાઓ હેઠળ કુલ 11 લાખથી વધુ સોલાર રૂફટોપ ઇન્સ્ટોલેશન પ્રાપ્ત કર્યું છે, જે દેશના રિન્યુએબલ ઉર્જા ક્ષેત્રે અગ્રેસર રાજ્ય તરીકે તેનું સ્થાન વધુ મજબૂત બનાવે છે.

ગુજરાતના વિવિધ જિલ્લાઓમાં ફેલાયેલી અરવલ્લીની પર્વતમાળા અને તેના જંગલ વિસ્તારોમાં રાજ્ય સરકારે આજ સુધી ક્યારેય ખનનની મંજૂરી આપી નથી અને ભવિષ્યમાં પણ ખનનની પ્રવૃત્તિને મંજૂરી આપવામાં આવશે નહીં.મંત્રી અર્જુન મોઢવાડિયાએ વધુમાં ઉમેર્યું હતું કે, સુપ્રીમ કોર્ટના આદેશ મુજબ ગુજરાત સરકાર અરવલ્લી પહાડીઓની નવી વ્યાખ્યા અને સંરક્ષણના તમામ પાસાઓનો અમલ કરી રહી છે. જે મુજબ, સ્થાનિક ભૂતળથી 100 મીટર કે તેથી વધુ ઊંચાઈ ધરાવતા તમામ ભૂ-આકારોને 'પર્વત' તરીકે વ્યાખ્યાયિત કરવામાં આવ્યા છે, જેથી કોઈ કાયદાકીય છટકબારી ન રહે.

 ગાંધીનગરના PDEU ના બોર્ડ રૂમમાં યોજાયેલી આ ઇવેન્ટમાં વ્યૂહાત્મક ચર્ચાઓ અને સહયોગી પહેલ માટે મુખ્ય સરકારી અધિકારીઓ, અગ્રણી Space Technology નિષ્ણાતો અને ઉદ્યોગ સાહસિકો એકઠા થયા હતા.

આવા સમયે વિજેશભાઈના હાથમાં દેખાતા કાળા-ભૂરા રંગના માટીના ગોળા એ માત્ર માટી નથી, પણ જંગલના 'ગુલાબજાંબુ' એટલે કે સીડ બોલ છે. ગાયનું છાણ, સેન્દ્રિય ખાતર અને માટીના મિશ્રણમાંથી બનેલા આ ગોળામાં કુદરતનો અણમોલ ખજાનો એટલે કે દુર્લભ વનસ્પતિઓના બીજ છુપાયેલા હોય છે. જ્યાં માણસોનું પહોંચવું મુશ્કેલ છે, જ્યાં ડુંગરો વેરાન છે, ત્યાં વિજેશભાઈના સીડ બોલ જાદુ કરી રહ્યા છે. અત્યાર સુધીમાં તેમણે લગભગ 90 હજાર સીડ બોલ તૈયાર કરીને ડાંગના ઉત્તર-દક્ષિણ રેન્જથી લઈને તાપીના સોનગઢ, સાદડવેલ, પદમડુંગરી અને ઉકાઈ જેવા ગીચ વન વિસ્તારોમાં ફેંક્યા છે.

કોહલીએ દિલ્હી અને આંધ્રપ્રદેશ વચ્ચેની મેચમાં આ સિદ્ધિ મેળવી. 299 રનના લક્ષ્યનો પીછો કરતા, તેણે પોતાનો પહેલો રન બનાવતાની સાથે જ આ નોંધપાત્ર રેકોર્ડ હાંસલ કર્યો.